ەڭبەك جانە حالىقتى الەۋمەتتiك قورعاۋ مينيسترiنiڭ بۇيرىعىنىڭ جوباسىندا كاسiپتiك مەرەكەلەردiڭ تiزبەسiن مىناداي كۇندەرمەن تولىقتىرۋ كوزدەلگەن:
- قارجى مونيتورينگى ورگاندارى كۇنى – 28 قاڭتار;
- تەڭىز جانە وزەن كولىگى قىزمەتكەرلەرى كۇنى – شىلدە ايىنىڭ ءبىرىنشى جەكسەنبىسى;
- تەمىرجول كولىگى كۇنى – تامىز ايىنىڭ ءبىرىنشى جەكسەنبىسى;
- اسپاپ جاساۋ جانە اۆتوماتيكا سالاسى قىزمەتكەرلەرىنىڭ كۇنى – قىركۇيەكتىڭ ەكىنشى جەكسەنبىسى;
- تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ قىزمەتكەرلەرىنىڭ كۇنى – 2 قازان;
- اۆتوموبيل كولىگى قىزمەتكەرلەرى كۇنى – قازان ايىنىڭ سوڭعى جەكسەنبىسى;
- بۋحگالتەرلىك ەسەپ جانە اۋديت قىزمەتكەرلەرى كۇنى – 10 قاراشا;
- قىلمىستىق اتقارۋ جۇيەسى قىزمەتكەرلەرىنىڭ كۇنى – 13 جەلتوقسان.
سونىمەن قاتار, بۇل مەرەكەلەر ۇكىمەتتىڭ 2024 جىلعى 16 تامىزداعى № 668 قاۋلىسىمەن بەكىتىلگەندىكتەن ۇلتتىق ءباسپاسوز كۇنى مەن راديو كۇنىن بۇل تىزىمنەن الىپ تاستاۋ جوسپارلانىپ جاتىر.
«جاڭا كاسىبي مەرەكەلەردى ەنگىزۋ تۋرالى ۇسىنىستاردى ءتيىستى قىزمەت سالالارىنداعى ۋاكىلەتتى مەملەكەتتىك ورگاندار كوتەردى», دەپ ءتۇسىندىردى مينيسترلىك.
بۇيرىق جوباسىمەن سىلتەمە ارقىلى تانىسۋعا بولادى.
