فوتو: ۇكىمەت
دوس سارباسوۆتىڭ ايتۋىنشا, بۇل ءدارى-دارمەكتى ءبىرىنشى رەت قابىلداعاننان كەيىن ون بەس ونكولوگيالىق ناۋقاستىڭ جاعدايى تۇراقتانعان. ولاردىڭ التاۋىندا ىسىكتىڭ ءوسۋى توقتاسا, ءبىر ناۋقاستا ىسىك 30 پايىزعا ازايعان. ەندى ەل دارىگەرلەرى پرەپاراتتا ۋىتتىلىقتىڭ جوعى راستالعاننىن كۇتىپ وتىر.
ء«بىز قاتەرلى ىسىككە قارسى اپپاراتتى 2022-2023 جىلدارى سىناي باستادىق, رۇقسات قۇجاتتارىن الدىق. كلينيكالىق سىناقتىڭ 1-ءشى جانە 2-ءشى كەزەڭدەرىن وتكىزدىك. قازىر ءبىز جوعارى دوزانى الۋعا قول جەتكىزدىك. سىناقتار قازاق ونكولوگيا جانە راديولوگيا ينستيتۋتىندا ءوتىپ جاتىر. ءبىز گليۋكوزانى سىڭىرەتىن راك كلەتكالارىن جويامىز. حالىقارالىق پاتەنتىمىز بار. باقىلاۋ توبىندا بولعان 5 پاتسيەنتتىڭ جاعدايىن تۇراقتاندىرۋعا اسەر ەتتى. ىسىك وسكەن جوق, ءبىر ناۋقاستا ىسىك 30%-عا ازايدى. ءىستى سوڭىنا دەيىن جەتكىزىپ, 2-3 جىل ىشىندە جوبانى اياقتاۋىمىز كەرەك», دەدى دوس سارباسوۆ.
