فوتو: اشىق دەرەككوز
«ونەركاسىپ, ەنەرگەتيكا, كولىك, اۋىل شارۋاشىلىعى, سۋ رەسۋرستارى مينيسترلىكتەرىنە كاسىپورىندارمەن, اكىمدىكتەرمەن جانە «وتباسى بانكىمەن» بىرلەسە وتىرىپ, جۇمىسشىلارعا يپوتەكالىق جانە جالعا بەرىلەتىن تۇرعىن ءۇي بويىنشا جەڭىلدىكتى باعدارلامالاردى ىسكە قوسۋدى تاپسىرامىن», دەدى ۇكىمەت باسشىسى.
ولجاس بەكتەنوۆ قازاقستانعا مىڭداعان بىلىكتى جۇمىسشى قاجەت ەكەنىن ايتتى.
«جىل سايىن جاڭا ماماندىقتار پايدا بولادى. سوندىقتان بولاشاق داعدىلار مەن قۇزىرەتتەردى بولجاۋ ءۇشىن اكىمدىكتەر ماماندىقتاردىڭ وڭىرلىك اتلاستارىن قالىپتاستىرۋى قاجەت. ازىرگە وسىنداي قۇجاتتار تەك 9 وڭىردە عانا بار. جاستاردىڭ جۇمىس كاسىپتەرىن سانالى تۇردە تاڭداۋى ءۇشىن كاسىپتىك باعدار بەرۋ جۇمىسىندا جاڭا تاسىلدەردى ىسكە اسىرۋ قاجەت», دەدى پرەمەر-مينيستر.
