ءسويتىپ بۇدان ءجۇز جىل بۇرىنعى قاجىمۇقان اتاسىنىڭ ەرلىگىن قايتالاپ, قازاقستان تۋىن كوك اسپانعا كوتەردى.
قاراشانىڭ 28-نەن جەلتوقساننىڭ 3-نە دەيىن سوزىلعان چەمپيوناتقا 15 ەلدىڭ وكىلدەرى قاتىسقان. سامات 3 ايقاس وتكىزىپ, ۇشەۋىن دە تازا جەڭدى. الدىمەن ول ۇندىلىك, سوسىن يسپاندىق قارسىلاستارىمەن شىعىپ, ەكەۋىن دە ۋاقىتىنان بۇرىن جەڭىلۋگە ءماجبۇر ەتتى. فينالدا ايقاسقان بەلگيالىقپەن 5 مينۋت تابان تىرەسكەن ايقاس وتكىزىپ, اقىرى ونى دا ۇپاي سانىمەن ۇتتى.
سامات جانتاسوۆ قازىر 38 جاستا, ارىپتەستەرى ودان ءالى دە بيىك ناتيجەلەر كۇتەدى. 2010 جىلى ول قازاقستاننىڭ بەتپە-بەت ايقاستان وتكىزگەن چەمپيوناتىندا جۇلدەگەر بولعان. ال 2016 جانە 2002 جىلدارى ول دجيۋ دجيتسي يەن پانكراتيوننان چەمپيونى بولدى. تالماي ىزدەنىپ, شاكىرتتەرىمەن بىرگە قارا تەر بولىپ جاتتىعاتىن ول اقىرى ءوز ومىرىندەگى ازىرگى ۇلكەن تابىسىنا قول جەتكىزىپ وتىر.
ەلگە ورالعان سوڭ چەمپيوندى پد باستىعى, گەنەرال ايدىن قابۇلدينوۆ قابىلداپ, جەڭىسىمەن قۇتتىقتادى. ونىڭ جەڭىسى شاكىرتتەرىنە دە جانە جاساق قۇرامىنداعى باسقا جاستارعا دا ۇلگى ەكەنىن اتاپ ءوتتى. ول سامات جانتاسوۆتان ءالى دە ۇلكەن تابىستار كۇتەتىنىن جانە ءوزى باسقاراتىن بولىمشەنىڭ دە جاقسى ناتيجەلەرگە قول جەتكىزەتىنىنە سەنىم ءبىلدىردى.
