قاداعالاۋ بارىسى كۇشەيتىلدى

كەشە باس پروكۋراتۋرانىڭ رەسمي وكىلى ن.سۇيىندىكوۆ قىلمىستىق اتقارۋ جۇيەسىنىڭ ماڭعىستاۋ وبلىسى بويىنشا  باسقارما­سى­نا قاراستى قاتاڭ تارتىپتەگى №23 تۇزەۋ مە­كە­مەسىندەگى ورىن العان جاعدايعا بايلانىس­تى ءۇش بىردەي قىلمىستىق ءىس قوزعالعانىن حابارلادى. ونىڭ ەكەۋىن پروكۋراتۋرا ور­گاندارى قك-ءتىڭ 358, 96-باپتارى بويىنشا قاشقان سوتتالعاندارعا قاتىستى جانە ءۇشىنشى قىلمىستىق ءىستى قك-ءتىڭ 316-بابى بويىنشا وسى اتالعان تۇزەۋ مەكەمەسىنىڭ باسشىلىعىنا قاتىستى قوزعادى. باس پروكۋراتۋرا مەديتسينالىق-الەۋ­مەت­تىك مەكەمەلەردە تۇراتىن قارتتار مەن مۇگە­دەكتەردىڭ قۇقىقتارىن ساقتاۋدىڭ جاي-كۇي­ىنە تەكسەرۋ جۇرگىزگەن ەدى. سوندا الگى قام­قور­لىقتاعى ادامداردىڭ ءومىرى مەن دەنساۋ­لى­عىنا قاۋىپ توندىرەتىن كوپتەگەن زاڭ بۇزۋشىلىقتار انىقتالىپ, اتالعان مەكە­مەلەردەگى كورسەتىلەتىن قىزمەتتەردىڭ ساپا­سىزدىعى, ينتەرنات-ۇيلەردىڭ شەكتەن تىس تولتىرىلۋى جۇيەلىك سيپات العاندىعى بەلگىلى بولدى. مىسالى, جامبىل وبلى­سىن­داعى 100 ادامعا ارنالعان مۇگەدەكتەر مەن قارتتار ۇيىندە ءىس جۇزىندە 300-دەن استام ادام تۇرىپ جاتىر. باسقا وڭىرلەردە دە وس­ىن­داي جاعداي قالىپتاسقان, كەيبىر مە­كە­مەلەردە ورىننىڭ جەتىسپەۋىنە بايلانىستى قامقورلىقتاعى ادامدار دالىزدەرگە ورنا­لاستىرىلعان. ءتىپتى كەيبىر جەرلەردە ينتەرنات اكىمشى­لىكتەرىنىڭ قۇجاتتاندىرۋ جونىندەگى ءمىن­دەتتەرىن دۇرىس ورىندالماۋى سالدارىنان ءجۇز­دەگەن مۇگەدەكتەر مەن قارتتار كونستيتۋ­تسيادا كەپىلدىك بەرىلگەن الەۋمەتتىك تولەم­اقى­لاردى الۋ قۇقىعىنان مۇلدەم ايىرىل­عان. مۇنداي زاڭ بۇزۋشىلىقتار اتىراۋ, قىزىلوردا جانە ماڭعىستاۋ وبلىستارى­نىڭ مەديتسينالىق-الەۋمەتتىك مەكەمەلە­رىن­دە ورىن الىپ وتىر. ينتەرناتتاردا ورتكە قارسى قاۋىپسىزدىك تالاپتارىن ساقتاۋ جاي-كۇيى نەگىزدى الاڭداتۋشىلىق تۋدىرادى. “جالپى, تەكسەرۋ ناتيجەلەرى بويىنشا 1,5 مىڭنان استام زاڭ بۇزۋشىلىقتار انىق­تال­دى, ولاردى جويۋ ءۇشىن 130-دان استام ۇسى­نىس ەنگىزىلىپ, 9 نارازىلىق كەلتىرىلدى, 2 قىلمىستىق ءىس قوزعالدى, 80-نەن استام تۇلعا ءارتۇرلى جاۋاپكەرشىلىككە تارتىلدى, 4 مىڭنان استام ازاماتتاردىڭ كونستيتۋتسيا­لىق قۇقىقتارى قورعالدى”, دەيدى رەسمي وكىل. قوعامدا رەزونانس تۋدىرعان جانە ار­نايى پروكۋروردىڭ وندىرىسىندە بولعان اە­رو­موبيل اسكەرلەرى قولباسشىسىنىڭ بۇ­رىنعى ورىنباسارىنا قاتىستى قىلمىستىق ءىس سوتقا جولدانعان. بۇل ءىس بيلىكتى اسىرا پايدالانۋ جانە اسكەري قاجەتتىلىك ءۇشىن كوزدەۋىشتەردى, دەسانتشىلاردى دايىنداۋعا ارنالعان ترەناجەرلاردى, سونداي-اق پارا­شيۋت­تەردى جاڭارتۋ جونىندەگى جۇمىستاردى ساتىپ الۋ كەزىندە مەملەكەتتىك قاراجاتتى ۇرلاۋ فاكتىسى بويىنشا قوزعالعان بولاتىن. ەندى الاياقتىق, زاڭسىز كاسىپكەرلىك جانە ۇرلانعان قاراجاتتى زاڭداستىرۋ ءۇشىن سوتقا ءۇش ءونىم بەرۋشى كومپانيالاردىڭ باسشى­لا­رى مەن مەنەدجەرلەرى دە تارتىلعان كورىنەدى. الەكساندر تاسبولاتوۆ.