- حالىقتىڭ دەنساۋلىعىن ساقتايتىن مەديتسينا قىزمەتكەرلەرىنىڭ قىزمەت بارىسىندا, ءوز دەنساۋلىعىنا قاتەر توندىرەتىن وقيعالارى كوبەيىپ بارادى. جاقىندا عانا قوستانايداعى جەدەل جاردەم فەلدشەرىنە شابۋىل جاسالدى. شاقىرتۋعا كەلگەن جاس قىزمەتكەر - انەل بايمۋرزينا ۇرىپ-سوعۋ سالدارىنان العان جاراقاتتارىنان اۋرۋحاناعا ءتۇستى. انەل بايمۋرزينانىڭ وتباسىنا ءوز تاراپىمنان قولداۋ بىلدىرە وتىرىپ, بۇل جاعدايدىڭ نازاردان تىس قالمايتىنىن جەتكىزەمىن, - دەپ جازعان ول.
مينيستر مالىمەتىنشە, شۇعىل مەديتسينا قىزمەتكەرلەرى ادام ءومىرىنىڭ اسا قاۋىپتى كەزەڭىندە كومەككە كەلەتىن جانە ءوز ءومىرىنىڭ قاتەرىنە دە ءمان بەرۋگە مۇمكىندىگى بولا بەرمەيتىن قىزمەتكەرلەر ساناتىنا جاتادى.
جەرگىلىكتى اتقارۋشى ورگانداردىڭ دەرەكتەرىنە سايكەس 2019-2023 جىلدار ارالىعىندا ەلىمىزدە قىزمەتتىك مىندەتتەرىن اتقارۋ كەزەڭىندە 158 مەديتسينا قىزمەتكەرلەرى زارداپ شەككەن. ونىڭ ىشىندە
- مەديتسينا قىزمەتكەرلەرىنىڭ قىزمەتتىك بورىشىن ورىنداۋى بارىسىندا, ولارعا جاسالعان شابۋىل, زورلىق-زومبىلىق ارەكەتتەرى ءۇشىن قىلمىستىق جاۋاپتىلىقتى ەنگىزۋگە بايلانىستى دەپۋتاتتاردىڭ قولداۋىنا سۇيەندىك. مۇنداي ارەكەتتەر ەركىندىكتى شەكتەۋگە جانە قوعامنىڭ ايىپتاۋىنا دەيىنگى ءادىل جازاسىن الۋعا ءتيىس. دارىگەرلەر مەن مەيىرگەرلەر, بۇل - ءسىزدىڭ دەنساۋلىعىڭىزعا كۇندەلىكتى قامقورلىق جاسايتىن, ۋاقىتپەن, جەكە ومىرىمەن جانە قيىن جاعدايلارمەن ساناسپاي كومەككە كەلەتىن جاندار. دەنساۋلىق ساقتاۋ مينيسترلىگى ءوز ءومىرىن قاتەرگە تىگىپ, باسقالاردىڭ ءومىرىن ساقتاپ قالاتىن مەديتسينا قىزمەتكەرلەرىنىڭ قايسارلىعى مەن باتىلدىعىن اتاپ وتەتىن بولادى. ارىپتەستەرىمنىڭ ءوز ماماندىعىنا ادالدىعى قوعامعا كەڭىنەن تانىلىپ, بارىمىزگە ۇلگى بولۋعا ءتيىس, - دەپ قورىتىندىلادى ول.
ەسكە سالايىق, 19 جەلتوقساندا قوستانايدا ناۋقاس ايەلدىڭ تۋىستارى قوڭىراۋعا كەلگەن جەدەل جاردەم فەلدشەرىن سوققىعا جىققانى بەلگىلى بولدى. زارداپ شەككەن انەل بايمۋرزينا ءتورت جىلدان بەرى جەدەل جاردەم ستانتسياسىندا جۇمىس ىستەيدى. ونى اياق-قولىمەن ۇرىپ-سوققان. ەكىنشى فەلدشەر مەن جۇرگىزۋشى ايەلدەردى اجىراتپاق بولعان. انەل قازىر ميى شايقالىپ, ءىشى جاراقات الىپ, اۋرۋحانادا جاتىر.
