زەرەك

دارىندى جاستى قارعا­دايى­نان قاناتتىڭ استىنا الىپ, قامقورلىق جاساۋ, تۇما بۇ­لاق­تىڭ كوزىن اشىپ, وركەنىن ءوسىرۋ جولىنداعى 1-7 سىنىپ وقۋ­شىلارى اراسىندا وتكىزىلىپ كەلە جاتقان وقۋشىلاردىڭ رەسپۋبليكالىق شىعارماشىلىق «زەردە» كونكۋرسى بيىل كورىكتى كوكشەتاۋدىڭ باۋرايىنداعى «بالداۋرەن» كەشەنىندە ءوتتى. بۇل ءبىلىم سايىسىنا وتانىمىزدىڭ ءتورت بۇرىشىنان 300-گە تاياۋ تالاپكەرلەر قاتىستى. ولاردىڭ قاتارىندا بارلىق وبلىس وكىل­دەرىمەن بىرگە, استانا جانە ال­ماتى قالالارىنىڭ, نازارباەۆ زياتكەرلىك مەكتەپتەرىنىڭ ءۇمىت­كەرلەرى دە بولدى. ەرەجەگە باي­لانىستى كونكۋرسقا قاتى­ساتىن تالاپكەرلەر ءۇش كەزەڭ بويىنشا ىرىكتەۋدەن وتكەن. ونىڭ ءبىرىن­شىسى مەكتەپتە, ەكىنشىسى وب­لىس­تا جالعاسىپ, ءۇشىنشىسى رەسپۋب­ليكالىق دەڭگەيدە بولدى. وقۋشىلاردىڭ زەردەلەۋ جۇ­مىستارى 8 سەكتسيا بويىن­شا قابىلدانعان. ونداعى باس­تى پاندەر: قازاق ءتىلى مەن ادەبيەتى, ورىس ءتىلى مەن ادەبيەتى, ماتەماتيكا, ينفورماتيكا, فيزي­كا, تەحنيكا, مەديتسينا, بيو­لو­گيا, تاريح, ەكولوگيا – وسى­لاي جالعاسىپ كەتە بەرەدى. جىل سايىن ءوتىپ كەلە جاتقان ءداستۇرلى بايقاۋدىڭ اشىلۋ ساتىندە رەسپۋبليكالىق «دارىن» ورتا­لىعىنىڭ ديرەكتورى شولپان قيراباەۆا بۇل شىعارماشىلىق كونكۋرس بولاشاقتا تالانتتى انىق­تاۋمەن بىرگە, ەلىمىزدىڭ ەر­تەڭىنە ءوز ۇلەسىن قوساتىن ءبىلىمدى ۇرپاقتى تاربيەلەۋ ماقساتىندا ۇيىم­داستىرىلىپ كەلە جاتقانىن العا تارتتى. وسى ءداستۇرلى شاراعا جىل سايىن قازىلىق جاساپ كەلە جاتقان پروفەسسور تىلەگەن سادىقوۆ باۋلي بىلسەك, تالانتتى جاستاردىڭ جۇرتى­مىزدا از ەمەس ەكەندىگىن العا تارتىپ, ونداي ۇل مەن قىزدى اتا-انا, مەكتەپ ۇس­تاز­دارى كوزدەن تاسا ەتپەي, كوڭىل­دەن شىعارماي, قام­­قورلىق جاساۋ قاجەتتىگىن اتاپ ءوتتى. وسىن­داي جاستاردىڭ ارا­سى­نان ەر­تەڭ وتانىمىزدىڭ نامى­سىن قور­عايتىن, الدىڭعى تول­قىن­نىڭ ءىزىن باساتىن ۇرپاقتىڭ ءوسىپ شى­عا­ت­ىنىن, ونداي ءۇردىستىڭ قازىر­دىڭ وزىندە قالىپتاسقانىن جەتكىزدى. ءۇش كۇنگە سوزىلعان ءبىلىم جا­رىسىندا جۇزدەن جۇيرىك شىق­­قان­دارعا ءى, ءىى, ءىىى دارەجەلى ديپلوم­دار تاپسىرىلسا, بارلىق قاتىسۋ­شىلارعا سەرتيفيكاتتار بەرىلدى. سۇلەيمەن مامەت, «ەگەمەن قازاقستان».