جاقسى جوبالارعا جول اشىق

پرەزيدەنت جانىنداعى ورتالىق كوممۋنيكاتسيا­لار قىزمەتىندە «نازارباەۆ ۋنيۆەرسيتەتى» ااق يننو­ۆاتسيالار جونىندەگى ۆيتسە-پرەزيدەنتى قانات باي­عاريننىڭ قاتىسۋىمەن: «نازارباەۆ ۋنيۆەر­­­سيتەتىن­دەگى عىلىمي جانە يننوۆاتسيالىق جوبالار» تاقى­رى­بىندا بريفينگ بولىپ ءوتتى. اتالمىش بريفينگتە وتاندىق ونىمدەردى قولداۋ, دامىتۋ جانە جاڭا جو­بالاردى جۇزەگە اسىرۋ تۋرالى اڭگىمە كەڭىنەن ءوربىدى. ەستەرىڭىزگە سالا كەتسەك, وسىدان 5 جىل بۇرىن پرەزيدەنتتىڭ تاپسىرماسىمەن «Astana Business Campus» عىلىمي پاركىنىڭ جوباسى جولعا قويىلىپ, ءوز جۇمىسىن باستاعان بولاتىن. وسىعان وراي, قانات ءابدۋالي ۇلى جوبا قارساڭىندا جاسالىنىپ جاتقان جۇمىستارمەن تانىستىرىپ شىقتى. «قازىرگى تاڭدا بىزدە, ياعني نازارباەۆ ۋنيۆەر­سيتەتىندە 200-گە تارتا عىلىمي جوبا بار. ولاردىڭ اراسىنان كوممەرتسيالىق جوبالاردى ىرىكتەي وتىرىپ 30-35 عىلىمي جۇمىستى عانا تاڭداپ الدىق. ونى جان-جاقتى ساراپتامادان وتكىزىپ,  قالعان 17 جوبا تاعى دا تارازىلانىپ, تەك 7-ءى تالاپقا ساي دەپ تانىلدى», – دەدى ۆيتسە-پرەزيدەنت. سونداي-اق, «Astana Business Campus» عىلىمي پاركىندە الداعى ۋاقىتتا 8 مىڭعا تارتا ماماندار قىزمەت ەتەتىندىگى بەلگىلى بولدى. ولاردىڭ نەگىزگى بولىگى نازارباەۆ ۋنيۆەرسيتەتىن ءبىتىرۋشى تۇلەك­تەرى­نىڭ ەنشىسىنە تيمەك. مۇنان بولەك, حالىق­ارالىق «بولاشاق» جانە جۋىردا قولعا الىنعان «تالاپ» باعدارلامالارىمەن وقۋىن تامامداعان ماماندار عانا جۇمىسقا ىقىلاس تانىتا الادى. ساعىم ماتقالي.