قاھارماندارعا قۇرمەت

ەلىمىزدە جەڭىستىڭ 70 جىل­دىعىنا وراي مەملەكەت تاراپىنان ارداگەرلەرىمىزگە  ەرەكشە قۇرمەت كورسەتىلمەك. وسى ماقساتتا ۇكىمەت اۋقىمدى شارالاردى قولعا الۋدا. ۇلى وتان سوعىسىنا (ۇوس) قا­تىسقاندار مەن مۇگەدەكتەرگە, ولارعا تەڭەستىرىلگەن تۇلعالارعا, تىل ەڭبەككەرلەرىنە جانە جەڭىس­كە ۇلەس قوسقان ەلىمىزدىڭ وزگە دە ازاماتتارىنا ءبىر رەتتىك ماتە­ريال­دىق كومەك بەرۋ ءۇشىن بيىل رەسپۋبليكالىق بيۋدجەتتەن 5 ملرد. 690 ملن. 183 مىڭ تەڭگە قارالىپ وتىر. بۇدان بولەك, جەڭىستىڭ 70 جىل­دىعىنا وراي وتكىزىلەتىن اس­تانا مەن ماسكەۋ قالالارىنداعى شارالارعا ارداگەرلەردىڭ قاتىسۋىن قامتاماسىز ەتۋ ماقساتىندا بيۋدجەتتەن 61,8 ملن. تەڭگە بولىنبەك. ناقتىلاي ايتقاندا, ءبىر رەتتىك ما­تە­ريالدىق كومەك كەلەسى رەتتە قاراس­تىرىلعان: ۇوس قاتىسقاندار مەن مۇگە­دەك­تەرگە – 100 مىڭ تەڭگەدەن; ۇوس قاتىسقاندار مەن مۇگە­دەكتەرگە تەڭەستىرىلگەن تۇلعالارعا, جەڭىسكە ۇلەس قوسقان ازاماتتارعا – 70 مىڭ تەڭگەدەن; ۇوس كەزىندە قازا تاپقان اسكەري قىزمەتكەرلەردىڭ جۇباي­لارىنا, اتا-انالارىنا, لەنينگراد قۇرساۋىندا بولعان تۇرعىندارعا جانە ەكىنشى دۇنيەجۇزىلىك سوعىس جىلدارى كونتسلاگەرلەردە, گەتتو جانە وزگە دە ماجبۇرلەپ ۇستاۋ ورىن­دارىندا كامەلەتتىك جاسقا دەيىن تۇتقىندا بولعاندارعا – 30 مىڭ تەڭگەدەن; تىل ەڭبەككەرلەرىنە جانە ۇلى وتان سوعىسىنىڭ قايتىس بولعان مۇگەدەكتەرىنىڭ زايىبىنا, جەڭىسكە قوسقان ۇلەسى ءۇشىن ولارعا تەڭەستىرىلگەن تۇلعالارعا 25 مىڭ تەڭگەدەن بەرىلەدى. تاعى ءبىر ايتا كەتەر جايت, ۇكى­مەتتىڭ 2014 جىلدىڭ 16 قازا­نىن­داعى №1105 قاۋلىسىنا ءساي­كەس بەكىتىلگەن قازاقستان رەسپۋب­ليكاسىندا جەڭىستىڭ 70 جىلدىعىنا دايىندىق جانە وتكىزۋ جونىندەگى جوسپارىندا 50-دەن استام ءىس-شارا قاراستىرىلعان. ونىڭ ىشىندە: سوعىس ارداگەرلەرىن «1941-1945 جىلدارداعى ۇلى وتان سوعى­سىنداعى جەڭىسكە 70 جىل» مەرەي­تويلىق مەدالىمەن ماراپاتتاۋ; استانا قالاسىندا سوعىس اردا­گەرلەرىنىڭ جانە تىل ەڭبەك­كەرلەرىنىڭ قاتىسۋىمەن وتان قورعاۋشىلار كۇنىنە جانە جەڭىستىڭ 70 جىلدىعىنا ارنالعان اسكەري شەرۋ وتكىزۋ;  بۇعان دەيىن باسپانا الما­عان سوعىسقا قاتىسقاندار مەن مۇگە­دەك­تەردى باسپانامەن قامتاماسىز ەتۋ; سوعىسقا قاتىسقاندار مەن ءمۇ­گەدەكتەرگە تۇرمىستا كومەك كورسەتۋ جانە ۇيلەرىنە جوندەۋ جۇمىستارىن جۇرگىزۋدى قاراستىراتىن «ارداعىم –  ارداگەرىم» اكتسياسىن وتكىزۋ; ۇلى وتان سوعىسى ارداگەرلەرىن الەۋمەتتىك قولداۋدىڭ قوسىمشا تۇرلەرى (قازاقستان رەسپۋبليكاسى اۋماعىندا جانە تمد ەلدەرىنە تەمىرجول جانە (نەمەسە) اۋە كولىگىمەن ءبىر رەت تەگىن بارىپ-قايتۋ, ۇوس-عا قاتىسقاندار مەن مۇگە­دەك­تەرىنە شيپاجايلاردا ەمدەلۋدى ۇسىنۋ, ءتىستى پروتەزدەۋ (مەتالل كەرامزيت جانە قۇندى مەتالداردان جاسالاتىن ءتىستى پروتەزدەۋدى قوسپاعاندا), گازەتتەر مەن جۋرنالدارعا جازۋ, مونشالار مەن شاشتارازداردىڭ, الەۋمەتتىك تاكسيلەردىڭ جانە ت.ب. قىزمەتتەرىن ۇسىنۋ) بويىنشا ءىس-شارالار ۇيىمداستىرۋ, دەپ حابارلادى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ءباسپاسوز قىزمەتى. جولدىباي بازار, «ەگەمەن قازاقستان».