قازاقستان رەسپۋبليكاسى ادىلەت مينيسترلىگىنىڭ بۇيرىعى  №49 

2015 جىلعى 26 قاڭتار, استانا قالاسى «قازاقستان رەسپۋبليكاسى سوت-ساراپتامالىق زەرتتەۋلەر ادىستەمەلەرىنىڭ مەملەكەتتىك ءتىزىلىمىن قالىپتاستىرۋ جانە پايدالانۋ قاعيدالارىن بەكىتۋ تۋرالى» «قازاقستان رەسپۋبليكاسىنداعى سوت-ساراپتاما قىزمەتى تۋرالى» 2010 جىلعى 20 قاڭتارداعى قازاقستان رەسپۋبليكاسى زاڭىنىڭ 43-بابىنا سايكەس, بۇيىرامىن: 1. قوسا بەرىلىپ وتىرعان «قازاقستان رەسپۋبليكاسى سوت-ساراپتامالىق زەرتتەۋلەر ادىستەمەلەرىنىڭ مەملەكەتتىك ءتىزىلىمىن قالىپتاستىرۋ جانە پايدالانۋ قاعيدالارى» بەكىتىلسىن. 2. قازاقستان رەسپۋبليكاسى ادىلەت مينيسترلىگىنىڭ سوت ساراپتاماسى ورتالىعى زاڭنامادا بەلگىلەنگەن تارتىپپەن وسى بۇيرىقتىڭ مەملەكەتتىك تىركەلۋىن جانە ونىڭ رەسمي جاريالانۋىن قامتاماسىز ەتسىن. 3. وسى بۇيرىقتىڭ ورىندالۋىن قاداعالاۋ قازاقستان رەسپۋبليكاسى ادىلەت ءمينيسترىنىڭ جەتەكشىلىك ەتەتىن ورىنباسارىنا جۇكتەلسىن. 4. وسى بۇيرىق ونىڭ العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ب.يماشەۆ. قازاقستان رەسپۋبليكاسى ادىلەت ءمينيسترىنىڭ 2015 جىلعى 26 قاڭتارداعى №49 بۇيرىعىمەن بەكىتىلگەن قازاقستان رەسپۋبليكاسى سوت-ساراپتامالىق زەرتتەۋلەر ادىستەمەلەرىنىڭ مەملەكەتتىك ءتىزىلىمىن قالىپتاستىرۋ جانە پايدالانۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسىنىڭ سوت-ساراپتامالىق زەرتتەۋلەر ادىستەمەلەرىنىڭ مەملەكەتتىك ءتىزىلىمىن قالىپتاستىرۋ جانە پايدالانۋ قاعيدالارى (بۇدان ءارى – قاعيدالارى) قازاقستان رەسپۋبليكاسى سوت - ساراپتامالىق زەرتتەۋلەر ادىستەمەلەرىنىڭ مەملەكەتتىك ءتىزىلىمىن (بۇدان ءارى - مەملەكەتتىك ءتىزىلىم) قالىپتاستىرۋ جانە پايدالانۋ ماقساتىن, ءتارتىبىن ايقىندايدى. 2. مەملەكەتتىك ءتىزىلىم قىلمىستىق پروتسەستى جۇرگىزۋشى ورگانداردى, سوتتاردى, اكىمشىلىك قۇقىق بۇزۋشىلىق تۋرالى ءىس جۇرگىزۋىندە جاتقان ورگانداردى (لاۋازىمدى ادامداردى), پروتسەسكە وزگە قاتىسۋشىلاردى, سونداي-اق سوت ساراپشىلارىن جانە سوت - ساراپتاما قىزمەتىن ليتسەنزيا نەگىزىندە جۇزەگە اسىراتىن تۇلعالاردى مەملەكەتتىك تىزىلىمگە ەنگەن ادىستەمەلەر جونىندە مالىمەتتەرمەن اقپاراتتاندىرۋ ماقساتىندا قالىپتاستىرىلادى. 2. مەملەكەتتىك ءتىزىلىمدى پايدالانۋ جانە قالىپتاستىرۋ ءتارتىبى 3. مەملەكەتتىك ءتىزىلىم وسى قاعيداعا 1-قوسىمشاعا سايكەس نىسان بويىنشا مەملەكەتتىك جانە ورىس تىلدەرىندە ەلەكتروندىق تۇردە جۇرگىزىلەدى. 4. مەملەكەتتىك ءتىزىلىم وسى قاعيداعا 2-قوسىمشاعا سايكەس نىسان بويىنشا ادىستەمە قۇجاتىن قالىپتاستىراتىن قازاقستان رەسپۋبليكاسىنىڭ «قازاقستان رەسپۋبليكاسىنداعى سوت-ساراپتاما قىزمەتى تۋرالى» زاڭىنىڭ (بۇدان ءارى – زاڭ) تالاپتارىنا جاۋاپ بەرەتىن سوت-ساراپتامالىق زەرتتەۋلەر ادىستەمەلەرى (بۇدان ءارى-ادىستەمەلەر) تۋرالى مالىمەتتەردى قامتيدى. 5. مەملەكەتتىك ءتىزىلىمدى جۇرگىزۋدى اقپاراتتىق قامتاماسىز ەتۋدى قازاقستان رەسپۋبليكاسى ادىلەت مينيسترلىگىنىڭ سوت ساراپتاماسى ورتالىعىمەن (بۇدان ءارى-ورتالىق) قازاقستان رەسپۋبليكاسى ادىلەت ءمينيسترىنىڭ «سوت ساراپتاماسى زەرتتەۋلەرىنىڭ ادىستەمەلەرىن ازىرلەۋ, بايقاۋدان وتكىزۋ جانە ەنگىزۋ ەرەجەسىن بەكىتۋ تۋرالى» 2010 جىلعى 20 ساۋىردەگى № 124 بۇيرىعىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋدىڭ تىزىلىمىنە N 6210 بولىپ ەنگىزىلگەن) ازىرلەنگەن, بايقاۋدان وتكەن جانە ەنگىزىلگەن ادىستەمەلەر تۋرالى مالىمەتتەردى ۇسىنا وتىرىپ جۇزەگە اسىرادى. 6. قازاقستان رەسپۋبليكاسى ادىلەت مينيسترلىگى سوت ساراپتاماسى ورگانىنىڭ عىلىمي كەڭەسىنىڭ (بۇدان ءارى - عىلىمي كەڭەس) سوت - ساراپتامالىق زەرتتەۋلەر ادىستەمەلەرىن مەملەكەتتىك تىزىلىمگە ەنگىزۋ تۋرالى شەشىمىنەن كەيىن بەس كۇن ىشىندە ادىستەمەلەر تۋرالى مالىمەتتەر ورتالىققا مەملەكەتتىك جانە ورىس تىلدەرىندە, باسپا جانە ەلەكتروندىق تۇردە, اتالعان ورگانداردىڭ مورىمەن كۋالاندىرىلعان ءبىر دانادا جولدانادى. 7. مەملەكەتتىك تىزىلىمگە ەنگىزىلۋگە ءتيىس مالىمەتتەر قازاقستان رەسپۋبليكاسى ادىلەت مينيسترلىگىنىڭ سوت ساراپتاماسى ورگانىنا كەلىپ تۇسكەن ساتتەن باستاپ بەس جۇمىس كۇنى ىشىندە وعان ەنگىزىلەدى. 8. مەملەكەتتىك تىزىلىمگە وزگەرىستەر مەن تولىقتىرۋلار قازاقستان رەسپۋبليكاسى ادىلەت مينيسترلىگىنىڭ سوت ساراپتاماسى ورگانىمەن اقپارات كەلىپ تۇسكەن ساتتەن باستان بەس جۇمىس كۇنى ىشىندە ەنگىزىلەدى. 9. شەتەلدىك ادىستەمەلەر تۋرالى مالىمەتتەر وسى قاعيدانىڭ 5 - تارماعىنا سايكەس مەملەكەتتىك تىزىلىمگە شەتەلدىك سوت ساراپتاماسى ورگانىنىڭ رۇقساتىن العاننان جانە قازاقستان رەسپۋبليكاسى ادىلەت مينيسترلىگى سوت ساراپتاماسى ورگانىنىڭ عىلىمي كەڭەسىنىڭ ءتيىستى شەشىمى قابىلدانعاننان كەيىن ەنگىزىلەدى. 10. مەملەكەتتىك ءتىزىلىمنىڭ ەلەكتروندىق نۇسقاسى قازاقستان رەسپۋبليكاسى ادىلەت مينيسترلىگىنىڭ ينتەرنەت-رەسۋرستارىندا ورنالاستىرىلادى. 11. ساراپشىلار سوت ساراپتاماسىن جۇرگىزۋ كەزiندە مەملەكەتتىك تىزىلىمگە ەنگىزىلگەن ادىستەمەلەر تۋرالى اقپاراتتاردى پايدالانا الادى. قازاقستان رەسپۋبليكاسى سوت-ساراپتامالىق زەرتتەۋلەر ادىستەمەلەرىنىڭ مەملەكەتتىك ءتىزىلىمىن قالىپتاستىرۋ جانە پايدالانۋ قاعيدالارىنا 1-قوسىمشا نىسان قازاقستان رەسپۋبليكاسى سوت - ساراپتامالىق زەرتتەۋلەرادىستەمەلەرىنىڭ مەملەكەتتىك ءتىزىلىمى ر/س № ادىستەمەنىڭ شيفرى ادىستەمەنىڭ اتاۋى عىلىمي كەڭەس حاتتا-ماسىنىڭ ءنومىرى, كۇنى, ادىستەمەنىڭ اۆتورى (قۇراستىرۋشى) ادىستەمەنىڭ تولقۇجاتى ەسكەرتپە 1  2 3 4 5 6 7 قازاقستان رەسپۋبليكاسى سوت-ساراپتامالىق زەرتتەۋلەر ادىستەمەلەرىنىڭ مەملەكەتتىك ءتىزىلىمىن قالىپتاستىرۋ جانە پايدالانۋ قاعيدالارىنا 2-قوسىمشا نىسان ادىستەمەنىڭ تولقۇجاتى 1.ادىستەمەنىڭ اتاۋى 2.ادىستەمە ماماندىعىنىڭ ءشيفرى 3. اۆتور تۋرالى اقپارات (قۇراستىرۋشى تۋرالى) 4.ادىستەمەنەىڭ ءمانى 4.1ادىستەمەمەن شەشىلەتىن ساراپشىلىق مىندەتتەر 4.2. زەرتتەۋ وبەكتىلەرى 4.3. زەرتتەۋ ادىستەرى 4.4. ادىستەمەنىڭ قىسقاشا كەزەڭ-كەزەڭدىك سيپاتتاماسى 5. ورتالىقتىڭ عىلىمي كەڭەس حاتتاماسىنىڭ ءنومىرى, كۇنى 6. ادىستەمە تولقۇجاتىن قۇراستىرۋشى تۋرالى اقپارات بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 20 اقپانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10304 بولىپ ەنگىزىلدى.