ءوندىرىستى وركەندەتۋ كەرەك

پرەمەر-ءمينيستردىڭ ءبىرىنشى ورىنباسارى ب.سا­عىنتاەۆ جۇمىس ساپارىمەن وڭتۇستىك قازاقستان وبلىسىنا كەلىپ, ورتالىق مەملەكەتتىك ورگاندار, ۇلتتىق كومپانيالار جانە ءوڭىردىڭ ءىرى ءوندىرىس ورىندارى باسشىلارىنىڭ قاتىسۋىمەن جەرگىلىكتى مازمۇندى دامىتۋ جانە بيزنەستىڭ الەۋمەتتىك جاۋاپكەرشىلىگى ماسەلەلەرىنە ارنالعان جيىن وتكىزدى. جيىندا ءسوز العان ب.ساعىنتاەۆ وتاندىق بيزنەستى قولداۋدا ۇلت­تىق كومپانيالاردىڭ تاۋارلار مەن قىزمەتتەردى ساتىپ الۋدا جەر­گىلىكتى مازمۇننىڭ ۇلەس سال­ما­عىن ارتتىرۋ باعىتىندا ۇكىمەت تاراپىنان اۋقىمدى جۇمىس­تار اتقارىلىپ جاتقانىن مالىمدەدى. «بۇل ءوز كەزەگىندە وتاندىق كاسىپ­ورىنداردىڭ دامۋىنا, قۋا­تىن ارتتىرۋعا جانە شىعاراتىن ءونىم تۇرلەرىن كوبەيتۋگە, ەڭ باس­تىسى, جۇمىس ورىندارىن ساق­تاپ قالۋعا مۇمكىندىك بەرەدى. جۇ­مىس ورىندارىن ساقتاپ قالۋ – بۇل مەملەكەت باسشىسىنىڭ اكىم­دەرگە جۇكتەپ وتىرعان نەگىزگى تاپ­سىرماسى» دەدى ب.ساعىنتاەۆ. اڭگىمە بارىسىندا باقىت­جان ساعىنتاەۆ الەمدىك داعدا­رىس­تىڭ العاشقى تولقىنىن «جۇ­مىس­پەن قامتۋ-2020» سياقتى باعدارلامالاردىڭ ارقاسىن­دا جۇرتشىلىقتىڭ ونشالىق­تى سەزىنبەگەنىن, ونىڭ پايدالى­لىعىن ەڭبەكتەگەن بالادان ەڭكەيگەن قارتقا دەيىن بىلگەندىگىن ايتتى. الايدا, مۇناي باعاسىنىڭ ءتۇسۋى, رەسەيگە باعىتتالعان گەوساياسات بيۋدجەتتى قايتا ەسەپتەتىپ, ورىنسىز شىعىنداردىڭ ازاي­تىل­عانىن, قيىن جاعدايدا كورپەگە قاراي كوسىلۋ قاجەتتىگىن العا تارتتى. ەلباسىنىڭ بىلتىرعى قارا­شادا جاريالاعان «نۇرلى جول – بولاشاققا باستار جول» جول­داۋىنداعى جەتى باعىت بويىنشا اتقارىلىپ جاتقان جۇمىستاردىڭ نەگىزگىلەرىن اتاپ ءوتتى. جيىن قورىتىندىسىندا وڭتۇستىك قازاقستان وبلى­سىنىڭ اكىمدىگى مەن «قازاتوم­پروم», «قازاقتەلەكوم», «قاز­­مۇ­نايگاز», «سامۇرىق ەنەرگو» اق-تار اراسىندا جەرگى­لىكتى مازمۇندى دامىتۋ ءجونىن­دە مەموراندۋمدارعا قول قويىلدى. جالپى, وسى وڭىردە جەرگىلىكتى مازمۇندى دامىتۋ شەڭبەرىندە قۇنى 61 ملرد. تەڭگەنى قۇرايتىن مەموراندۋمدار بەكىتىلدى. جۇمىس ورىندارىن ساقتاپ قالۋ جانە وندىرىستىك پروتسەستەردى تۇراقتاندىرۋ ماقساتىندا وڭتۇستىك قازاقستان وبلىسىنىڭ اكىمدىگى مەن وڭىردەگى ءىرى ءوندىرىس ورىندارى, ونىڭ ىشىندە «قازاتومپروم», «كەنتاۋ ترانسفورماتور زاۋىتى» اق, «پەتروقازاقستان ويلپروداكتس», «ستاندارت تسەمەنت» جشس, ت.ب. اراسىندا مەموراندۋمدار ءتۇزىلدى. تۇتاستاي العاندا, وسى باعىتتاعى جۇ­مىس­تاردىڭ ناتيجەسىندە وبلىستا 50 مىڭ جۇمىس ورىندارىن ساقتاپ قالۋعا ارنالعان 1057 مەموراندۋمعا قول قويىلدى. ايتا كەتسەك, وبلىس اكىمدىگى تاراپىنان 2014 جىلى وڭىردەگى كاسىپورىنداردى قولداۋعا ارنالعان ءىس-شارالار جوسپارى بەكىتىلىپ, جىل سوڭىنا قاراي ءوندىرىس ءونىمىنىڭ كولەمىن 104,5 پايىز ارتتىرۋعا نەمەسە 650 ملرد. تەڭگەگە جەت­كىزۋگە مۇمكىندىك تۋدى. بۇل رەس­پۋبليكاداعى ءۇشىنشى كورسەتكىش بولىپ تابىلادى. قولعا الىنعان شارالاردىڭ تيىمدىلىگى ەسكەرىلىپ, وبلىس اكىمدىگى ءدال وسىنداي قۇجاتتى 2015 جىلى دا قابىلداپ وتىر. قازىرگى تاڭدا وڭىردەگى ءوندىرىس ورىندارىندا كەزدەسىپ وتىرعان تۇيتكىلدى ءتۇيىن­دەردى دەر كەزىندە شەشىپ وتىرۋ ءۇشىن جۇمىسشى توبى قۇرىلعان. بۇگىنگى تاڭدا وڭتۇستىك قازاق­ستان وبلىسى ەلىمىزدەگى قۋاتتى يندۋستريالى ورتالىق­تاردىڭ بىرىنە اينالىپ كەلەدى. يندۋستريالاندىرۋ كارتاسى اياسىندا قۇنى 1,2 ترلن. تەڭگەنى قۇرايتىن 223 جوبا ىسكە اسىرىلۋدا, ولاردىڭ 65 پايىزى اۋىلدىق جەردە جۇزەگە اسىپ كەلەدى, دەدى ب.ساعىنتاەۆ. باقتيار تايجان, «ەگەمەن قازاقستان». شىمكەنت.