جالپى, 2025 جىلى رەسپۋبليكالىق بيۋدجەتتىڭ الەۋمەتتىك-ەڭبەك سالاسىنا 6 تريلليون 108 ميلليارد تەڭگەدەن استام قارجى كوزدەلگەن, بۇل 2024 جىلعى شىعىستاردان 14 پايىزعا نەمەسە 748,7 ميلليارد تەڭگەگە ارتىق.
«جوسپارلانعان شىعىستاردىڭ 97,9 پايىزى نەمەسە 5 تريلليون 982 ميللياردى ەل ازاماتتارىنا تولەنەتىن الەۋمەتتىك تولەمدەرگە باعىتتالادى. ونىڭ ىشىندە 2,5 ملن زەينەتكەردى زەينەتاقىمەن قامسىزداندىرۋعا 4 ترلن 262 ملرد تەڭگە, ال 2,3 ملن ادامدى بارلىق جاردەماقىلارمەن قامتۋعا 1 ترلن 720 ملرد تەڭگە كوزدەلگەن», دەپ اتاپ ءوتتى مينيسترلىك.
قالعان قاراجات جۇمىسپەن قامتۋعا جاردەمدەسۋ شارالارىن جۇزەگە اسىرۋعا, مۇگەدەكتەردى تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋگە, مەملەكەتتىك قىزمەتكەرلەردىڭ جالاقىسىن ارتتىرۋعا جانە ت.ب. جۇمسالادى
ايتا كەتەيىك, بۇگىندە رەسپۋبليكالىق بيۋدجەتتەن الەۋمەتتىك تولەمدەردىڭ 41 ءتۇرى, ونىڭ ىشىندە بازالىق جانە ىلەسكەن زەينەتاقى تولەمدەرى تولەنەدى. 2024 جىلى 4,5 ملن ادامعا جاردەماقى مەن زەينەتاقى تولەۋگە 5 ترلن 261 ملرد تەڭگە ءبولىندى, ونىڭ ىشىندە 2,4 ملن زەينەتكەرلەر جانە 2,1 ملن مەملەكەتتىك جاردەماقى الۋشىلار.
