ورتالىق ديرەكتورى قۋانىش داۋرەمبەكوۆتىڭ ايتۋىنشا, وبلىستىق بايقاۋدى ۇيىمداستىرۋداعى باستى ماقسات – قازاق ءتىلى تىڭداۋشىلارى اراسىندا مەملەكەتتىك ءتىلدى جەتىك مەڭگەرۋگە باۋلۋ, ولاردىڭ بويىنا ۇلتتىق تاربيەنى ءسىڭىرۋ. سول ارقىلى مەملەكەتتىك ءتىلدىڭ قولدانىس اياسىن كەڭەيتۋگە باسىمدىق بەرۋ – تىلدەردى وقىتۋ ورتالىعىنىڭ ميسسياسى.
جوعارى دەڭگەيدە وتكەن بايقاۋعا قاتىسۋشىلار ء«ۇي تاپسىرماسى» كەزەڭىندە قازاقتىڭ قابىرعالى قالامگەرلەرىنىڭ وتان, تۋعان جەر تاقىرىبىنداعى وتتى جىرلارىن جاتقا وقىدى, ال «جاڭىلدىرساڭ دا جاڭىلمايمىن» كەزەڭىندە ءتۇرلى جاڭىلتپاشتاردى ايتىپ, قازاق ءتىلىن ايتارلىقتاي دەڭگەيدە مەڭگەرگەندەرىن كورسەتتى. سونىمەن قاتار «ۇلتتىق قۇندىلىق» دەپ اتالاتىن كەزەڭدە قازاقتىڭ سالت-ءداستۇرى مەن تۇعىرلى تۇلعالاردىڭ ءومىر تاريحىنا قاتىستى ساۋالدارعا جاۋاپ بەردى. ۇلتتىق اسپاپتار مەن ىرىم-تىيىمدارعا قاتىستى ويلارىن ورتاعا سالدى.
بايقاۋ قورىتىندىسىندا جامبىل اۋدانىنان كەلگەن كۇرد ۇلتىنىڭ قىزى باسي ايداروۆا جەڭىمپاز دەپ تانىلسا, بايزاق اۋدانىنان كەلگەن تۇرىك قىزى نازيرا گاسانوۆا ءبىرىنشى ورىندى يەلەندى. ورىس قىزى زينايدا سوكولسكايا جۇلدەلى ەكىنشى ورىنعا يە بولسا, سارىسۋلىق سايرام ايداروۆاعا ءۇشىنشى جۇلدە بۇيىردى.
مەملەكەتتىك ءتىلدىڭ مارتەبەسىن اسىرۋ ماقساتىندا ۇيىمداستىرىلعان بايقاۋدا وزگە ۇلت وكىلدەرى قازاقتىڭ سالت-ءداستۇرى مەن قالامگەرلەرىنىڭ شىعارمالارىن قۇمارتىپ وقىعانىن بايقادىق. سول تۇرعىدان العاندا بايقاۋ ۇدەدەن شىققان سەكىلدى.
جامبىل وبلىسى
