وسكەمەن. 4 اقپان. شىعىس قازاقستان وبلىسىنىڭ اكىمى دانيال احمەتوۆتىڭ قاتىسۋىمەن گلۋبوكوە اۋدانىنىڭ اكىمى ارمان بەكبوسىنوۆ تۇرعىندار الدىندا ەسەپتىك كەزدەسۋ وتكىزدى. بۇل تۋرالى egemen.kz ءتىلشىسى حابارلادى.
گلۋبوكوە اۋدانىنىڭ اكىمى العاشقى ەسەپتىك كەزدەسۋلەرىن كوجوحوۆو, كراسنويار اۋىلدىق وكرۋگتەرى مەن ۆەرحنەبەرەزوۆسكي كەنتىندە وتكىزگەن بولاتىن.
ا.بەكبوسىنوۆتىڭ ايتۋىنشا, اۋدان اۋىل شارۋاشىلىعىن دامىتۋدىڭ جاڭا تىنىسىن اشۋدى قولعا الدى.
«مەملەكەتتىڭ ۇلكەن قولداۋى بار ەكەنىن ەسەپكە الساق, بۇگىندە مال شارۋاشىلىعىمەن شۇعىلدانۋ وتە ءتيىمدى بولىپ تۇر. مال شارۋاشىلىعى – ماۋسىمدىق سيپات الاتىن ەگىستىكپەن سالىستىرعاندا جىل بويى توقتامايتىن ءوندىرىس, تۇراقتى جۇمىس ورنى», – دەدى اۋدان اكىمى ارمان بەكبوسىنوۆ.
ونىڭ ايتۋىنشا, گلۋبوكوە اۋدانىندا 2014 جىلى مال شارۋاشىلىعىنىڭ ىشكى ءونىم كولەمى 7 ملرد. 553 ملن. تەڭگەنى قۇرادى. وتكەن جىلى اۋداندا ەت, ءسۇت جانە جۇمىرتقا ءوندىرىسى ۇلعايدى. سونداي-اق سيىر, قوي, ەشكى باسى مەن قۇس سانى دا ايتارلىقتاي ارتتى.
وندىرىلگەن ءسۇت كولەمى 13 مىڭ توننانى قۇراپ, 2013 جىلمەن سالىستىرعاندا 8,7 پايىزعا كوبەيدى. «سىباعا» مەملەكەتتىك باعدارلاماسى ساتىمەن جۇزەگە اسىرىلۋدا. دەگەنمەن, كەيبىر جەكە شارۋاشىلىقتاردا ءىرى قارا, جىلقى باسى مەن شوشقا سانىنىڭ تومەندەۋى بايقالعان.
«بۇگىندە اۋدانداعى اگرارلىق سالا ماماندارىنا ءىرى قارا سانىن 22 200 باسقا, ەت ءوندىرۋدى 7 مىڭ تونناعا, ءسۇتتى 47 مىڭ تونناعا جەتكىزۋگە تاپسىرما بەرىلدى», – دەدى اۋدان اكىمى. كەزدەسۋ بارىسىندا وتكەن جىلدىڭ قورتىندىلارى مەن اعىمداعى جىلدىڭ جوسپارلارى جونىندە بايانداعان ول تۇرعىنداردىڭ ساۋالدارىنا جاۋاپ بەردى.
دۋمان اناش.
دەرەك: egemen.kz.
سۋرەت: glubokoe.gov.kz.
