ايرانداي ۇيىپ وتىرعان ەلمىز

اللاعا شۇكىر, ءبىز ءوز پرەزيدەنتىمىزدى بەسىنشى مارتە سايلاپ, حالىقتىڭ  كوڭىلى جايلانعان كۇنگە دە جەتىپ وتىرمىز. وسىدان 20 جىل بۇرىن قازاقستان حالقى اسسامبلەياسىنىڭ قۇرىلۋى – ءبىزدىڭ ورتاق وتانىمىزداعى بىرلىك پەن بەرەكەنى ساقتاۋدىڭ  تەڭدەسسىز قۇرىلىمى  ەدى. «قازاقستان حالقى اس­سامبلەياسى ناعىز حالىقتىق ينستيتۋت. اتالمىش ۇيىم­نىڭ تاۋەلسىز مەملەكەتتەر دوستاستىعى ەلدەرىندە بولسىن, الەمدە بولسىن, بالاماسى جوق. ونىڭ باستى ارتىقشىلىعىنىڭ كونفەسسياارالىق جانە ەتنوسارالىق عاجاپ ۇيلەسىمدىلىكتى ورناتۋىندا ەكەندىگىنە ەشكىم شەك كەلتىرە قويماس, ءسىرا. «وزگەنى دە وزىڭدەي قابىلدا, باسقاعا وزىڭە جاساعانىن قالامايتىن جاماندىقتى جاساما, – بۇل قاراپايىم شىندىق. بىزدە, قازاقستاندا جاقسى ءومىر سۇرۋگە بارلىق مۇمكىندىكتەر بار. اسسامبلەيا شاقىراتىن جول – بۇل گۇلدەنۋدىڭ جولى, بولاشاقتىڭ جولى», – دەگەن ەلباسىنىڭ سوزىنەن ءبارىن اڭعارۋعا بولادى. راس, قازاقستان رەسپۋبليكاسى مەملەكەتتىك تاۋەلسىزدىك الۋىمەن ۇلكەن جەڭىسكە جەتتىك. بۇل جەڭىس بىزدەن قۋاتتى كۇش پەن ۇلكەن شىدامدىلىقتى تالاپ ەتتى. بارلىق قايتا قۇرۋلارعا قاراماستان, قازاقستاندىقتار ەڭسەلى مەملەكەتتىڭ جوعارى دەڭگەيگە كوتەرىلۋ جولىندا ساياسي, الەۋمەتتىك, ەكونوميكالىق كاتاكليزمدەردىڭ بارلىعىنان مويىماي ءوتتى. وسىنداي بارلىق سىناقتارعا شىداپ, جەڭىسكە جەتۋ ءۇشىن تۇڭعىش پرەزيدەنتىمىز – ەلباسى نۇرسۇلتان ءابىش ۇلى نازارباەۆقا دەگەن حالىقتىڭ ۇلكەن سەنىمى نەگىزگى قولداۋ بولدى. ويتكەنى, ەلى ءۇشىن بار جاۋاپكەرشىلىكتى الىپ, مەملەكەتىمىزدى نىعايتىپ, اتاق-ابىرويىن اسقاقتاتىپ, ءوسىپ-وركەندەي بەرۋىنە, حالىقتىڭ باي-قۋاتتى بولۋىنا  ايانباي تەر توگەتىن ءبىر عانا ادام بار. ول – نازارباەۆ! مەملەكەت باسشىسى ءوز ەلىنىڭ پاتريوتى رەتىندە ەلىمىزدىڭ بولاشاعىن بيىكتەن كورىپ, سول بيىك بەلەستەردى باعىندىرۋ جولىندا ايانباي ەڭبەك ەتۋدە. حالىق ايتقانداي, ءبىزدىڭ پرەزيدەنت سياقتى ادام 100 جىلدا ءبىر-اق رەت تۋىلادى.  نۇرسۇلتان نازارباەۆتى – جاھاندىق يادرولىق قارۋعا قارسى قوزعالىستىڭ باستاماشىسى, ونىڭ بىتىمگەرى, ساياسي گروسسمەيستەر, ينتەگراتسيالىق ۇدەرىستەردىڭ ۇيىتقىسى, قوزعاۋشى كۇشى, يدەيالاردىڭ گەنەراتورى دەپ اتايدى, ال ەڭ نەگىزگىسى وعان حالىق سەنگەنىن, وراسان زور سەنىم ارتقانىن وسى بەسىنشى رەت سايلانۋىمەن ءبىلدىردى. مەملەكەتىمىزگە باسشىلىق جاساعان جىلدار ىشىندەگى نۇرسۇلتان نازارباەۆ ۇسىنعان قاي يدەيانى الىپ قاراساڭىز دا, ۋاقىت وتە كەلە ەلباسى باستامالارى وزەكتى بولىپ, باستى قاجەتتىلىككە اينالادى, قازىرگى الەمنىڭ تالاپتارىنا جاۋاپ بەرەدى, ول ساياسي, ەكونوميكالىق, اسكەري, ايماقتىق, ءدىني جانە باسقا دا حالىقارالىق ۇيىمنىڭ نەگىزگى باعىتىنا اينالادى. ايرانداي ۇيىپ وتىرعان ەلىمىز اتا-بابالارىمىز اڭساعان قازاق جەرىن جەرۇيىققا اينالدىرىپ, ماڭگىلىك ەل بولىپ, بۇكىل الەمگە پاش ەتكىزدى. نۇرسۇلتان ءابىش ۇلىنىڭ ەرەن ەڭبەگىنىڭ ءبىر ۇشتىعىن عانا اتاپ ءوتتىم. ەل بيلەۋ وڭاي ەمەس, پاتشا  جاراتقاننىڭ جەردەگى كولەڭكەسى دەپ تە بەكەر ايتپاعان. ونى  مىندەتتى ابىرويمەن الىپ ءجۇرۋ دە وڭاي ەمەس. ەلباسىنىڭ حالقىنا دەگەن ءمىنسىز قىزمەتىنىڭ ءبىر باعاسىن مىنا سوزدەن-اق بىلۋگە بولادى, ءدۇيىم جۇرت «نازارباەۆ دەسە – قازاقستان» دەپ, «قازاقستان دەسە – نازارباەۆ» دەپ بەكەردەن-بەكەر  ايتپايدى. ەگىز ۇعىم – ەلىن ادىلدىكپەن بيلەگەن ەڭبەگىنە قۇرمەتى, حالىقتىڭ سەنىمى. جاراتىلىسىنان ءبىر تۋار ۇل, سارقىلمايتىن تابيعي دارىن يەسى, دىنىنە بەرىك, رۋحاني بايلىعى مول نۇرسۇلتان ءابىش ۇلى نازارباەۆقا باسىمدى ءيىپ ءوز العىسىمدى بىلدىرەمىن! ليۋدميلا حوچيەۆا, قحا كەڭەسىنىڭ مۇشەسى, قازاقستاننىڭ ەڭبەك سىڭىرگەن قايراتكەرى.