كوگىلدىر توعاندار مەن وڭتۇستىك-شىعىس اراسىندا جاڭا جابىق ستاديون, باسسەينى بار امبەباپ سپورت ارەناسى, كوپفۋنكتسيونالدى مۇز كەشەنى سالىنادى. وبلىس اكىمى ەرماعانبەت بولەكپاەۆ تۇرعىندارمەن كەزدەسۋىندە قاراعاندىنى دامىتۋ جوسپارلارىنا توقتالدى.
«مەملەكەت باسشىسى قاسىم-جومارت توقاەۆ بۇقارالىق سپورتتى دامىتۋعا ۇلكەن كوڭىل ءبولىپ وتىر. ءبىزدىڭ الدىمىزدا سالاۋاتتى ۇرپاق تاربيەلەۋمەن قاتار, وتاندىق سپورتشىلاردى دايىنداۋ بويىنشا دا ناقتى مىندەتتەر تۇر. كوك توعاندار مەن وڭتۇستىك-شىعىس اراسىندا سپورت كلاستەرىن سالۋعا 72 گەكتار جەر بولدىك. ءبىز جابىق ستاديون, حوككەي, كونكي تەبۋ, مانەرلەپ سىرعاناۋ جانە باسقا دا سپورت تۇرلەرىنە ارنالعان كوپفۋنكتسيونالدى مۇز كەشەنىن سالامىز», دەدى ەرماعانبەت بولەكپاەۆ.
سونىمەن قاتار اۋماقتا جەڭىل اتلەتيكا مانەجىن, باسسەينى بار امبەباپ سپورت ارەناسىن, كۇرەس جانە بوكس زالدارىن سالامىز. بارلىق نىساندار حالىقارالىق ستاندارتتارعا ساي بولادى, بۇل ءتيىستى سىنىپتاعى جارىستاردى وتكىزۋگە مۇمكىندىك بەرەدى.
قۇرىلىس كەلەسى جىلى باستالادى. بۇل اۋداننىڭ دامۋىنا وڭ اسەرىن تيگىزىپ, سپورتشىلاردى ىنتالاندىرادى.
سونداي-اق, ايماق باسشىسى كەلەسى جىلدى مايقۇدىق پەن وڭتۇستىك-شىعىستى دامىتۋ جىلى دەپ جاريالادى.
