رەسپۋبليكانىڭ باسىم بولىگىنە سولتۇستىك تسيكلون اسەر ەتەدى. سوندىقتان تۇراقسىز اۋا رايى كۇتىلەدى.
ەلىمىزدىڭ شىعىسىندا قاتتى قار جاۋادى, بۇرقاسىن كۇتىلەدى.
وڭتۇستىك وڭىرلەردە جاڭبىر سوڭى قارعا ۇلاسادى, تاۋلى اۋدانداردا قاتتى جاۋىن-شاشىن جاۋادى.
شىعىس, وڭتۇستىك جانە ورتالىق ايماقتاردا كوكتايعاق بولادى دەپ بولجانىپ وتىر.
ەلدىڭ باتىسى مەن سولتۇستىك-باتىسىندا جاۋىن-شاشىنسىز اۋا رايى كۇتىلەدى.
- اۋا تەمپەراتۋراسى تۇندە ەلدىڭ باتىسىندا 5-13 گرادۋس ايازعا دەيىن, سولتۇستىك-باتىستا 13-25 گرادۋس ايازعا دەيىن, ەلىمىزدىڭ سولتۇستىگىندە 20-25 گرادۋس ايازعا دەيىن, قازاقستاننىڭ ورتالىعىندا 15-28 گرادۋس ايازعا دەيىن, رەسپۋبليكانىڭ شىعىسىندا 18-26 گرادۋس ايازعا دەيىن, وڭتۇستىك جانە وڭتۇستىك-شىعىس وڭىرلەردە 8-21 گرادۋس ايازعا دەيىن بىرتىندەپ تومەندەيدى, - دەپ جازىلعان حابارلامادا.
