«جاسىل بەلدەۋ» اۋماعى ۇلعايا تۇسەدى

جالپى, وڭىردە «تازا قازاقستان» باعدارلاماسى اياسىندا جىل سو­ڭى­نا دەيىن جوسپارلانعان 807 سەن­بىلىكتىڭ 20 ماۋسىم – 22 قاراشا ارا­لىعىندا 768-ءى ۇيىمداستىرىل­عان. جاقىندا شاردارا, قازى­عۇرت ەل­دى مەكەندەرىنىڭ سانيتارلىق تا­زا­­لىعىنىڭ جاي-كۇيىنە مونيتورينگ جۇرگىزىلىپ, ستيحيالى قوقىس ۇيىندىلەرى انىقتالعان. ولاردى تەز ارادا جويۋ ماقساتىن­دا اۋىل اكىمدىگىمەن بىرلەسىپ, ارنايى تەحنيكالار تارتىلعان. سون­داي-اق تازالىق جۇمىستارى تۇر­كىس­تان­دا­عى يندۋستريالىق ايماقتا جۇر­گى­زىلىپ, مەردىگەر مەكەمەگە, جا­ۋاپ­تى باسقارمالار, قالا اكىم­دىگىنە بەكى­تىلگەن سەكتورلاردىڭ 70 گەك­تارى اۋما­عى تازالانىپ, جارىقتان­دى­رىل­دى. وبلىس اكىمى اپپاراتىنىڭ قىز­­مەتكەرلەرى انىقتاعان 170 قوقىس ورنى رەتكە كەلتىرىلدى.

وڭىردە كۇزگى اعاش ەگۋ ناۋقانى مەن «جاسىل بەلدەۋدى» دامىتۋ باعى­تىنداعى جۇمىستار دا جۇيەلى جۇر­گىزىلىپ كەلەدى. بۇل ورايدا وبلىس اكىمى دارحان ساتىبالدى وتىرعىزىلعان اعاشتاردى كۇتىمگە الىپ, «جاسىل بەلدەۋدى» ۇلعايتۋ مەن كوگالدان­دىرۋ جۇمىستارىن كۇشەيتۋدى تاپسىر­عان بولاتىن.

وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قايرات ابدۋاليەۆتىڭ ايتۋىنشا, مەملەكەت باسشىسىنىڭ جولداۋىندا ايتىل­عان رەسپۋبليكا بويىنشا ەلدى مەكەندەردە 15 ملن كوشەت ەگۋ تاپسىرماسىنا سايكەس, 2021-2025 جىلدارى تۇركىس­تان وبلىسىندا 1,1 ملن كوشەت وتىرعى­زۋ جوسپارلانعان. وسىعان بايلانىستى «تۇركىستان وبلىسى­نىڭ ەلدى مەكەندەرىن كوگالداندىرۋ­دىڭ 2022-2025 جىلدارعا ارنالعان كەشەن­دى ءىس-شارا جوسپارى» بەكىتىل­گەن. جوسپارعا سايكەس, وبلىستىڭ ەلدى مەكەندەرىن كوگالداندىرۋعا بيىل كوكتەم ايلارىندا 491 106 ءتۇپ كو­شەت ەگىلدى. ال كۇزدە 467,5 مىڭ ءتۇپ كو­شەت وتىرعىزۋ كوزدەلسە, ونىڭ 438 970 ء­تۇبى بوساتىلعان. ورمان شارۋا­شى­لى­عى مەكەمەلەرىمەن 2024 جىل­دىڭ كۇزى مەن 2025 جىلدىڭ كوكتە­مىنە جوس­پارلانعان كوشەت­تەر­مەن قامتاماسىز ەتۋگە تولىقتاي مۇمكىندىك بار. كوشەتتەردى تارا­تۋ باعىتىندا جۇمىستار جالعاسىپ جاتىر.

– مەملەكەت باسشىسى قاسىم-جومارت توقاەۆتىڭ وڭىرلەردى اباتتاندىرۋ, كوگالداندىرۋ جونىندەگى تاپسىرماسىنا سايكەس وبلىسىمىزدا كۇز جانە كوكتەم مەزگىلدەرىندە اعاشتار ەگۋ داستۇرگە اينالدى. كو­شەتتەر وتىرعىزىلاتىن ورىننىڭ تەرەڭدىگى مەن تامىرىنىڭ ورنالاسۋى قاتاڭ باقىلانادى. اۋا رايىنىڭ ەرەكشەلىگىن ەسكەرىپ, اعاشتاردىڭ جەرسىنۋ كورسەتكىشىن ارتتىرۋعا جاعداي جاساۋ باعىتىندا جۇمىستار جۇرگىزىلىپ جاتىر. جالپى, تۇركىس­تان قالاسىنىڭ اينالاسىنان جاسىل بەلدەۋ قۇرۋعا 30 000 گەكتار جەر­­گە مەملەكەتتىك اكت الىنىپ, مەم­­­­­لەكەتتىك ورمان قورى ساناتىنا اۋىستىرىلدى. بيىلعى كۇز, 2025 جىل­دىڭ كوكتەم ايلارىندا «جا­سىل بەل­دەۋ» اۋماعىندا ورمان ەكپەلە­رىن وتىر­عىزۋ, تولىقتىرۋ جۇمىستارى ­17 019 گەكتار جەردە اتقارىلادى. نە­گىزگى باسىم جۇمىستار تۇركىستان قالاسىن اينالا قورشاپ تۇرعان «جاسىل بەلدەۋدىڭ» 8 185 گەكتار اۋما­عىندا جۇرگىزىلمەك. بۇل جەرگە تو­لىقتى­رۋ جۇمىستارىن جۇرگىزۋ كوز­دەلىپ وتىر. وعان مەكەمەنىڭ تۇ­قىم­باعىن­داعى تۇركىستان قالاسى اۋما­عىنا جەرسىنگەن كوشەتتەر پايدالانىلادى. سونىمەن قاتار باسقارماعا قاراستى مەكەمەدە 120 گەكتار جەرگە زاماناۋي ورمان تۇقىمباعىن قۇرۋ جوسپارلانعان. بۇگىندە ونىڭ 47 گەكتارى تۇراقتى پايدالانىلىپ وتىر. ورمان تۇقىمباعىندا 21 ءتۇرلى اعاش-بۇتا كوشەتتەرى وندىرىلەدى. اتاپ ايتساق, وندا اعاشتاردىڭ قىل­قان جاپىراقتىنىڭ 5 ءتۇرى, جا­پىراقتىنىڭ 11 ءتۇرى, بۇتا تەكتەس اعاش­تاردىڭ 5 ءتۇرى بار. تۇركىستان قا­لا­سىنىڭ اينالاسىنداعى جاسىل بەل­دەۋگە, قالانى كوگالداندىرۋ­عا ءبىر جىلدا 2,5 ملن ءتۇپ ءارتۇرلى اعاش-بۇتا كوشەتتەرى مەن 150 مىڭ ءتۇپ ء­بىر جانە كوپجىلدىق گۇل كوشەت­تەرى قاجەت. وسى ورايدا, جاڭا­دان قۇ­رىلىپ جاتقان تۇقىمباقتىڭ 120 گەكتار جەرىن «جاسىل ايماق» كمم-ءنىڭ تەڭگەرىمىنە الۋ ءۇشىن ساۋران اۋدانى اكىمدىگى تاراپىنان جەردى زاڭداستىرۋ باعىتىندا ءتيىستى جۇمىستار جۇرگىزىلىپ جاتىر. الداعى ۋاقىتتا ورمان تۇقىمباعىنىڭ 120 گەكتار جەر كولەمى ۇلعايىپ, تولىق يگەرىلگەن جاعدايدا جىلىنا 14,3 ملن ءتۇپ كوشەت وسىرىلەدى, – دەيدى باسقارما باسشىسى قايرات ابدۋاليەۆ.

سونداي-اق وڭىردە كوشەتتەردىڭ كونىمدىلىگىن انىقتاۋ بارىسىندا 2026-2028 جىلدار ارالىعىندا اۋدان, قالا اكىمدىكتەرىنىڭ سۇرانىستارىنا سايكەس, 400 مىڭنان استام كوشەتتى تولىقتىرۋ ماقساتىندا بوساتۋ جوس­پارلانىپ وتىر.

تۇركىستان وبلىسى