ءور التايدىڭ ءتىل ۇيىرەر سۋسىنى
قامبار يسين توپقايىڭ اۋىلىندا تۇرادى. كەڭەس كەزىندە كەڭشار جىلقىسىن باقتى. نارىق قىسپاعى كەلگەن توقسانىنشى جىلدارى بيە ساۋدى باستادى. العاشقىدا ءۇش بيە بايلاسا, قازىر قىرىق بيە بايلايدى. التايدىڭ ساف اۋاسىمەن تىنىستاعان جىلقىنىڭ ەتى دە, ءسۇتى دە ءدارى. ءۇش بيەسى ءۇيىرلى جىلقى بولىپ, جۇزدەن اسىپ جىعىلعان. كۇندەلىكتى التى ساۋىننان 200-250 ليتر كولەمىندە قىمىز وندىرەدى. ءشوپ بۋىنى پىسكەن شاقتا سەگىز ساۋىنعا دەيىن جەتكىزەدى.
– بۇگىندە مەملەكەت تاراپىنان قىمىز سالاسىنا قولداۋ بار. بۇل – ەلىمىزدە قىمىز ءوندىرىسىن دامىتۋ ءۇشىن وتە قاجەت. بىلتىر 50 تونناعا جۋىق قىمىز وتكىزىپ, 3 ملن. تەڭگەگە جۋىق سۋبسيديا الدىم. ياعني, سۇرانىس بار. ءونىمدى استانا, الماتى قالالارى مەن شىعىس قازاقستان وڭىرىنە ساتامىز. شەتەلگە دە جىبەرەمىز, – دەدى ول.
قامبار جىل ون ەكى اي قىمىز باپتايدى. اسىرەسە, قىستا قىمىز ءوندىرۋ قيىن. جىلقى – تەبىننىڭ مالى. ال ساۋىن بيە قار تۇسە قولعا قاراپ قالادى. التايدىڭ التى ايلىق قىسىندا جيناعان جەم-شوبىڭنەن بولەك, كەنجە تۋاتىن نەمەسە بيەسى قىسىر قالعان تۇرعىنداردىڭ ءشوبىن ساتىپ الىپ, كوكتەمگە ىلىندىرۋگە تۋرا كەلەدى. ونىڭ ۇستىنە جىلقى جارىقتىقتى قانشا جەمدەسەڭىز دە ءتورت ايدان كەيىن سۋالىپ كەتەدى.
كاتونقاراعايدا قىمىزدى قىزىل قاراعايدىڭ قابىعىمەن ىستايتىن ەرەكشە ءداستۇر بار. مۇنى قامبار دا قولدانادى. قاراعاي قابىعىن قايناتىپ, قىپ-قىزىل سولىمەن كۇبىنىڭ ءىشىن جاقسىلاپ جۋسا, سابانى تازالاپ قانا قويماي, قىمىزعا ەرەكشە ءدام بەرەدى ەكەن. كۇبىنى التايدا وسەتىن بالاڭشوپپەن دە جۋعا بولادى. ءتور التايدىڭ ءتىل ۇيىرەر ءتاتتى قىمىزىن ىزدەگەندەر مۇندا ءجيى كەلەدى. بيىل التايدا كوكتەم كەش شىقتى. ءبىز بارعاندا قىمىزشى بيەباۋعا ەندى بەتتەگەلى وتىر ەكەن. بۇلت ىركىلەتىن بۇركىت شىڭىنىڭ بوكتەرىنەن بيەباۋعا 24 گەكتار جەر تەلىمىن الىپتى. «وسكەمەن – راحمان قاينارى» رەسپۋبليكالىق تاس جولىنىڭ جيەگىندەگى قىمىزشىنىڭ اقشاڭقان كيىز ۇيىندە الىستان جەتكەن جولاۋشى ءشول باسادى. توپقايىڭدىق بەس تۇرعىندى جۇمىسپەن قامتىپ وتىرعان قامبار شارۋاشىلىق ىرگەسىن بىرتىندەپ كەڭەيتىپ كەلەدى.
دۋمان اناش,
«ەگەمەن قازاقستان».
شىعىس قازاقستان وبلىسى,
كاتونقاراعاي اۋدانى.
قامبار يسين توپقايىڭ اۋىلىندا تۇرادى. كەڭەس كەزىندە كەڭشار جىلقىسىن باقتى. نارىق قىسپاعى كەلگەن توقسانىنشى جىلدارى بيە ساۋدى باستادى. العاشقىدا ءۇش بيە بايلاسا, قازىر قىرىق بيە بايلايدى. التايدىڭ ساف اۋاسىمەن تىنىستاعان جىلقىنىڭ ەتى دە, ءسۇتى دە ءدارى. ءۇش بيەسى ءۇيىرلى جىلقى بولىپ, جۇزدەن اسىپ جىعىلعان. كۇندەلىكتى التى ساۋىننان 200-250 ليتر كولەمىندە قىمىز وندىرەدى. ءشوپ بۋىنى پىسكەن شاقتا سەگىز ساۋىنعا دەيىن جەتكىزەدى.
– بۇگىندە مەملەكەت تاراپىنان قىمىز سالاسىنا قولداۋ بار. بۇل – ەلىمىزدە قىمىز ءوندىرىسىن دامىتۋ ءۇشىن وتە قاجەت. بىلتىر 50 تونناعا جۋىق قىمىز وتكىزىپ, 3 ملن. تەڭگەگە جۋىق سۋبسيديا الدىم. ياعني, سۇرانىس بار. ءونىمدى استانا, الماتى قالالارى مەن شىعىس قازاقستان وڭىرىنە ساتامىز. شەتەلگە دە جىبەرەمىز, – دەدى ول.
قامبار جىل ون ەكى اي قىمىز باپتايدى. اسىرەسە, قىستا قىمىز ءوندىرۋ قيىن. جىلقى – تەبىننىڭ مالى. ال ساۋىن بيە قار تۇسە قولعا قاراپ قالادى. التايدىڭ التى ايلىق قىسىندا جيناعان جەم-شوبىڭنەن بولەك, كەنجە تۋاتىن نەمەسە بيەسى قىسىر قالعان تۇرعىنداردىڭ ءشوبىن ساتىپ الىپ, كوكتەمگە ىلىندىرۋگە تۋرا كەلەدى. ونىڭ ۇستىنە جىلقى جارىقتىقتى قانشا جەمدەسەڭىز دە ءتورت ايدان كەيىن سۋالىپ كەتەدى.
كاتونقاراعايدا قىمىزدى قىزىل قاراعايدىڭ قابىعىمەن ىستايتىن ەرەكشە ءداستۇر بار. مۇنى قامبار دا قولدانادى. قاراعاي قابىعىن قايناتىپ, قىپ-قىزىل سولىمەن كۇبىنىڭ ءىشىن جاقسىلاپ جۋسا, سابانى تازالاپ قانا قويماي, قىمىزعا ەرەكشە ءدام بەرەدى ەكەن. كۇبىنى التايدا وسەتىن بالاڭشوپپەن دە جۋعا بولادى. ءتور التايدىڭ ءتىل ۇيىرەر ءتاتتى قىمىزىن ىزدەگەندەر مۇندا ءجيى كەلەدى. بيىل التايدا كوكتەم كەش شىقتى. ءبىز بارعاندا قىمىزشى بيەباۋعا ەندى بەتتەگەلى وتىر ەكەن. بۇلت ىركىلەتىن بۇركىت شىڭىنىڭ بوكتەرىنەن بيەباۋعا 24 گەكتار جەر تەلىمىن الىپتى. «وسكەمەن – راحمان قاينارى» رەسپۋبليكالىق تاس جولىنىڭ جيەگىندەگى قىمىزشىنىڭ اقشاڭقان كيىز ۇيىندە الىستان جەتكەن جولاۋشى ءشول باسادى. توپقايىڭدىق بەس تۇرعىندى جۇمىسپەن قامتىپ وتىرعان قامبار شارۋاشىلىق ىرگەسىن بىرتىندەپ كەڭەيتىپ كەلەدى.
دۋمان اناش,
«ەگەمەن قازاقستان».
شىعىس قازاقستان وبلىسى,
كاتونقاراعاي اۋدانى.
