سەمەيدەگى مەديتسينا قىزمەتىنە پايدالانىلادى
سەمەي قالاسىنىڭ سانيتارلىق اۆياتسياسى ان-2 ۇشاعىنا يە بولدى. ەندى سالا ماماندارىنىڭ جۇمىسى ەداۋىر جاقسارماق. سانيتارلىق اۆياتسيا باسشىلىعىنىڭ ايتۋىنشا, تىكۇشاقپەن سالىستىرعاندا, ۇشاقتىڭ مۇمكىندىگى تىپتەن مول. ۋاقىت ۇنەمدەۋ جاعىنان دا, ءدارىگەرلەر مەن ناۋقاستارعا ارنالعان ورىندار سانىنان دا ۇتىمدى. ساناۆياتسيا مەڭگەرۋشىسىنىڭ پىكىرىنە سۇيەنسەك, ەگەر ماماندار جەمىستى جۇمىس جاساسا, شالعايداعى اۋداندارعا دا قول ۇشىن سوزۋ دەنساۋلىق ساقتاۋ جانە الەۋمەتتىك دامۋ مينيسترلىگى تاپسىرماسىمەن جۇزەگە اسادى. بۇل حالىق ءۇشىن اسا ءتيىمدى بولماق.
جاڭا ۇشاق ەلباسىمىزدىڭ حالىق دەنساۋلىعىن جاقسارتۋ بويىنشا بەرگەن تاپسىرمالارىنا سايكەس اتقارىلىپ جاتقان جۇمىستاردىڭ ناتيجەسى. جەتۋى قيىن جەرلەردەگى ازاماتتارعا شۇعىل مەديتسينالىق كومەك كورسەتۋ ماقساتىندا دەنساۋلىق ساقتاۋ جانە الەۋمەتتىك دامۋ مينيسترلىگىنىڭ قولداۋىمەن بەرىلگەن ان-2 ۇشاعى ەندى مەديتسينالىق قىزمەت كورسەتۋ ساپاسىن جاقسارتپاق. ۇشاقتى تارازدىڭ «تاراز جاڭا الەم» كومپانياسى جەتكىزگەن. ەندى سەمەي قالاسىنان شالعايداعى ابىرالى ءوڭىرى, اباي, بورودۋليحا, بەسقاراعاي اۋداندارى, شار, كۋرچاتوۆ سياقتى قالالاردىڭ جەدەل مەديتسينالىق كومەككە ءزارۋ تۇرعىندارى جەدەل تۇردە قالاعا جەتكىزىلەتىن بولادى. بۇعان دەيىن سەمەي قالاسىنىڭ سانيتارلىق اۆياتسيا قىزمەتى وتكەن جىلدىڭ ءساۋىر ايىندا بەرىلگەن تىكۇشاقپەن قىسقا مەرزىمدى ۋاقىت ارالىعىندا ناتيجەلى جۇمىس كورسەتكىشىن بايقاتقان.
– تىكۇشاق بەرىلگەن ۋاقىت ارالىعىندا 41 رەت اۋەگە كوتەرىلىپ, ونىڭ ىشىندە 39 ناۋقاستى قالاداعى ونكولوگيالىق, كارديولوگيالىق ورتالىقتارعا, پەرزەنتحانالارعا جەتكىزىپ, مەديتسينالىق كومەك كورسەتۋگە مۇمكىندىك جاسادىق. ءۇش اي ۋاقىت ارالىعىندا سونشا ادامعا كومەك كورسەتۋ وتە جاقسى كورسەتكىش دەپ ويلايمىز, – دەيدى سەمەي قالاسى سانيتارلىق اۆياتسياسىنىڭ مەڭگەرۋشىسى ناجيا پرونينا.
سانيتارلىق اۆياتسيا نەگىزىنەن جۇكتى ايەلدەرگە, بالالارعا, ينسۋلت العان ناۋقاستارعا, جول -كولىك وقيعاسىنا تاپ بولعان ادامدارعا قىزمەت ەتەدى. ولارعا قالاداعى بىلىكتى ماماندارمەن جاسالعان كەلىسىمشارت نەگىزىندە مەديتسينالىق مەكەمەلەردە ءتيىستى جاردەمدەر بەرىلەدى. جاڭا ۇشاق ازىرگە قىزمەتىنە تولىق كىرىسكەن جوق. قازىرگى تاڭدا ۇشاقتى مەديتسينالىق جابدىقتارمەن قامتاماسىز ەتۋ ءىسى جۇرگىزىلىپ جاتىر.
راۋشان نۇعمانبەكوۆا.
سەمەي.
سەمەي قالاسىنىڭ سانيتارلىق اۆياتسياسى ان-2 ۇشاعىنا يە بولدى. ەندى سالا ماماندارىنىڭ جۇمىسى ەداۋىر جاقسارماق. سانيتارلىق اۆياتسيا باسشىلىعىنىڭ ايتۋىنشا, تىكۇشاقپەن سالىستىرعاندا, ۇشاقتىڭ مۇمكىندىگى تىپتەن مول. ۋاقىت ۇنەمدەۋ جاعىنان دا, ءدارىگەرلەر مەن ناۋقاستارعا ارنالعان ورىندار سانىنان دا ۇتىمدى. ساناۆياتسيا مەڭگەرۋشىسىنىڭ پىكىرىنە سۇيەنسەك, ەگەر ماماندار جەمىستى جۇمىس جاساسا, شالعايداعى اۋداندارعا دا قول ۇشىن سوزۋ دەنساۋلىق ساقتاۋ جانە الەۋمەتتىك دامۋ مينيسترلىگى تاپسىرماسىمەن جۇزەگە اسادى. بۇل حالىق ءۇشىن اسا ءتيىمدى بولماق.
جاڭا ۇشاق ەلباسىمىزدىڭ حالىق دەنساۋلىعىن جاقسارتۋ بويىنشا بەرگەن تاپسىرمالارىنا سايكەس اتقارىلىپ جاتقان جۇمىستاردىڭ ناتيجەسى. جەتۋى قيىن جەرلەردەگى ازاماتتارعا شۇعىل مەديتسينالىق كومەك كورسەتۋ ماقساتىندا دەنساۋلىق ساقتاۋ جانە الەۋمەتتىك دامۋ مينيسترلىگىنىڭ قولداۋىمەن بەرىلگەن ان-2 ۇشاعى ەندى مەديتسينالىق قىزمەت كورسەتۋ ساپاسىن جاقسارتپاق. ۇشاقتى تارازدىڭ «تاراز جاڭا الەم» كومپانياسى جەتكىزگەن. ەندى سەمەي قالاسىنان شالعايداعى ابىرالى ءوڭىرى, اباي, بورودۋليحا, بەسقاراعاي اۋداندارى, شار, كۋرچاتوۆ سياقتى قالالاردىڭ جەدەل مەديتسينالىق كومەككە ءزارۋ تۇرعىندارى جەدەل تۇردە قالاعا جەتكىزىلەتىن بولادى. بۇعان دەيىن سەمەي قالاسىنىڭ سانيتارلىق اۆياتسيا قىزمەتى وتكەن جىلدىڭ ءساۋىر ايىندا بەرىلگەن تىكۇشاقپەن قىسقا مەرزىمدى ۋاقىت ارالىعىندا ناتيجەلى جۇمىس كورسەتكىشىن بايقاتقان.
– تىكۇشاق بەرىلگەن ۋاقىت ارالىعىندا 41 رەت اۋەگە كوتەرىلىپ, ونىڭ ىشىندە 39 ناۋقاستى قالاداعى ونكولوگيالىق, كارديولوگيالىق ورتالىقتارعا, پەرزەنتحانالارعا جەتكىزىپ, مەديتسينالىق كومەك كورسەتۋگە مۇمكىندىك جاسادىق. ءۇش اي ۋاقىت ارالىعىندا سونشا ادامعا كومەك كورسەتۋ وتە جاقسى كورسەتكىش دەپ ويلايمىز, – دەيدى سەمەي قالاسى سانيتارلىق اۆياتسياسىنىڭ مەڭگەرۋشىسى ناجيا پرونينا.
سانيتارلىق اۆياتسيا نەگىزىنەن جۇكتى ايەلدەرگە, بالالارعا, ينسۋلت العان ناۋقاستارعا, جول -كولىك وقيعاسىنا تاپ بولعان ادامدارعا قىزمەت ەتەدى. ولارعا قالاداعى بىلىكتى ماماندارمەن جاسالعان كەلىسىمشارت نەگىزىندە مەديتسينالىق مەكەمەلەردە ءتيىستى جاردەمدەر بەرىلەدى. جاڭا ۇشاق ازىرگە قىزمەتىنە تولىق كىرىسكەن جوق. قازىرگى تاڭدا ۇشاقتى مەديتسينالىق جابدىقتارمەن قامتاماسىز ەتۋ ءىسى جۇرگىزىلىپ جاتىر.
راۋشان نۇعمانبەكوۆا.
سەمەي.
