اقتوبە. 1 مامىر. اقتوبە وبلىستىق ىشكى ىستەر دەپارتامەنتىنىڭ مۇراجايىندا ۇلى جەڭىستىڭ 70 جىلدىعىنا ارنالعان يگى شارا ءوتتى. وعان ارداگەرلەر كەڭەسىنىڭ مۇشەلەرى مەن دەپارتامەنت باسشىلارى قاتىستى. بۇل تۋرالى egemen.kz حابارلادى.
وبلىستىق ىشكى ىستەر دەپارتامەنتىنىڭ باستىعى, پوليتسيا پولكوۆنيگى ماحسۋدحان ابلازيموۆ ارداگەرلەردى الدا كەلە جاتقان ۇلى جەڭىستىڭ 70 جىلدىعىمەن جەكە قۇرامنىڭ اتىنان قۇتتىقتادى. ولاردىڭ ەرلىكتەرى مەن ەڭبەكتەرى ءۇشىن العىس سەزىمىن ءبىلدىردى. ۇلى وتان سوعىسىنىڭ ءتورت جانە ەڭبەك مايدانىنىڭ قىرىق ەكى ارداگەرىنە قازاقستان رەسپۋبليكاسى پرەزيدەنتىنىڭ جارلىعى نەگىزىندە «1941-1945 جىلدارداعى ۇلى وتان سوعىسىنداعى جەڭىستىڭ 70 جىلدىعى» مەرەكەلىك مەدالىن تاپسىردى. سونداي-اق, ۇلى وتان سوعىسىنىڭ ارداگەرلەرىنە 100 مىڭ تەڭگەدەن جانە تىلدا ەڭبەك ەتكەن ارداگەرلەرگە 35 مىڭ تەڭگەدەن اقشالاي سىيلىق ۇسىندى.
سالتاناتتى شارانىڭ سوڭىندا وبلىستىق ىشكى ىستەر دەپارتامەنتى عيماراتىنىڭ الدىنداعى الاڭعا ارداگەرلەر ءوز قولدارىمەن اعاش كوشەتتەرىن وتىرعىزىپ, اللەيانى ۇلى جەڭىستىڭ 70 جىلدىعىنا ارناپ «جەڭىس اللەياسى» دەپ اتادى.
ساتىبالدى ءساۋىرباي.
دەرەك, سۋرەت: egemen.kz.
