استانا. 4 اقپان. تەننيستەن فەدەراتسيا كۋبوگى جارىسىندا قازاقستان قىتاي قۇراماسىن 2:1 ەسەبىمەن جەڭدى. بۇل تۋرالى egemen.kz حابارلادى.
قىتاي جەرىندە ءوتىپ جاتقان جارىستا ازيا جانە مۇحيت ايماعى ەلدەرىنىڭ ءى توبىندا وينايتىن كوماندالار سايىسۋدا. العاشقى ويىندا كورتقا ەلىمىزدىڭ ەكىنشى راكەتكاسى ياروسلاۆا شۆەدوۆا مەن قىتايلىق كوماندانىڭ كوشباسشىسى پەنگ شۋاي شىقتى. ءبىرىنشى سەت پ.شۋايدىڭ پايداسىنا اياقتالدى. قارسىلاسىنىڭ ءبىر دوبىن ءوز پايداسىنا شەشە بىلگەن ول 4:6 ەسەبىمەن باسىم ءتۇستى. ەكىنشى كەزەڭدە قازاقستاندىق تەننيسشى ءدال سونداي ەسەپپەن جەڭىسكە جەتىپ, قارسىلاستار جەڭىمپازدى انىقتاۋ ءۇشىن شەشۋشى ءۇشىنشى كەزەڭگە جۇگىندى. بۇل سەتتە سلاۆا باسىمدىق تانىتىپ, 6:3 ەسەبىمەن كەزەڭدى جانە ويىندى جەڭىسپەن اياقتادى.
ارتىنشا جارىس الاڭىنا قازاقستاننىڭ ءبىرىنشى, الەمنىڭ 33-راكەتكاسى زارينا دياس پەن قىتاي قىزى چجان شۋاي شىقتى. زارينا ويىندى ۇزاققا سوزباي, تارتىس تاعدىرىن ەكى سەتتە شەشتى. العاشقىسىندا قىتايلىق تەننيسشى قارسىلاسىپ باققانىمەن, ەكىنشى سەتتە زارينانىڭ قارقىنىنا توتەپ بەرە المادى. ناتيجەسىندە, ويىن قازاق قىزىنىڭ پايداسىنا 7:5, 6:0 ەسەبىمەن اياقتالدى. وسىلايشا, كوماندامىز مەرزىمىنەن بۇرىن جەڭىسكە جەتىپ, توپتاعى باستى قارسىلاستارىنان ايلاسىن اسىردى.
ءۇشىنشى ويىندا كوماندالار جۇپتىق سىندا سايىسقا ءتۇستى. بۇل تارتىسقا ۇلتتىق قۇرامانىڭ كاپيتانى دياس دوسقاراەۆ الدىن-الا جوسپارلانعان زارينا دياس-ياروسلاۆا شۆەدوۆا جۇبىن ەمەس, كاميلا كەرىمباەۆا مەن يۋليا پۋتينتسەۆانى شىعاردى. ال قىتاي تاراپى پەنگ شۋاي مەن جەنگ سايسايعا سەنىم ارتتى. ەكى سەتكە سوزىلعان تارتىستا قىتايلىقتار 6:1, 7:5 ەسەبىمەن جەڭىسكە جەتتى. دەگەنمەن, بۇل جەڭىس جالپى ەسەپتەگى ناتيجەگە وزگەرىس ەنگىزە المايتىنى انىق.
ەندى قىزدارىمىز قىتاي تايپەيىمەن كۇش سىناسادى. سونداي-اق, ءبىز ونەر كورسەتەتىن «ۆ» توبىندا تايلاند ەلى دە بار. جالپى6 ازيا جانە مۇحيت ايماعى ەلدەرىنىڭ ءى توبىندا سەگىز مەملەكەت وينايدى. ولار «ا» جانە «ۆ» توبىنا ءبولىنىپ سايىسقا تۇسۋدە. ەكىنشى توپتاعى ەلدەردى جوعارىدا ايتساق, «ا» توبىندا وزبەكستان, جاپونيا, وڭتۇستىك كورەيا جانە گونكونگ ەلدەرى بار. ءار توپتىڭ جەڭىمپازى ءىى الەمدىك توپتىڭ پلەي-وفف ساتىسىنا بەرىلەر جولدامانى ساراپقا سالادى.
ەلامان قوڭىر.
دەرەك: egemen.kz.
سۋرەت: facebook.com.
استانا. 4 اقپان. تەننيستەن فەدەراتسيا كۋبوگى جارىسىندا قازاقستان قىتاي قۇراماسىن 2:1 ەسەبىمەن جەڭدى. بۇل تۋرالى egemen.kz حابارلادى.
قىتاي جەرىندە ءوتىپ جاتقان جارىستا ازيا جانە مۇحيت ايماعى ەلدەرىنىڭ ءى توبىندا وينايتىن كوماندالار سايىسۋدا. العاشقى ويىندا كورتقا ەلىمىزدىڭ ەكىنشى راكەتكاسى ياروسلاۆا شۆەدوۆا مەن قىتايلىق كوماندانىڭ كوشباسشىسى پەنگ شۋاي شىقتى. ءبىرىنشى سەت پ.شۋايدىڭ پايداسىنا اياقتالدى. قارسىلاسىنىڭ ءبىر دوبىن ءوز پايداسىنا شەشە بىلگەن ول 4:6 ەسەبىمەن باسىم ءتۇستى. ەكىنشى كەزەڭدە قازاقستاندىق تەننيسشى ءدال سونداي ەسەپپەن جەڭىسكە جەتىپ, قارسىلاستار جەڭىمپازدى انىقتاۋ ءۇشىن شەشۋشى ءۇشىنشى كەزەڭگە جۇگىندى. بۇل سەتتە سلاۆا باسىمدىق تانىتىپ, 6:3 ەسەبىمەن كەزەڭدى جانە ويىندى جەڭىسپەن اياقتادى.
ارتىنشا جارىس الاڭىنا قازاقستاننىڭ ءبىرىنشى, الەمنىڭ 33-راكەتكاسى زارينا دياس پەن قىتاي قىزى چجان شۋاي شىقتى. زارينا ويىندى ۇزاققا سوزباي, تارتىس تاعدىرىن ەكى سەتتە شەشتى. العاشقىسىندا قىتايلىق تەننيسشى قارسىلاسىپ باققانىمەن, ەكىنشى سەتتە زارينانىڭ قارقىنىنا توتەپ بەرە المادى. ناتيجەسىندە, ويىن قازاق قىزىنىڭ پايداسىنا 7:5, 6:0 ەسەبىمەن اياقتالدى. وسىلايشا, كوماندامىز مەرزىمىنەن بۇرىن جەڭىسكە جەتىپ, توپتاعى باستى قارسىلاستارىنان ايلاسىن اسىردى.
ءۇشىنشى ويىندا كوماندالار جۇپتىق سىندا سايىسقا ءتۇستى. بۇل تارتىسقا ۇلتتىق قۇرامانىڭ كاپيتانى دياس دوسقاراەۆ الدىن-الا جوسپارلانعان زارينا دياس-ياروسلاۆا شۆەدوۆا جۇبىن ەمەس, كاميلا كەرىمباەۆا مەن يۋليا پۋتينتسەۆانى شىعاردى. ال قىتاي تاراپى پەنگ شۋاي مەن جەنگ سايسايعا سەنىم ارتتى. ەكى سەتكە سوزىلعان تارتىستا قىتايلىقتار 6:1, 7:5 ەسەبىمەن جەڭىسكە جەتتى. دەگەنمەن, بۇل جەڭىس جالپى ەسەپتەگى ناتيجەگە وزگەرىس ەنگىزە المايتىنى انىق.
ەندى قىزدارىمىز قىتاي تايپەيىمەن كۇش سىناسادى. سونداي-اق, ءبىز ونەر كورسەتەتىن «ۆ» توبىندا تايلاند ەلى دە بار. جالپى6 ازيا جانە مۇحيت ايماعى ەلدەرىنىڭ ءى توبىندا سەگىز مەملەكەت وينايدى. ولار «ا» جانە «ۆ» توبىنا ءبولىنىپ سايىسقا تۇسۋدە. ەكىنشى توپتاعى ەلدەردى جوعارىدا ايتساق, «ا» توبىندا وزبەكستان, جاپونيا, وڭتۇستىك كورەيا جانە گونكونگ ەلدەرى بار. ءار توپتىڭ جەڭىمپازى ءىى الەمدىك توپتىڭ پلەي-وفف ساتىسىنا بەرىلەر جولدامانى ساراپقا سالادى.
ەلامان قوڭىر.
دەرەك: egemen.kz.
سۋرەت: facebook.com.
