وڭتۇستىك قازاقستاندا ەسى كەم ايەل 6 جاسار قىزدى ءولتىرىپ قويدى

استانا. 4 اقپان. وڭتۇستىك قازاقستان وبلىسىندا پسيحيكالىق اۋرۋمەن اۋىراتىن ءبىر ايەل تۋىس ءسىڭلىسىن ءولتىرىپ تاستادى. بۇل تۋرالى پروكۋراتۋرا مالىمەتىنە سىلتەمە جاساعان Times.kz حابارلادى. ورداباسى اۋدانىنىڭ ورتالىعى تەمىرلان سەلوسىندا بولعان وقيعا ەستىگەن جاندى ەستەن تاندىردى. پسيحيكالىق دەرتپەن اۋىراتىن ايەل 6 جاسار تۋىس ءسىڭلىسىنىڭ باسىن كەسىپ العان. «رەداكتسيانىڭ قۇزىرىندا قۇقىق قورعاۋ ورگاندارى قىزمەتكەرلەرىنىڭ وسى وقيعانى تەكسەرۋ بارىسىنان ءتۇسىرىپ العان بەينەجەلىسى بار.وندا باسسىز قالعان بالانىڭ دەنەسى اق جاملىعىنا ورىن جاتىر. ال باستى پوليەتيلەن قالتادان الىپ شىعارادى. جازبادا ولتىرىلگەن قىزدىڭ تۋ تۋرالى كۋالىگى كورسەتىلەدى. قۇجاتتا ونىڭ قىز بالا, اتى ەركەجان ەكەنى جازىلعان», - دەپ باياندايدى باسىلىم. بالانىڭ ءولتىرىلۋ فاكتىسى بولعانىن وڭتۇستىك قازاقستان وبلىستىق پروكۋراتۋراسىنداعىلار راستادى. ولار 2008 جىلعى 31 قاڭتاردا تۋعان قىزدىڭ ورداباسى اۋدانى تەمىرلان كەنتىندە ولتىرىلگەنىن جەتكىزدى. تەرگەۋدىڭ بولجاسى بويىنشا, اقىلى كەم ايەل الدىمەن قىزدى ولتىرگەن, باسىن سودان كەيىن كەسىپ العان. قازىرگى تاڭدا قىلمىستى جاسادى دەگەن كۇدىك تاڭىلعان ايەلدى ەرىكسىز ەمدەۋ ورىندارىنا اپارىپ, ەمدەتۋ جولدارى قاراستىرىلىپ جاتىر. قۇرىش نۇرىمبەت. دەرەك, فوتو: Times.kz.