فوتو: gov.kz
ۇلتتىق بيۋرو حابارلاعانداي, 1 قاراشادا قازاقستان حالقىنىڭ سانى 20 243 981 ادامدى قۇرادى. 1 قاڭتارمەن سالىستىرعاندا قازاقستاندىقتاردىڭ سانى 210 139 ادامعا ءوستى.
حالىق سانىنىڭ ءوسۋى قازاقستان قالالارىندا دا بايقالدى. الماتى 1 قاراشاداعى جاعداي بويىنشا 2 280 296 ادام تۇراتىن (جىل باسىندا 2 228 675) حالىق ەڭ تىعىز ورنالاسقان قالا بولىپ قالا بەرەدى. ودان كەيىن استانا – 1 511 807 (جىل باسىندا 1 430 105 تۇرعىن) جانە شىمكەنت – 1 249 581 (1 222 066 تۇرعىن) تۇر.
تۇركىستان (1 قاراشاداعى جاعداي بويىنشا 2 154 461 ادام), الماتى (1 554 695 ادام), جامبىل (1 222 835 ادام) جانە قاراعاندى (1 134 132 ادام) وبلىستارىندا ميلليوننان استام ادام تۇرادى.
1 قاراشاداعى جاعداي بويىنشا 12 727 404 قازاقستاندىق قالالاردا تۇرادى. 7 516 577 ادام اۋىل تۇرعىندارى.
