سولتۇستىك قازاقستاندا ۇشجاقتى كەلىسىمگە قول قويىلدى

پەتروپاۆل. 4 اقپان. ەڭبەك ادامىنىڭ قۇقىقتارىن قورعاپ, الەۋمەتتىك جاعدايلارىن جاقسارتۋدى دىتتەيتىن ۇشجاقتى كەلىسىم سولتۇستىك قازاقستان وبلىستىق اكىمدىك, كاسىپوداق جانە كاسىپكەرلەر پالاتاسى اراسىندا جاسالدى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى. جيىندى اشقان ايماق باسشىسى ەرىك سۇلتانوۆ ەلباسى «نۇرلى جول – بولاشاققا باستار جول» جولداۋىندا: «بەيبىتشىلىك – ول تۇراقتى جۇمىس, جالاقى جانە ەرتەڭگى كۇنگە سەنىم», – دەپ اتاپ كورسەتكەنىن جەتكىزە كەلىپ, تىڭ ويلار مەن كوتەرىلگەن باستامالارعا جان-جاقتى قولداۋ جاسالاتىنىن قاداپ ايتتى. بىلتىر كاسىپورىندار جانە ۇيىمدار 1 539 مەموراندۋم مەن 3 634 ۇجىمدىق شارت جاساسقان. بيىل 31 مىڭنانا استام ادامدى قامتيتىن 747 كاسىپورىنمەن مەموراندۋمعا قول قويىلعان. بۇل جولى ەڭبەك قاتىناستارىنداعى الەۋمەتتىك تۇراقتىلىقتى ساقتاۋ جانە كەلەڭسىز جاعدايلاردىڭ الدىن الۋ ماقساتىمەن وبلىستىق اكىمدىك, كاسىپوداق جانە كاسىپكەرلەر پالاتاسى اراسىندا 2015-2017 جىلدارعا ارنالعان كەلىسىمگە قول قويىلدى. كەلىسىم اياسىندا ەڭبەكاقىنى كوتەرۋ ماسەلەسىنە ۇلكەن كوڭىل بولىنەتىن بولادى. ءومىر ەسقالي. دەرەك: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى. سۋرەت: soltustikkaz.kz.