ىنتىماعى جوق قۇراما ءوز مەملەكەتىن جەرگە قاراتتى

اعىلشىنداردىڭ جارماسقانى سوڭعى ۆاگون وڭتۇستىك افريكاداعى الەم چەمپيوناتىندا بالاپاندى كۇزدە سانايتىن دا, سىنايتىن دا ۋاقىت تۋدى. كوپتەگەن قۇرامالار ءوز توبىنان شىققانىنا شۇكىرشىلىك ايتىپ, كەيىنگىسىن تاعى كورەرمىز دەپ وتىر. “ا” توبىنان جەتى ۇپاي ولجالاعان ۋرۋگۆاي مەن قورجىنىندا ءتورت ۇپايى بار مەكسيكا شىقتى. “ۆ” توبىندا “ارگەنتينا العاشقى ەكى جەڭىسىمەن-اق جولدامانى جان قالتاسىنا باسىپ العان ەدى. سوڭعى تۋردا بارىن سالعان وڭتۇستىك كورەيا قۇراماسى ءتورت ۇپايمەن ەكىنشى جولداماعا زورعا تۇياق ىلىكتىردى. ەكى توپتان وڭتۇستىك افريكا رەسپۋبليكاسى, فرانتسيا جانە گرەكيا, نيگەريا قۇرامالارى شىعىپ قالدى. “س” توبىندا اقش پەن انگليا قۇرامالارى, “D” توبىندا گەرمانيا مەن گانا توپ باسىندا كەلەدى. ال, “ە” توبىندا التى ۇپاي ولجالاعان گول­لانديالىقتار بايگەنى شاپپاي الىپ تۇرسا, جاپونيا مەن دانيا قۇرامالارىنىڭ تاعدىرى كەيىنگى ويىنداردا شەشىلەدى. “G” جانە “H” توپ­تارىندا برازيليا مەن چيلي قۇرامالارى الدا كەلەدى. “F” توبىنداعى جاعداي دا وتە شيەلەنىستى. بەيسەنبى, سارسەنبى كۇنگى ويىندار باسى اش­ىل­ماي تۇرعان ماسەلەلەردىڭ ءتۇيىنىن تارقاتىپ بەر­دى. ماسەلەن, “س” توبىندا جاعدايدىڭ كۇردە­لەنگەنى سونشالىق, پلەي-وففقا شىعۋعا ءبارىنىڭ دە مۇمكىندىگى بار بولاتىن. اقش – الجير قۇ­را­مالارى باپكەرلەرىنىڭ بەلگىلەنگەن ەكى تايم­نىڭ سوڭىنا دەيىن كوڭىلى كۇپتى بولدى. امەري­كا­لىقتار 90 مينۋت ارمانداعان نيەتىنە 92-ءشى مي­نۋتتا جەتتى. التيدوردىڭ وڭ قاپتالدان اسىر­عان دوبىن كلينت دەمپسي قاقپاشىعا تۋرا تەپتى. قاقپانىڭ بوس بۇرىشىن كوزدەۋگە ۋاقىتى دا, مۇرشاسى دا بولماعان. امەريكالىقتاردىڭ با­عىنا, الجيرلىكتەردىڭ سورىنا سول دوپ قاقپا­شى­نىڭ قولىنان كەيىن سەرپىلدى. قورعانىس شەبىنە نايزاداي بويلاپ جۇرگەن دونوۆان مۇمكىندىكتى ءمۇلت جىبەرمەدى. امەريكا قۇراماسىنىڭ سەركەسى كەيىن جۋرناليستەرگە سۇحبات بەرۋگە شىققاندا كوزى جاساۋراپ تۇرعان. لاعىلداي تامشىلار امەريكاداي الپاۋىت مەملەكەتتىڭ ابىرويىن ساقتاپ قالعان قۋانىشتىڭ كۋاسى ەدى. “س” توبىندا انگليا قۇراماسىمەن ويناعانعا دەيىن سلوۆەنيانىڭ جاعدايى ءتاۋىر, توپ باستاپ تۇرعان. دەفونىڭ 23-ءى مينۋتتا سوققان جالعىز دو­بى اعىلشىندارعا باقىت اكەلدى. كىرپىگىنە دە, كو­زىل­دىرىگىنە دە مۇز قاتقان فابيو كاپەللو فرانتسيا قۇراماسىنىڭ ارتىنان اتتانۋدى ەش قالاعان جوق. فۋتبولدىڭ وتانى اعىلشىندار جويقىن شابۋ­ىل­دار ۇيىمداستىرىپ, ابىروي­لارىن ساقتاپ قالدى. ال, مەكسيكانى 0:1 ەسەبىمەن جەڭگەن ۋرۋگۆاي “ا” توبىندا ۇزدىك بولىپ, كەلەسى كەزەڭگە مەك­سيكانى قولىنان جەتەلەپ ءوتتى. گول سوققان سۋارەس, 44-ءى مينۋتتا. قۇرامالارى پلەي-وففقا ءوت­كەن مەملەكەتتەردىڭ جانكۇيەر­لەرى سول كۇندەرى كىرپىك ىلگەن جوق. توي­لادى. قايعىلى جاعدايلار دا ورىن الدى. ادام باس اينالدىر­عان باقىتتان دا ولەدى ەكەن. وڭ­تۇستىك كورەيادا فۋتبول تويى قىز­عان شاقتا لي دەگەن جيىرما جا­سار ستۋدەنت سەرىكتەستەرىمەن سەۋل­دە حان وزەنىنە قارعىپ كەتكەن. دوس­تارى جاعاعا ارەڭ الىپ شىققانى­مەن, اۋىر جاراقات العان ستۋدەنتتى دارىگەرلەر قۇتقارىپ قالا المادى. جانكۇيەرلەردىڭ ەس-ءتۇسىن ال­عان فۋتبول الامانىندا وسىنداي جاعدايلار دا بولىپ تۇرادى. ال فرانتسۋزدار بيلەت الماپتى... نەمىستەر ءدىنى قاتتى حالىق قوي. گانامەن وينار الدىندا جە­ڭىلە قالساق, افريكادا ساندا­لىپ جۇرمەيىك دەپ ۇشاققا بيلەت الىپ, ارتىق-اۋىس جۇكتەرىن جي­ناپ قوي­ىپتى. ولاردىڭ توپتاعى جاعدايى شىنىندا اۋىر ەدى. گانا مەن اۆ­سترا­ليانىڭ ءتورت-تورتتەن ۇپايى بولدى. ەۋروپاداعى ۇزدىك كلۋبتاردا وينايتىن سەركە جىگىتتەرى بار سەربيا دا سىتىلىپ شىعۋعا قۇلشىنىپ تۇر. باس باپكەر يواحيم لەۆ ء“بىزدىڭ كومانداعا قى­سىم وتە كوپ بولدى, ءبارى جەڭىس كۇتتى. سول ءۇمىت­تى اقتادىق”, دەگەندى كوڭىلى جايلانعان سوڭ ايتقان. گەرمانيا گانا قۇراماسىن 1:0 ەسەبىمەن جەڭدى. ال, وڭتۇستىك افريكا قۇراماسىنان 2:1 ەسەبىمەن جەڭىلگەن فرانتسۋزداردىڭ باسىنداعى جاعدايدى ەشكىمنىڭ باسىنا بەرمەسىن. كحۋمالونىڭ 20, مفەلانىڭ 37 مينۋتتاردا سوققان گولىنا مالۋدا 70 مينۋتتا ءبىر دوپپەن جاۋاپ بەردى. ءبىتتى. ءارى قاراي فرانتسۋزداردىڭ شاماسى جەتپەدى. پلەي-وففقا وتە الماسا دا الەم چەمپيونىن ادەمى جەڭگەن افريكالىقتار ءوز جانكۇيەرلەرىنىڭ الدىنداعى ايىبىن ءبىرشاما جۋعانداي بولدى. ويىن سوڭىندا ەكراندا رايمون دومەنەك پەن كارلوس البەرتو پاررەيرا جاعالاسىپ تۇرعانداي كورىنگەن ەدى. پاررەيرا ارىپتەسىنىڭ كۇرتەسىن وڭ قولىمەن سىعىمداپ ۇستاپ جىبەرمەيدى. “باقسام, باقا ەكەن” دەمەكشى, كىنا دومەنەكتىڭ وزىنەن بولىپ شىقتى. ويىن بىتكەن سوڭ فيفا ءداستۇرى بويىنشا باپكەرلەر مىندەتتى تۇردە قول الىسىپ, جاقسى تىلەكپەن كەتۋى كەرەك. دومەنەك ارىپتەسىنىڭ ۇسىنعان قولىن ال­ماي قويعان. ەندى بۇل ماسەلە فيفا-دا قارالۋى مۇمكىن. قالاي بولعاندا دا ەكى باپكەردىڭ ءوز ورنىندا قالمايتىندىعى بەلگىلى بولىپ قالدى. قول الىسپاعانى ءۇشىن ەمەس, قۇرامانى لايىقتى دايىنداي الماعانى ءۇشىن. فۋتبول – مەملەكەتتىك ماسەلە. فرانتسيا پرە­­زيدەنتى نيكوليا ساركوزي قۇرامانىڭ شا­بۋ­ىل­­شى­سى تەرري ءانريدى قابىلداپ, فرانتسۋز فۋت­بولشىلارىنىڭ الەم چەمپيوناتىنداعى ءسات­سىزدىگىن تالقىلاماق. سۇرمەرگەن نيكوليا انەل­كانىڭ باپكەر ۇيعارىمىمەن قۇرامادان شىعا­رىلعاندىعى دا ءسوز بولادى. فرانك رەبەري الەم چەمپيوناتىندا سۇرەڭسىز ويىندارىمەن جانكۇيەرلەردى جەرگە قاراتقانى ءۇشىن فرانتسۋز ۇلتىنان كەشىرىم سۇرادى. ونىڭ ارتىنان جارتىلاي قورعاۋشى فلوران مالۋدا دا ءسويتتى. “بۇل – ناعىز اپات” دەپ باعالادى ول. ءبىزدىڭ ناشار ويىنىمىز حالقىمىزعا وسىنشالىق اسەر ەتەدى دەپ ويلاماعان ەدىك. ءبىز مەملەكەتىمىزدىڭ ءيميدجىن بۇكىل الەم الدىندا قاتتى تۇسىردىك. بۇعان باس باپكەر عانا ەمەس, بارلىق ويىنشىلار كىنالى”. مالۋدانىڭ كوز جاسى شىقپاسا دا جۇرەگى ەزىلىپ ايتقان سوزىنە قۇراما مۇشەلەرى تولىقتاي قوسىلعان. “تورتەۋ تۇگەل بولسا توبەدەگى كەلەدى, التاۋ الا بولسا اۋىزداعى كەتەدى”. قازاق­تىڭ وسى ماتەلى فرانتسۋزداردىڭ قازىرگى جاعدايىن ءدوپ باسىپ تۇر. باس باپكەر الەمگە ايگىلى شابۋىلشى انريگە “الەم چەمپيوناتىنا اپارۋىن اپارامىن. بىراق, قوسالقى قۇرامدا وتىراسىڭ”, دەگەن ەكەن. كوماندانىڭ ءىشى وسىلاي ىرىڭ-جىرىڭ بولعان سوڭ ءبىر جاعادان باس, ءبىر جەڭنەن قول شىعارۋ تۋرالى قالاي ارمانداۋعا بولادى. ونىڭ ۇستىنە الەم چەمپيوناتىنداعى جەلىك بويلارىنان ءالى كەتىپ بولماعان فرانتسۋز ويىنشىلارى وتە سۇرەڭسىز وينادى. ەندى قۇرامانى لوران بلان قولعا الادى. ءبۇ­گىنگى ويىنشىلاردان كىمدەر قالاتىندىعىن سول شەشەدى. ىنتىماقتىڭ جوقتىعى اتاقتى فرانتسۋز قۇراماسىن شىڭ باسىنان وسىلايشا قۇلاتتى. باقتيار تايجان. ءداستۇرلى دودا استانادا قازاقستان جۋرناليستەر وداعى قالالىق فيليالىنىڭ ۇيىمداستىرۋىمەن جانە وعان “نۇر وتان” حدپ-نىڭ جەرگىلىكتى بولىمشەسىنىڭ قولداۋ كورسەتۋىمەن باق اراسىندا كىشى فۋتبولدان بەلگىلى قالامگەر رامازان احمەتوۆتى ەسكە تۇسىرۋگە ارنالعان تۋرنير ءوتتى. جىل سايىن استانالىق جۋرناليستەر اراسىندا داستۇرگە اينالعان تۋرنيرگە بيىل 9 كوماندا قاتىستى, ونىڭ ىشىندە “ەگەمەن قا­زاقستان”, “كازاحستانسكايا پراۆ­دا”, “اس­تانا اقشامى”, “نۇر استا­نا” گا­زەتتەرى, “حابار”, “استانا” تەلە­ار­­نا­­لا­رى مەن باسقا دا ءباسپاسوز قۇرال­دارى قاتىستى. وسى كوماندالار ءۇش توپقا ءبولىنىپ, كۇش سىناستى. ءسويتىپ, ءار توپتا ءبىرىنشى ورىن العان كوماندالار وزگە 2 توپتا جەڭىسكە جەتكەن قارسىلاستارىمەن كەز­دەستى. بۇل ويىنداردا “قازاق راديو­سى­نىڭ” باعى جاندى. ولار فينالدىق كەز­دەسۋدە “نۇر استانا” كومانداسىن 3:1 ەسەبىمەن جەڭىپ, بيىلعى ءتۋرنيردىڭ باس جۇلدەسىن جەڭىپ الدى. جۋرناليستەر وداعى قالالىق في­ليا­لىنىڭ باسشىسى ماعجان سادى­حان ۇلىنىڭ ايتۋىنشا, بىرنەشە جىل­دان بەرى وتكىزىلىپ كەلە جاتقان تۋرنير الداعى كەزدە دە جالعاساتىن بولادى. ءويت­كەنى, ونىڭ ماقساتى – جۋرنا­ليس­تەر اراسىندا جەڭىمپازدى انىقتاۋ ەمەس, ەڭ باستىسى باق وكىلدەرىنىڭ دوس­تىعىن نىعايتۋ, فۋتبول سياقتى ميلليونداعان جانكۇيەرلەردىڭ سۇيىكتى ويىنىن ارىپتەستەرىنىڭ اراسىندا ناسيحاتتاۋ. قۇرمانعازى جۇماعۇل ۇلى, ل.ن.گۋميلەۆ اتىنداعى ەۇۋ ستۋدەنتى.