الماتىدا سولتۇستىكقازاقستاندىق كينورەجيسسەرگە كوشە اتى بەرىلدى

پەتروپاۆل. 4 اقپان. اقباس الاتاۋ باۋرايىندا ورنالاسقان شىرايلى شاھارداعى كوشەلەردىڭ ءبىرى ەندى سولتۇستىك قازاقستان وبلىسى ەسىل اۋدانى قاراتال اۋىلىنىڭ تۋماسى, دارىندى كينورەجيسسەر اياعان شاجىمباەۆتىڭ ەسىمىمەن اتالاتىن بولدى. بۇل تۋرالى egemen.kz ءتىلشىسى حابارلادى. حالىقارالىق «قازاق ءتىلى» قوعامىنىڭ وبلىستىق فيليالى الماتى قالاسى اكىمى احمەتجان ەسىموۆتىڭ اتىنا حات جولداپ, تاۋەلسىز قازاقستاننىڭ كينو ونەرىندە وزىندىك قولتاڭبامەن ايشىقتالعان بەلگىلى كينورەجيسسەر, قارىمدى جۋرناليست اياعان ءشاجىمبايدىڭ ەسىمىن وڭتۇستىك استانانىڭ ءبىر كوشەسىنە بەرۋ تۋرالى ۇسىنىس بىلدىرگەن بولاتىن. الماتى قالاسى تىلدەردى دامىتۋ, مۇراعاتتار جانە قۇجاتتاما باسقارماسىنىڭ باسشىسى ماماي احەتوۆ قول قويعان رەسمي جاۋاپ حات «42 جاسىندا جۇلدىزداي اعىپ وتسە دە, ارتىنا مول مۇرا قالدىرعان باۋىرىمنىڭ اتىن الماتىلىقتاردىڭ ۇلىقتاعانىنا شىن قۋانىشتىمىز», دەپ باستالىپتى. حاتتا الاتاۋ اۋدانىنداعى «اقبۇلاق» شاعىناۋدانىنداعى ءبىر كوشەگە ەسىمى بەرىلگەندىگى حابارلانىپتى. سونداي-اق, اياعان تۇرعان ءۇيدىڭ قابىرعاسىنا ەسكەرتكىش تاقتا ورناتۋ ماسەلەسىنىڭ وڭ شەشىلەتىنى دە ايتىلعان, دەيدى شاجىمباەۆتار وتباسىنىڭ تۇڭعىشى قۇدايبەرگەن قۋاندىق ۇلى. ءومىر ەسقالي.          دەرەك: egemen.kz. سۋرەت: thenwes.kz.