قاسىم-جومارت توقاەۆ ۇيىمنىڭ ەرەكشەلىگىنە توقتالىپ, ونىڭ ساياسي, ەكونوميكالىق جانە مادەني سالالارداعى ءوزارا ىقپالداستىقتى ارتتىرۋدا الەۋەتى زور ەكەنىن اتاپ ءوتتى.
مەملەكەت باسشىسى ۇيىمنىڭ جۇمىسىن ودان ءارى جەتىلدىرۋ, حالىقارالىق بىرلەستىكتەرمەن بايلانىسىن جانداندىرۋ, سونداي-اق قازاقستاننىڭ ۇسىنىسىمەن شىۇ-دا قابىلدانعان ء"ادىل الەم, كەلىسىم جانە دامۋ جولىنداعى جاھاندىق بىرلىك تۋرالى" باستامانى ىلگەرىلەتۋ ماڭىزدى ەكەنىن جەتكىزدى.
شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ شەشىمىمەن نۇرلان ەرمەكباەۆ 2025 جىلدىڭ 1 قاڭتارىنان باستاپ شىۇ باس حاتشىسى قىزمەتىنە كىرىسكەن بولاتىن.
