ءوڭىر حالقى قايعىلى جاعدايعا بايلانىستى ازەربايجان حالقىنا كوڭىل ايتىپ, ەلشىلىكتىڭ ماڭىندا باس قوستى. سونداي-اق «قر سجقىقا» وبلىستىق دەپارتامەنتى مەن مەكەمە قىزمەتكەرلەرى, وبلىس جاستارى دا كوڭىل ءبىلدىرىپ, سۋىت حاباردى كۇيزەلىسپەن قابىلداعانىن جەتكىزدى. وسى تۇرعىدا ماڭعىستاۋ وبلىستىق ءماسليحاتىنىڭ دەپۋتاتى نۇربەك كاراساەۆ ءوز پىكىرىن ءبىلدىردى.
-بۇگىن اقتاۋ ماڭىندا بولعان قايعىلى وقيعا بۇكىل ەلدى ءدۇر سىلكىندىردى. اپاتقا ۇشىراعان ۇشاقتا 67 ادام بولعانى بەلگىلى بولدى, بارشا قازا تاپقان جانە زارداپ شەككەن جانداردىڭ جاقىن-جۋىقتارىنا شىن جۇرەكتەن كوڭىل ايتامىز. ءوز تاراپىمىزدان قولدان كەلگەنشە كومەك بىلدىرۋگە دايىنبىز. قازىر ءتۇرلى كومەك تۇرلەرى ۇسىنىلىپ, ارنايى ءىس-شارالار قاراستىرىلىپ جاتىر, - دەدى نۇربەك كاراساەۆ.
ماڭعىستاۋ وبلىسى
