«بيىل العاش رەت كوكتەمگى ەگىن ەگۋ مەن كۇزگى جيىن-تەرىم جۇمىستارىن قارجىلاندىرۋ ەرتە باستالدى. بۇل – فەرمەرلەردىڭ تۇقىم مەن تىڭايتقىشتاردى الدىن-الا ساتىپ الۋىنا جانە تەحنيكالارىن ەرتە دايىنداۋلارىنا مۇمكىندىك بەرەدى. بۇرىن-سوڭدى بولماعان مۇنداي مۇمكىندىك مەملەكەتتىك قولداۋ شارالارى مەن نارىق كوزدەرىنەن قاراجات تارتۋدىڭ ارقاسىندا ىسكە اسىرىلىپ جاتىر», دەپ اتاپ ءوتتى «اگرارلىق نەسيە كورپوراتسياسى» اق باسقارما توراعاسى المات اشىربەكوۆ.
بيىل «اگرارلىق نەسيە كورپوراتسياسى» كوكتەمگى ەگىن ەگۋ مەن كۇزگى جيىن-تەرىم جۇمىسىنا 320 ملرد تەڭگە بولگەن بولاتىن. بۇل الدىڭعى جىلدارى بەرىلگەن 140 ملرد تەڭگەمەن سالىستىرعاندا الدەقايدا جوعارى كورسەتكىش. پرەزيدەنت تاپسىرماسىن ورىنداۋ اياسىندا ۇكىمەتتىڭ قولداۋىمەن 2025 جىلدىڭ كوكتەمگى ەگىن ەگۋ مەن كۇزگى جيىن-تەرىم جۇمىسىنا 700 ملرد تەڭگەگە جۋىق قارجى بولىنەتىن بولادى. ونىڭ 560 ملرد تەڭگەسىنە جۋىعىن «بايتەرەك» ۇبح» اق مەن «اگرارلىق نەسيە كورپوراتسياسى» نارىقتىق كاپيتال كوزدەرىنەن تارتادى. بيىل جىل سوڭىنا دەيىن يگەرۋ ءۇشىن 100 ملرد تەڭگە قارجى ءبولىنىپ, فەرمەرلەرگە بەرىلىپ جاتىر.
اۋىل شارۋاشىلىعى تاۋارىن وندىرۋشىلەر مەملەكەتتىك قولداۋ شارالارىنىڭ ارقاسىندا بارىنشا قولايلى جاعدايدا جەدەل قارجىلىق قولداۋعا يە بولادى. سونىمەن قاتار نەسيەنى راسىمدەۋ, كەيىن وتەۋ كەزىندە فەرمەرلەرگە ىڭعايلى بولۋ ءۇشىن ولار جۇگىنەتىن قارجى ينستيتۋتتارىنىڭ سانى ارتىپ كەلەدى. ماسەلەن, نەسيەنى ەكىنشى دەڭگەيلى بانكتەر, نەسيەلىك سەرىكتەستىكتەر, الەۋمەتتىك-كاسىپكەرلىك كورپوراتسيالار ارقىلى جانە «اگرارلىق نەسيە كورپوراتسياسىنان» راسىمدەۋگە بولادى.
ايتا كەتەيىك, فەرمەرلەر ءۇشىن «كەڭ دالا 2» باعدارلاماسى بويىنشا جەڭىلدەتىلگەن سىياقى مولشەرلەمەسى جىلدىق 5% دەڭگەيىندە ساقتالدى. سونداي-اق كوبىنە اگروونەركاسىپ كەشەنىنىڭ سۋبەكتىلەرى نەسيە قاراجاتىن الار كەزدە كەپىلدىگىنىڭ جەتىسپەۋشىلىگى پروبلەماسىنا تاپ بولادى. بۇل ماسەلەنى اۋىل شارۋاشىلىعى سالاسىنىڭ بارلىق كاسىپكەرى مەن قوعامدىق ۇيىمدار ايتىپ كەلەدى. مەملەكەتتىك قولداۋ تەتىگىنە سايكەس, «كەڭ دالا 2» باعدارلاماسى بويىنشا قارىز سوماسىنىڭ 85%-ىنا «دامۋ» كاسىپكەرلىكتى دامىتۋ قورى كەپىلدىك بەرەدى.
باتىس قازاقستان وبلىسىنداعى «جاڭا الەم» شارۋا قوجالىعىنىڭ باسشىسى اناتولي كان دا «كەڭ دالا 2» باعدارلاماسى بويىنشا العاشقىلاردىڭ ءبىرى بولىپ نەسيە العان. ول ەرتە بەرىلگەن نەسيەنىڭ تيىمدىلىگىن ايتتى.
«العاشقىلاردىڭ ءبىرى بولىپ نەسيە الدىم. بۇل قارجىعا الدىمەن تۇقىم ساتىپ الامىن. بيىل «كەڭ دالا 2» باعدارلاماسى ەرتە باستالدى. بۇل فەرمەرلەرگە وتە ىڭعايلى بولدى. جانار-جاعار ماي, تۇقىم, تىڭايتقىش, تەحنيكانى قىس بويى قامداپ, ەگىن ەگۋ ناۋقانىنا ساقاداي-ساي دايىندالامىز. بۇل باعدارلامانىڭ ارتىقشىلىعى – نەسيە تىكەلەي 5%-بەن بەرىلىپ جاتىر. فەرمەرلەر سۋبسيديا الامىز دەپ ەشقايدا سابىلمايدى. ونىڭ ۇستىنە, كەپىل م ۇلىگى جەتپەيتىن شارۋالار «دامۋ» كاسىپكەرلىكتى دامىتۋ قورىنىڭ 85% كەپىلدىگىن الادى. ياعني فەرمەر الاتىن سوماسىنىڭ 15%-ىنا كەپىلدىك قويسا بولعانى. بۇل – ۇلكەن مەملەكەتتىك قولداۋ», دەيدى اناتولي كان.
ماسەلەن, «ايبولات» شارۋا قوجالىعى 154 گەكتار جەرگە ءداندى داقىل ەگەدى. شارۋا بيىل مەملەكەتتىك قولداۋدىڭ ارقاسىندا جەرىن دايىنداپ, قاجەتتى تۇقىم مەن تىڭايتقىشتار العان. بىتىك شىققان ەگىن ەسەبىنەن «اگرارلىق نەسيە كورپوراتسياسىنىڭ» الدىنداعى قارىزىن ۋاقىتىنان بۇرىن وتەۋگە مۇمكىندىك تۋعانىن ايتادى. ەندى كوكتەمگە «كەڭ دالا 2» باعدارلاماسىمەن تاعى قارجى الىپ, قار جاۋماي قامدانىپ وتىر.
«كەڭ دالا 2» باعدارلاماسى بويىنشا نەسيە بەرۋ ەرتە باستالعانى شارۋالارعا وتە ءتيىمدى بولىپ تۇر. سەبەبى ديزەل وتىنىن, تۇقىمدى, تىڭايتقىشتار مەن زيانكەستەرگە قارسى سەبەتىن دارىلەرىمىزدى ەرتەرەك ساتىپ الاتىن بولدىق. ەگەر كوكتەمگە قالاتىن بولساق, ولاردىڭ باعاسى قىمباتتاپ كەتەتىن ەدى. قازىر ارزان كەزىندە ساتىپ الۋىمىزعا مۇمكىندىك بار. بۇل ءبىز سياقتى ەگىن ەگەتىن شارۋالارعا ۇلكەن قولداۋ», دەيدى شىمكەنتتەگى «ايبولات» شارۋا قوجالىعىنىڭ باسشىسى بەكبولات كۇزەمباەۆ.
كەڭەس الۋ ءۇشىن جانە «كەڭ دالا 2» باعدارلاماسىنا ءوتىنىم بەرۋ ءۇشىن «اگرارلىق نەسيە كورپوراتسياسىنىڭ» ايماقتارداعى فيليالدارىنا بارۋ قاجەت. قوسىمشا اقپاراتتى Agrocredit.kz سايتىنان الۋعا بولادى جانە Kcell, Activ, Beeline ابونەنتتەرى ءۇشىن 5353 Call center ءنومىرى, Tele 2, Altel ءۇشىن 8 701 006 19 91 تەلەفون ءنومىرى جۇمىس ىستەيدى.
