قىتايدا تاراعان ۆيرۋس قازاقستاندا انىقتالدى ما

قازىر قازاقستاندا بۇكىل الەمدەگىدەي جرۆي جانە تۇماۋمەن سىرقاتتانۋدىڭ ماۋسىمدىق ءوسۋى تىركەلىپ وتىر. 

«ادام مەتاپنەۆموۆيرۋسى - كوپتەگەن ەلدە ونداعان جىلدار بويى تارالعان ۆيرۋستاردىڭ ءبىرى. بۇل ۆيرۋستىڭ شتامدارى قازاقستاندا جرۆي جانە تۇماۋ اۋرۋلارىنىڭ ماۋسىمدىق ءوسۋى كەزەڭىندە كەڭىستىكتە بەلسەندى اينالىمدا بولاتىن ينفەكتسيالاردىڭ باسقا تۇرلەرىمەن قاتار انىقتالدى», دەلىنگەن مينيسترلىك حابارلاماسىندا. 

سانيتاريالىق-ەپيدەميولوگيالىق باقىلاۋ كوميتەتىنىڭ مالىمەتىنشە, ەپيدەميالىق ماۋسىمنىڭ باسىندا رەسپۋبليكا بويىنشا تۇماۋعا جاتپايتىن ۆيرۋستاردان 8 360 ۇلگى زەرتتەلگەن.

ونىڭ ىشىندە وڭ - 1866 (22%), پاراتۇماۋ – 178 (9,5%), رس ۆيرۋسى – 433 (23,2%), مەتاپنەۆموۆيرۋس – 30 (1,6%), رينوۆيرۋس – 680 (36,4%), بوكاۆيرۋس – 113 (6,1%), ادەنوۆيرۋس – 226 (12,1%), كوروناۆيرۋس – 206 (11,1%) انىقتالعان. 

مەتاپنەۆموۆيرۋس نەگىزىنەن اۋا تامشىلارى ارقىلى جانە كەي جاعدايدا تۇرمىستىق بايلانىس ارقىلى تارايدى. ينفەكتسيانىڭ نەگىزگى بەلگىلەرى - جوتەل, مۇرىننان سۋ اعۋ, ەنتىگۋ, تىرىسۋ, باس اۋرۋى.

مينيسترلىك ۆيرۋستىڭ ناقتى ەمى جوق ەكەنىن ايتىپ, سيمپتوماتيكالىق ەم-شارا قولدانۋ كەرەك ەكەنىن ەسكەرتتى.