فوتو: ۇكىمەت
قازىرگى ۋاقىتتا «سامۇرىق-قازىنا» اق كومپانيالار توبىنىڭ ينۆەستيتسيالىق پورتفەلى جالپى سوماسى 53,5 ترلن تەڭگەنى قۇرايتىن 130-عا جۋىق جوبانى قامتىپ وتىر.
ونىڭ ىشىندە ۇكىمەتتىڭ ەرەكشە باقىلاۋىندا تۇرعان 44 ينۆەستيتسيالىق ءىرى جوبانىڭ ىسكە اسىرىلۋ بارىسى قارالدى.
نۇرلان جاقىپوۆ «تالدىقورعان – ءۇشارال» ماگيسترالدى گاز قۇبىرىن سالۋ جوباسى بويىنشا جوسپارلانعان 302 شاقىرىمدىق گاز قۇبىرىنىڭ 95,5 شاقىرىمى تارتىلعانىن, جۇمىستار مەرزىمىنەن بۇرىن جۇرگىزىلىپ جاتقانىن دا اتاپ ءوتتى.
ونىڭ سوزىنشە, «دوستىق – مويىنتى» تەمىرجول ءدالىزىن جاڭعىرتۋ اياسىندا جوسپارلانعان 836 شاقىرىم جولدىڭ 786 شاقىرىمى سالىنىپ, بۇل دا وسى كەزەڭدەگى جوسپارلى كورسەتكىشتەردەن اسىپ تۇسكەن.
قىزىلوردا وبلىسىندا ەلەكتر ستانساسىن سالۋ شەڭبەرىندە 2024 جىلى «سامۇرىق-ەنەرگو» اق مەن قاتارلىق ينۆەستور PIH اراسىندا قۋاتى 1 گۆت جەل ەلەكتر ستانسالارىن ىسكە قوسۋ جوباسىن بىرلەسىپ جۇزەگە اسىرۋ تۋرالى – Masdar ء(باا) كومپانياسىمەن بىرلەسكەن جوبا بويىنشا ينۆەستيتسيالىق كەلىسىمگە قول قويىلعان.
مۇناي-گاز-حيمياسى, ەلەكتر ەنەرگەتيكاسى, كولىك-لوگيستيكا, تاۋ-كەن, تەلەكوممۋنيكاتسيا سەكتورلارىنداعى ءىرى ينفراقۇرىلىمدىق جوبالاردى ىسكە اسىرۋ ءۇشىن 2025-2029 جىلدارى قوردىڭ مەنشىكتى قاراجاتىنىڭ 3,6 ترلن تەڭگەسىن قوسقاندا, شامامەن 9,6 ترلن تەڭگە ينۆەستيتسيالاۋ جوسپارلانعان.
جيىندا بىرقاتار قۇجات قابىلدانىپ, قوردىڭ الداعى كەزەڭگە ارنالعان جۇمىس جوسپارى بەكىتىلدى.
