فوتو: ەڭبەك جانە حالىقتى الەۋمەتتىك قورعاۋ مينيسترلىگى
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, جالاقى بويىنشا بەرەشەگى بار كاسىپورىنداردىڭ باسشىلارىنا ورىنداۋعا مىندەتتى 249 ۇيعارىم بەرىلگەن. سونىمەن قاتار 50,3 ملن تەڭگەدەن استام سوماعا ايىپپۇل سالىنعان.
«قابىلدانعان شارالاردىڭ, ونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋدىڭ ناتيجەسىندە 17,5 مىڭنان استام جۇمىسكەردىڭ قۇقىقتارى قورعالدى. ولارعا 3,4 ملرد تەڭگە تولەندى. 2024 جىلعى 1 جەلتوقسانداعى دەرەكتەر بويىنشا مەملەكەتتىك ەڭبەك ينسپەكتورلارى 5 039 تەكسەرۋ جۇرگىزدى, ونىڭ بارىسىندا 7 583 بۇزۋشىلىق انىقتالدى, ونىڭ ىشىندە: ەڭبەك سالاسىندا – 5 723; ەڭبەك قاۋىپسىزدىگى جانە ەڭبەكتى قورعاۋ بويىنشا – 1 793; حالىقتى جۇمىسپەن قامتۋ بويىنشا – 67. جۇمىس بەرۋشىلەرگە 2 998 ۇيعارىم بەرىلىپ, 371 ملن تەڭگە سوماسىنا 3 359 اكىمشىلىك ايىپپۇل سالىندى», دەلىنگەن حابارلامادا.
ايتا كەتەيىك, قابىلدانعان شارالاردىڭ ناتيجەسىندە 33 مىڭنان اسا جۇمىسكەردىڭ ەڭبەك قۇقىعى قورعالعان.
