فوتو: اشىق دەرەككوز
«قازاقستان رەسپۋبليكاسىنىڭ ديپلوماتياسى مەن سىرتقى ساياساتى ەشقاشان ءۇشىنشى مەملەكەتتەردىڭ ىسىنە ارالاسپايدى. وڭتۇستىك كورەيادا بولىپ جاتقاننىڭ ءبارى وڭتۇستىك كورەيانىڭ ماسەلەسى», دەدى الىبەك باقاەۆ.
ونىڭ ايتۋىنشا, سىرتقى ىستەر مينيسترلىگىنىڭ باستى مىندەتى - قازاقستاننان تىس جەردە, اتاپ ايتقاندا وڭتۇستىك كورەيادا جۇرگەن ازاماتتاردىڭ قۇقىقتارىن بارىنشا قامتاماسىز ەتۋ.
«وڭتۇستىك كورەيادا بولىپ جاتقان جاعدايعا قاراماستان, قازاقستان ازاماتتارى ەلشىلىككە حابارلاسپادى. ولار كومەك سۇراپ حابارلاسىپ جاتسا, ارينە, ەلشىلىك تاراپىنان جان-جاقتى قولداۋ كورسەتىلەدى. قازىر وڭتۇستىك كورەيادا ءارتۇرلى ماقساتپەن 30 مىڭنان قازاقستان ازاماتتارى تۇرىپ جاتىر. ەل ازاماتتارىنىڭ كورەيادا كوپ بولۋىنىڭ ءبىر سەبەبى – ۆيزاسىز رەجيم», دەدى ءا.باقاەۆ.
ول يزرايل مەن ۋكرايناداعى قاقتىعىستار جاعدايىندا ەل ازاماتتارىن مەملەكەت وزدەرى ءۇشىن ۇيىمداستىرعان ۇشاقتارمەن وتانىنا جەتكىزگەنىن ەسكە سالدى. باقاەۆتىڭ ايتۋىنشا, وڭتۇستىك كورەيا جاعدايىندا مۇنداي قاجەتتىلىك جوق.
