ماقسات – جۇمىس ورنىن ساقتاۋ

پرەمەر-ءمينيستردىڭ ورىنباسارى بەردىبەك ساپارباەۆ جۇ­مىس ساپارىمەن الماتى وبلى­سىنا كەلدى. نەگىزگى ماقسات ءوندىرىس ورىندارىنداعى تۇراقتىلىقتى ساقتاۋ جانە ەڭبەك ادامدارىنىڭ احۋالىمەن تانىسىپ, جۇمىس­شىلار قۇقىعىن قورعاۋ بولدى. بيلىك پەن جۇمىس بەرۋشى ءىرى كومپانيالار جانە ءوندىرىس ورىندارى بولىپ تابىلاتىن كاسىپورىندار اراسىندا جاسالىپ, بۇل كۇنى قول قويۋ ءراسىمى وتەتىن مەموراندۋم تالاپ-تىلەكتەرىن دە ۆيتسە-پرەمەر تارازىلاپ باعىت-باعدار بەردى. اۋەلگى كەزەكتە, قۇرىلىس جۇ­مىستارى دامىلسىز ءجۇرىپ جات­قان تالدىقورعانداعى كوپسالالى 300 كەرەۋەتتى اۋرۋحاناعا بارىپ مە­ديتسينا سالاسىنا قاتىستى جايتتارمەن تانىستى. القالى جيىندا الماتى وبلىسىنىڭ اكىمى اماندىق با­تا­لوۆ وڭىردە اتقارىلىپ جاتقان جۇمىستار تۋرالى ماعلۇمات بەر­گەن سوڭ, ەلباسى «نۇرلى جول – بولاشاققا باستار جول» ات­تى جولداۋىن بيىل ەرتەرەك جا­ريا­لاۋىنىڭ ءبىر سەبەبى, الەمدىك داعدارىستىڭ الدىن الۋ قادامى بولىپ وتىر. اتالعان جولداۋدا وسى داعدارىستان شىعۋ جولدارى دا ناقتىلانعان. ءبىر عانا مىسالعا جەتىسۋ جەرى ارقىلى وتەتىن باتىس قىتاي – باتىس ەۋ­روپا ءدالىزىن اي­تۋعا تۇرادى. بۇل يگىلىكتىڭ ءبىرىن­شى قادامى – جول سالۋ. ءبىر عانا الماتى وبلىسىن­دا جول سالۋ, ءجون­دەۋ سەكىلدى جۇمىستارعا بيىل بيۋدجەتتەن 54 ملرد. تەڭگە بولىنەدى ەكەن. بۇل از قاراجات ەمەس. ءسوزىمدى ەلباسىنىڭ «داعدارىس كەلەدى. كەتەدى. ۇزاق بولمايدى» دە­گەن سوزىمەن ناقتىلاپ مەملە­كەت باس­شىسىنىڭ تاپسىرماسى­مەن وب­لىسارالىق بايلانىس­تى نى­عايتىپ, ءبىرى شىعارعان ءونىم­دى ەكىن­شىسى پايدالانىپ, ىشكى ءونىم ال­ماسۋ بايلانىسىن نىعايتۋدامىز. ۇكىمەتتىڭ اتىنان الماتى وبلىسىنىڭ باسشىلىعىن بۇگىنگى مەموراندۋمعا قول قويۋ ءراسىمىن ءوز دەڭگەيىندە ۇيىمداستىرعانى ءۇشىن راحمەت ايتا وتىرىپ, وسى مەموراندۋم تالاپتارىنىڭ تولىق ورىندالاتىنىنا سەنىم ارتامىن. بۇل قۇجات ەلدى مەكەن­دەردى جۇمىسپەن قامتۋعا وزىندىك ىق­پالىن تيگىزەتىنى انىق. تاعى ءبىر ۇلگى تۇتارلىق جۇمىس – «دوستىق ءۇيى», «ءتىل سارايى», «سپورت كە­شە­نى» تالدىقورعاندا سالىنىپ, پايدالانۋعا بەرىلگەنىن, ەڭ نە­گىزگىسى تۇرعىن ءۇي كەشەندەرىنىڭ بىرىنەن ەكىنشىسىنىڭ اسىپ تۇرعا­نىن كوردىك. مۇنىڭ بارلىعى ەلباسىنىڭ ۇستانعان ساياساتىنىڭ دۇرىستىعى, ەل تىنىشتىعىنىڭ ساقتالۋى ەكەنىن ءبىلۋىمىز كەرەك. وتاندىق ءونىم وندىرۋشىلەردى قولداۋ ءۇشىن شۇجىقتى قىر­عىز­دان, كوكونىستى قىتايدان تاسىماي, ەلبا­سى وتكەن جىلدىڭ تامىزىندا بەرگەن تاپسىرماسى قانت قىزىلشاسى, جۇگەرى سەكىلدى ءتول داقىلداردى مولىنان ءوسىرىپ, وڭدەپ رىنوكقا شىعارۋ كەرەك. سوندا بىرلەسە ىستەگەن جۇمىسىمىز ناتيجەسىن بەرەدى», دەدى بەردىبەك  ساپارباەۆ. بۇل كۇنى جالپى سوماسى 22,6 ملرد. تەڭگەنى قۇرايتىن بىرلەسكەن 17 مەموراندۋمعا قول قويىلدى. نۇربول الدىباەۆ, «ەگەمەن قازاقستان». تالدىقورعان.