فوتو: تۇركىستان وبلىسى اكىمدىگى
وبلىس اكىمى ءوڭىردى دامىتۋ باعىتىنداعى جوسپارلار مەن مىندەتتەرگە توقتالىپ, تاعايىندالعان اپپارات باسشىسىنا جاڭا مىندەتتەر جۇكتەدى.
اپپاراتتىڭ جاڭا باسشىسى وبلىستى دامىتۋ باعىتىندا بار كۇش-جىگەرىن سالاتىنىن, مەملەكەتتىك قىزمەتتەگى جيناعان تاجىريبەسى مەن ءبىلىمىن ەل مۇددەسى جولىندا جۇمسايتىنىن جەتكىزدى. سەنىم ارتقان وبلىس اكىمىنە العىسىن ءبىلدىردى.
ەركەبۇلان داۋىلباەۆ 1978 جىلى وڭتۇستىك قازاقستان وبلىسىندا دۇنيەگە كەلگەن. م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن, رەسەي كەدەن اكادەمياسىن بىتىرگەن.
ەڭبەك جولىن 1999 جىلى قر قارجى مينيسترلىگى كەدەندىك باقىلاۋ كوميتەتىنىڭ وقو بويىنشا كەدەندىك باقىلاۋ دەپارتامەنتىنىڭ ينسپەكتورى لاۋازىمىنان باستاعان.
2020-2021 جىلدارى قر يدم قۇرىلىس جانە تكش ىستەرى كوميتەتى توراعاسىنىڭ ورىنباسارى, 2021 جىلعى تامىزدان قر پرەزيدەنتى اكىمشىلىگىنىڭ مەملەكەتتىك ينسپەكتورى, 2022-2023 جىلدارى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ۆيتسە-ءمينيسترى بولعان. 2023 جىلدان باستاپ قازىرگە دەيىن تۇركىستان وبلىسى اكىمىنىڭ كەڭەسشىسى قىزمەتىن اتقارىپ كەلگەن.
