فوتو: egov.kz
ءبىرىنشى ساتىداعى سوتتىڭ قاۋلىسىمەن اق اقبتك-ءنىڭ 265-بابىنىڭ 1-بولىگىمەن 16 422 000 تەڭگە كولەمىندە ايىپپۇل سالۋمەن اكىمشىلىك جاۋاپتىلىققا تارتىلعان.
ءىس ماتەريالدارىن زەردەلەۋ ناتيجەلەرى بويىنشا قوعام ينتەرۆالدىق ينۆەستيتسيالىق پاي قورىنىڭ اكتيۆتەرىن ينۆەستيتسيالىق باسقارۋدى جۇزەگە اسىرۋ كەزىندە «ينۆەستيتسيالىق جانە ۆەنچۋرلىق قورلار تۋرالى» قازاقستان رەسپۋبليكاسىنىڭ زاڭىندا بەلگىلەنگەن, ونىڭ قىزمەتى تۋرالى اقپاراتتى جاريالاۋ ءتارتىبىن بۇزعانى انىقتالعان.
وسى فاكتى بويىنشا ۋاكىلەتتى ورگانمەن قوعامعا قاتىستى اقبتك-ءنىڭ 265-بابىنىڭ 1-بولىگىمەن 17 اكىمشىلىك قۇقىق بۇزۋشىلىق تۋرالى حاتتامالار جاسالعان.
ء«بىرىنشى ساتىداعى سوت 17 اكىمشىلىك حاتتاما بويىنشا ءىستى ءبىر وندىرىسكە بىرىكتىرىپ, قوعامعا 16 422 000 تەڭگە كولەمىندە ايىپپۇل سالعان. الايدا, تاعايىندالعان ايىپپۇلدىڭ بۇل مولشەرى زاڭ تالاپتارىنا سايكەس كەلمەيدى. اقبتك-ءنىڭ 58-بابىنىڭ تالاپتارىنا سايكەس, ءبىر ادام ەكى جانە ودان دا كوپ اكىمشىلىك قۇقىق بۇزۋشىلىق جاساعان كەزدە ءاربىر قۇقىق بۇزۋشىلىقۇشىن جەكە اكىمشىلىك جازا قولدانىلادى. ەگەر ادام بiر سۋديا, ورگان (لاۋازىمدى ادام) قارايتىن بiرنەشە اكiمشiلiك قۇقىق بۇزۋشىلىق جاساعان بولسا, وندا بiر ءتۇرلi جازالار قولدانىلعان جاعدايدا, جازانىڭ تۇپكiلiكتi مولشەرi وسى ءتۇر ءۇشiن بەلگiلەنگەن ايىپپۇل تۋرالى ەڭ جوعارى شەكتiڭ ءۇش ەسەلەنگەن مولشەرiنەن اسپاۋى كەرەك», دەلىنگەن حابارلامادا.
ايتا كەتەيىك, ءىس قوزعالعان كەزدە ايلىق ەسەپتىك كورسەتكىشتىڭ كولەمى 3450 تەڭگە بولعان. تيىسىنشە, اقبتك-ءنىڭ 44, 58-باپتارىنىڭ ەرەجەلەرىنە سايكەس, ورتا كاسىپكەرلىك سۋبەكتىسى رەتىندە اق-عا سالىناتىن ايىپپۇلدىڭ تۇپكىلىكتى سوماسى 3 000 اەك-تەن نەمەسە 10 350 000 تەڭگەدەن اسپاۋى كەرەك.
«سوتتىڭ سالىنعان ايىپپۇل سوماسىن 30%-عا قىسقارتقانىن ەسكەرە وتىرىپ, جالپى ايىپپۇل سوماسى 7 245 000 تەڭگەنى قۇرايدى.وسىعان بايلانىستى كاسساتسيالىق ساتى سوت اكتىلەرىن وزگەرتىپ, ايىپپۇل كولەمىن 7 245 000 تەڭگەگە دەيىن ازايتتى», دەلىنگەن سوت حابارلاماسىندا.
