فوتولار: Turizm jane sport ministrligi
فەدەراتسيانىڭ الداعى كەزەڭدەگى جوسپارلارى مەن دامۋ ستراتەگيالارى تالقىلانعان ءىس-شارادا قازاقستان اۋىر اتلەتيكا فەدەراتسياسىنىڭ باس حاتشىسى مادينا استاميروۆا فەدەراتسيانىڭ اتقارعان جۇمىسى تۋرالى ەسەپ بەرىپ, سالاداعى بىرقاتار ماڭىزدى جەتىستىكتەردى اتاپ ءوتتى.
ۆەدومستۆونىڭ ءباسپاسوز قىزمەتى ءمالىم ەتكەندەي, جيىن بارىسىندا قازاقستان اۋىر اتلەتيكا فەدەراتسياسىنىڭ پرەزيدەنتى جانات تۇسىپبەكوۆ ءوز قىزمەتىن مەرزىمىنەن بۇرىن توقتاتاتىنىن مالىمدەپ, فەدەراتسيا پرەزيدەنتتىگىنە گادجي گادجيەۆتىڭ كانديداتۋراسىن ۇسىندى. وبلىس فەدەراتسيالارىنىڭ باسشىلارى جانە سپورت قاۋىمداستىعى گ.گادجيەۆتىڭ كانديداتۋراسىن ءبىراۋىزدان قولدادى.
قۇرامانىڭ حالىقارالىق ارەنالارداعى جەتىستىكتەرى سپورتشىلارىمىزدىڭ جوعارى الەۋەتىن كورسەتەتىنىن جانە ەل ىشىندە سپورتتىڭ وسى تۇرىنە دەگەن قىزىعۋشىلىقتىڭ ارتقانىن ايتقان ەربول مىرزابوسىنوۆ:
«تۋريزم جانە سپورت مينيسترلىگى اتىنان جانات تۇسىپبەكوۆكە ەلىمىزدە اۋىر اتلەتيكانىڭ دامۋىنا قوسقان ۇلەسى ءۇشىن العىس بىلدىرەمىن, ون جىلدان استام ۋاقىتتا ءبىزدىڭ سپورتشىلار تالاي جەتىستىكتەرگە قول جەتكىزدى. سونداي-اق فەدەراتسيانىڭ پرەزيدەنتى بولىپ سايلانعان گادجي گادجيەۆتىڭ الداعى جۇمىسىنا ساتتىلىك تىلەيمىن. اۋىر اتلەتيكا سپورتشىلارىن جان-جاقتى قولداۋ ءداستۇرى جالعاساتىنىنا سەنىمدىمىن جانە بىرلەسكەن كۇش-جىگەرمەن جاڭا بيىكتەرگە جەتەمىز», دەپ اتاپ ءوتتى.
