استانا. 4 اقپان. شىمكەنتتە بەس جاسار بالا اۋىر جاراقاتپەن اۋرۋحاناعا ءتۇستى. بۇل تۋرالى Tengrinews.kz حابارلادى.
جەدەل جاردەم توبى تەرى استى قاندى ىسىكتەرى بار بالانى جان ساقتاۋ بولىمىنە جەتكىزدى.
اگەنتتىك تىلشىسىنە وسى جايىندا ايتىپ بەرگەن وبلىستىق بالالار اۋرۋحاناسى باس دارىگەرىنىڭ ورىنباسارى بولات نۇسقاباەۆ: «بالا اۋىر جاعدايدا ءتۇستى. ول جۇدەپ كەتكەن. مۇنىمەن قاتار, ونىڭ باسىنان اياعىنا دەيىن قاندى ىسىگى بار. ءبىز «قاتال قاراۋ سيندرومى, باسسۇيەك-مي جاراقاتى, ميى شايقالعان, دەنەسىنىڭ كوپ بولىگى كوگەرگەن» دەگەن دياگنوز قويدىق», - دەدى.
بالانىڭ جاراقاتىن ونىڭ اناسىنىڭ تانىستارى بايقاعانى انىقتالدى. 31 جاستاعى اناسى شاحنوزا ابدۋليەۆا شىمكەنت قالاسىنداعى بازارلاردىڭ بىرىندە جۇمىس ىستەيتىن ايەلدەردەن بالاسىنىڭ جاراقاتىن قاراپ بەرۋدى سۇراعان. ول بالانىڭ قولى ءبىرتۇرلى كورىنەتىنىن ايتىپ, بىراق قاي دارىگەرگە قاراتۋ كەرەك ەكەنىن بىلمەگەن. ايەلدەر جارالى بالانى كورگەننەن كەيىن بىردەن دارىگەرلەردى شاقىرعان.
«بالانىڭ قولى كەسىلگەن, قان اعىپ جاتتى, ءىسىپ كەتكەن. اياعى دا, كەۋدەسى دە كوگەرىپ كەتىپتى. ءبىز بالادان: «مۇنى اناڭ جاسادى ما؟» دەگەن كەزدە ول «جوق» دەپ جاۋاپ بەردى», - دەدى اناسىنىڭ تانىسى سانابار تاجيەۆا.
شاحنوزا ابدۋليەۆا قازاقستانعا بۇدان 5 جىل بۇرىن سامارقاندتان كەلگەن. سودان بەرى قايىرشىلىقپەن كۇن كورگەن. سوڭعى ايدا جاقسى تانىس ەمەس ايەلدىڭ ۇيىندە تۇرىپتى. بىراق ول كۇن سايىن باسپانانىڭ 3 مىڭ تەڭگەلىك قۇنىن تولەپ جۇرگەنىن ايتادى.
«ءۇيدىڭ قوجايىن ايەلى تاپقان تيىن-تەبەنىمىزدى تۇگەلدەي الىپ قويادى. ماعان كەيدە تاماق بەرىپ ءجۇردى, بىراق كۇندەلىكتى ەمەس. ول مەنى ۇرمايتىن, بىراق بالام ونىڭ ۇراتىنىن ايتتى, ايقايلاپ ۇرىساتىن», - دەدى شاحنوزا.
ايەلدىڭ ايتۋىنشا, ول ۋاقىتشا تۇراعىنان كەتە المايدى. ايەل ونى ەكى بالاسىمەن بىرگە ۇيدەن شىعارماعان. ول ەكى بالانىڭ ءبىرىن مىندەتتى تۇردە الىپ قالىپ وتىرعان. سوڭعى رەت ناپاقا تابۋعا شىققاندا, شاحنوزا جارالى بالاسىن الىپ شىعادى, ال ءبىر جاسار قىزى شابونانى الىپ كەتۋگە كەلگەندە, ايەل ونى قۋىپ جىبەرىپتى.
«سول قوجايىن قىزدى اسىراپ العانىن ايتتى. مەندە 4 بالا بار جانە وسىمەن بەسەۋ بولادى. شاحنوزا كۇنىمەن جىلاپ شىعادى», - دەيدى سانابار تاجيەۆا. ايەل ءوز قىزىنىڭ اناسى ەكەنىن دالەلدەي المايدى, بىرنەشە جىل بۇرىن قۇجاتتارى, ونىمەن قوسا بالانىڭ دا تۋ تۋرالى كۋالىگى جوعالعان. ەندى بۇل قۇجاتتاردى قايتا جاساتۋ كەرەك. ايەلدىڭ تانىسى «سانا-سەزىم» ايەلدەر باستامالارىنىڭ قۇقىقتىق ورتالىعىنا الىپ كەلگەن. مۇندا ونىمەن ءال-فارابي اۋداندىق ىشكى ىستەر ءبولىمىنىڭ ايەلدەردىڭ قۇقىعىن قورعاۋ جونىندەگى اعا ينسپەكتورى مەن ورتالىقتىڭ پسيحولوگتارى اڭگىمەلەستى.
«قازىر قۇقىق قورعاۋ ورگاندارىنا ارىز تولتىرامىز. سەبەبى ول قازىر - ادامدار ساۋداسىنىڭ قۇربانى, ياعني ول ەلدەن شىعارىلمايدى. ونىڭ قازاقستانعا زاڭسىز كەلۋىنىڭ سەبەبىن انىقتاۋ قاجەت. ونىڭ قۇجاتتارى جوق, ۇرلاندى ما, تارتىپ الىندى ما, الدانىپ, اقشا تابۋعا مىندەتتەلدى مە, - وسىنى انىقتاۋ كەرەك», - دەيدى قۇقىقتىق ورتالىقتىڭ ۆيتسە-پرەزيدەنتى شاحنوزا حاسانوۆا.
قازىرگى تاڭدا ايەلگە ۋاقىتشا باسپانا بەرىلەدى, تاماقپەن قامتاماسىز ەتىلىپ, زاڭگەردىڭ كومەگى ۇسىنىلادى.
شاحنوزا بالالارىن قايتارعاننان كەيىن وزبەكستانعا قايتىپ كەتپەكشى.
قۇرىش نۇرىمبەت.
دەرەك, فوتو: Tengrinews.kz.
