شايمەردەن قوسشىعۇل ۇلى – قوعام قايراتكەرى, قازاق زيالى قاۋىم وكىلدەرىنىڭ ءبىرى, قازاق حالقىنىڭ قۇقىن قورعاعان تۇلعا. 1906 جىلى قاڭتاردا ش.قوسشىعۇل ۇلى بۇكىلرەسەيلىك مۇسىلمانداردىڭ ءىى سەزىنە دەلەگات بولىپ سايلاندى. 1906 جىلى تومەنگى نوۆگورود قالاسىندا وتكەن ءىىى بۇكىلرەسەيلىك مۇسىلماندار سەزىنە قاتىسىپ, ساياسي سالاعا, وقۋعا, دىنگە قاتىستى بۇيرىقتاردى شىعارۋعا اتسالىستى. 1906-1907 جىلدارى اقمولا وبلىسىنان I جانە II مەملەكەتتىك دۋمالاردىڭ دەپۋتاتى بولىپ سايلاندى. 1907 جىلى پەتەربوردا شىعاتىن «سەركە» گازەتىنە قارجىلاي كومەك كورسەتتى. وقۋ-اعارتۋ ىسىمەن اينالىسىپ, بالالاردى وقىتتى. 1931 جىلى كەڭەس وكىمەتى تاراپىنان تۇتقىندالىپ, جەر اۋدارىلدى. كسرو جوعارعى كەڭەسى پرەزيديۋمىنىڭ 1989 جىلعى 16 قاڭتارداعى جارلىعى نەگىزىندە 1989 جىلعى 19 قىركۇيەكتە كوكشەتاۋ وبلىستىق پروكۋراتۋراسى اقتاپ الدى. 2015 جىلى ۇكىمەتتىڭ شەشىمىمەن استانا قالاسىنداعى 188-كوشەسىنىڭ اتاۋى وزگەرتىلىپ, شايمەردەن قوسشىعۇل ۇلىنىڭ ەسىمى بەرىلدى.
مۇحامەدجان سەرالين «سەركە» گازەتىنىڭ تاريحىنا ارنالعان ماقالاسىندا: «1907 جىلى سانكت-پەتەربۋرگتە II مەملەكەتتىك دۋمانىڭ مۇشەسى شاحمەردەن قوسشىعۇلوۆتىڭ باستاماسىمەن «سەركە» گازەتى شىعارىلا باستادى. بىراق گازەتتى بىردەن مەملەكەتتىك ورگاندار جاۋىپ تاستادى» دەپ جازدى. قالامگەردىڭ كەلتىرگەن دەرەگىنە سۇيەنسەك, گازەت شىققاننان كەيىن رەداكتسيادا پوليتسيا پايدا بولادى. ولار رەداكتسيانىڭ بۇكىل بولمەلەرىندە ءتىنتۋ جاسايدى. بۇعان مىرجاقىپ دۋلات ۇلىنىڭ ۇكىمەت ساياساتىنا قارسى ماقالاسى سەبەپ بولدى دەگەن دەرەكتەردى دە قوسا كەلتىرەدى.
تۇلعا تاعىلىمىن زەردەلۋگە باعىتتالعان دوڭگەلەك ۇستەلدە شايمەردەن قوسشىعۇل ۇلىنىڭ قوعامدىق-ساياسي قىزمەتى, اسىرەسە رەسەي يمپەرياسىنىڭ مەملەكەتتىك دۋماسىنىڭ ءى جانە ءىى شاقىرىلىمداعى جۇمىسىنا قاتىستى ماسەلەلەر قاراستىرىلدى. سونىمەن قاتار ايتۋلى جيىندا قايراتكەر تۇلعانىڭ كىتاپتارى مەن سيرەك سۋرەتتەرى مۋزەي قورىنا تابىس ەتىلدى.
دوڭگەلەك ۇستەلگە قاتىسقان سەرىك نەگيموۆ, ومىرزاق وزعانباەۆ باستاعان زەرتتەۋشى عالىمدار, قوعام قايراتكەرلەرى شايمەردەن قوسشىع ۇلىنىڭ تۇلعالىق, قايراتكەرلىك قىرىنا جان-جاقتى توقتالىپ, ۇلت مۇراتى جولىندا سىڭىرگەن ەڭبەگىن كەڭىنەن ءسوز ەتتى. سونداي-اق ۇلت قايراتكەرىنىڭ ەلدىك مۇرات جولىنداعى ەلەۋلى ىستەرىن, تاعىلىمدى ونەگەسىن الداعى ۋاقىتتا دا جانداندىرىپ, جاڭعىرتۋ كەرەك ەكەنىن, ش.قوسشىعۇل ۇلىنىڭ رۋحاني مۇراسى بولاشاقتا كەلەلى زەرتتەۋدى قاجەت ەتىپ تۇرعان ماڭىزدى ماسەلە ەكەندىگىن دە باسا ايتتى.
