مەموراندۋم تۇراقتىلىقتى قامتاماسىز ەتەدى

قوستانايعا پرەمەر-مي­نيس­تردىڭ ورىنباسارى بەردىبەك سا­پارباەۆ باستاعان قۇرامىندا بىرقاتار مينيسترلىكتەر مەن ۇلتتىق كومپانيالار وكىلدەرى بار دەلەگاتسيا كەلدى. بۇل ساپار جاھاندىق قارجى داعدارىسىنىڭ ەلگە زاردابى بولماۋى ءۇشىن ونىڭ الدىن الۋ ماقساتىن كوزدەيدى. داعدارىس جالپى ەلىمىزدەگى الەۋمەتتىك-ەكونوميكالىق جاعدايدى قيىن­دات­پاعانىمەن, كورشى رەسەي ءرۋبلىنىڭ قۇنسىزدانۋى قوستانايلىق كا­سىپورىندار جۇمىسىنا بىردەن اسەر ەتتى. مىسالى, ۇكىمەت دەلەگاتسياسى مەن جەرگىلىكتى كاسىپورىن باسشىلارىنىڭ مەموراندۋمعا قول قويۋ ءراسىمى اتشاپتىرىم تسەحىندا وتكەن «اگروماشحولدينگ» اكتسيونەرلىك قوعامىنىڭ جۇمىسىنا داعدارىس قازىردىڭ وزىندە سالقىنىن تيگىزىپ وتىر. قازاقستاندا ماشينا جاساۋ سالاسىنىڭ دامۋىنا زور ۇلەس قوسىپ وتىرعان «اگروماشحولدينگ» زاۋىتى شەتەلدىك جەڭىل اۆتوموبيلدەر مەن اۋىلشارۋاشىلىق تەحنيكالارىنىڭ ءتۇر-ءتۇرىن وندىرەدى. كەڭەستە وسى كومپا­نيا­نىڭ باسقارما توراعاسى الەك­سەي سيدورەنكو ايتقانداي, «اگرو­ماشحولدينگ» اكتسيونەرلىك قوعامى وتكەن جىلى 8,5 مىڭ ماشينانى ساپقا قويعان. بۇل 2013 جىلمەن سالىستىرعاندا 20 پايىزعا ارتىق بولاتىن. كاسىپورىن بيىل دا 20 مىڭ ماشينانى شىعارۋدى جوسپارلاعان ەدى. الايدا, «ۇيدەگى ويدى بازارداعى نارىق بۇزىپ», داعدارىس تالما جەردەن ءتيىپ وتىر. رەسەي ءرۋبلى قۇنسىزدانعان از عانا ۋاقىتتان بەرى قازاق­ستان­دىقتار كورشى ەلدەن 40 مىڭنان اسا ماشينا اكەلدى. ارينە, بۇل وتاندىق ماشينا جاساۋ كاسىپ­ورنىنىڭ جۇمىسىنا بىردەن كەرى اسەرىن تيگىزدى. – الەمنىڭ كوپ ەلىن شارپىپ وتىرعان داعدارىسقا توتەپ بەرۋ ءۇشىن ەلباسى نۇرسۇلتان نازارباەۆ بىرقاتار تالاپ قويىپ, تاپسىرمالار بەرىپ وتىر. سونىڭ ەڭ باستىسى حالىققا جۇمىس بەرۋ, جۇمىسسىزدار سانىن كوبەيتپەۋ, الەۋمەتتىك جاعدايدىڭ تومەندەۋىنە جول بەرمەۋ بولىپ تابىلادى. ەلىمىزدە 8 مەملەكەتتىك باعدارلاما جۇمىس ىستەپ جاتىر, سولاردىڭ ارقاسىندا 400 مىڭعا جۋىق جۇمىس ورنى اشىلۋى ءتيىس. مۇنىڭ بارلىعى ىشكى مۇمكىندىكتەرىمىزدى پايدالانعاندا جۇزەگە اسادى, – دەدى بەردىبەك ساپارباەۆ. دامۋ بولماسا داعدارىس مەڭدەي بەرەدى. بۇل ورايدا قوستاناي وبلىسىندا كوڭىلگە قونىمدى جۇمىستار بار. وتكەن جىلى شاعىن جانە ورتا بيزنەس بيۋدجەتكە 22,8 ميلليارد تەڭگە قارجى قۇيدى. سوڭعى جىلدارى ءوندىرىستىڭ قادامى قارىشتى بولدى. وسىنداي مىسالدار جەتكىلىكتى. الايدا, داعدارىس كەزىندە وندىرگەن ءونىمىڭ وتپەسە, ول دا كاسىپورىندار قادامىن تۇسايدى. سوندىقتان ب.ساپارباەۆ كورشى وبلىستار اراسىنداعى الىس-بەرىستى كەڭەيتۋ كەرەكتىگىن ايتتى. ب.ساپارباەۆ ەڭبەكاقى قارىزىن كوپكە ۇزاتپاۋدى وبلىس اكىمى نۇرالى سادۋاقاسوۆقا ناقتى تاپسىردى. وبلىستا ول قازىر 55 ميلليون تەڭگەنى قۇراپ وتىر. كەڭەس سوڭىندا قوستاناي وبلىسىنىڭ اكىمدىگى, كاسىپوداقتاردىڭ وبلىستىق كەڭەسى جانە كاسىپورىندار باسشىلارى اراسىندا جۇمىسشىلاردىڭ ەڭبەك قۇقىعى مەن كەپىلدىكتەرىن قامتاماسىز ەتۋ جونىندە ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويىلدى. وبلىس اكىمدىگىمەن مەموراندۋمعا قول قويعاندار اراسىندا «قازاقتەلەكوم», «سسكبوب», «وريون مينەرالس», «بايان سۇلۋ», «اگروماشحولدينگ», «قوستاناي مينەرالدارى», «اراي حولدينگ», «اليۋمينستروي», «قوستاناي ۇن كومبيناتى» جانە وڭىردەگى ءىرى كاسىپورىندار بار. سونداي-اق, وبلىستىڭ جانە رەسپۋبليكانىڭ جۇيە قۇراۋ­شى كاسىپورىندارىنىڭ, ۇلتتىق كومپانيالارىنىڭ اراسىندا قازاقستاندىق قامتۋدى قامتاما­سىز ەتۋ جانە وتاندىق تاۋار ءون­دىرۋ­شىلەردى قولداۋ جونىندە ىنتى­ماق­تاستىق تۋرالى مەموراندۋمدارعا دا قول قويىلدى. بۇل مەموراندۋمدار سوماسى 1 847 ميلليون تەڭگەنى قۇرايدى. ءنازيرا جارىمبەتوۆا, «ەگەمەن قازاقستان». قوستاناي.