وقۋ دۇڭگىرشەگى

ءىلياس ەسەنبەرلين اتىنداعى اۋداندىق ورتالىق كىتاپحانانىڭ رۋحاني قۇندىلىقتار شۋاعىن شاش­قانىنا 100 جىل تولىپ وتىر. وسىناۋ ءبىلىم ورداسىنا اتى بەرىل­گەن دارابوز جازۋشىنىڭ بيىل عاسىر تويىن اتاپ وتەتىنىمىز اتبا­سار­داعى وقيعانىڭ تانىمدىق سال­ماعىن ەسەلەي تۇسۋدە. اتباسار ۋەزىندەگى وقۋ دۇڭگىر­شەگى 1914 جىلى اشىلعان بولاتىن. ونىڭ باستاپقى كىتاپ قورى ورىس تىلىندەگى 950 جانە مۇسىل­مان ادەبيەتىندەگى 120 دانا كىتاپ­تان تۇردى. ۋاقىت وزعان سايىن كىتاپ­حانانىڭ ماتەريالدىق-تەحني­كالىق بازاسى نىعايىپ, مارتەبەسى دە وزگەرىپ وتىردى. مۇندا مەكەمەنى ءار جىلدارى باسقارعان ۆەرا دۋدكوۆا, نادەجدا ليۋباششەنكو, نينا كراۆەتس, فريدا پيننەكەر, راشيدا جۋر­كانوۆا, وكتيابرينا پاكتىڭ ۇيىم­داستىرۋشىلىق ەڭبەگى وراسان. مەكەمە 1986 جىلى جالپى اۋماعى 2047 شارشى مەترلىك جاڭا عيماراتقا كوشىرىلدى. ول اۋدانداعى اعارتۋ, عىلىمي كوپشىلىك, مادەني شارالاردىڭ ورداسىنا اينالدى. بۇگىنگى كۇنى كىتاپحانا 43 اتاۋداعى مەرزىمدى باسىلىمداردى جازدىرىپ الادى. مۇندا وننان استام ءمۇد­دەلەر بويىنشا كلۋب جۇمىس ءىس­تەيدى. ءبىلىم وشاعىنىڭ ينتەرنەت جەلى­سىنە قوسىلۋى قىزمەت ءورىسىن كە­ڭەي­تىپ وتىر. سونداي-اق, كىتاپ­حانا قىزمەتكەرلەرى اتباسار قالاسى مەن وكتيابر جانە مارينوۆكا اۋىل­دارىنداعى قۋىرشاق تەاتر­لارى­­نىڭ اشىلۋىنا ۇيىتقى بولدى. اۋداندىق مادەنيەت ءۇيىن­دەگى سالتاناتقا جينالعان قاۋىم العاش­قى كىتاپحاناشى عازيز وماروۆ­تىڭ, قازاق كسر قۇر­مەتتى كىتاپحاناشىسى ەركىن عاپ­باسوۆتىڭ, اتباسار اۋدا­نى­نىڭ قۇرمەتتى ازاماتى كلارا ءامىروۆانىڭ, تاريحي-ولكەتانۋ مۇرا­جايىنىڭ نەگىزىن قالاۋشى بوريس ماەۆسكيدىڭ جانە باسقا ايتۋلى ازاماتتاردىڭ ونەگەلى ەڭبەك جولىنان ماعلۇمات الدى. ەڭبەك مايتالماندارىنا سىي-ساۋعالار جاسالدى. باقبەرگەن امالبەك, «ەگەمەن قازاقستان». اقمولا وبلىسى, اتباسار اۋدانى. سۋرەتتە: كىتاپحانا ۇجىمى.