«جەر انا» ءفيلمىنىڭ قويۋشى-وپەراتورى يسماەل بلانكو يسپانيانىڭ بوس قالىپ, قۇردىمعا كەتكەن اۋىلدارى تۋرالى ءسوز قوزعادى. ءومىر بويى اۋىلىنىڭ شاڭىن جۇتىپ, دالا توسىندە ەمىن-ەركىن جۇرگەن تۇرعىنداردىڭ كۇنكورىسى قيىنداپ كەتكەن. بۇل جەرلەردە ءومىر ءۇشىن كۇرەسۋگە تۋرا كەلەدى. فيلمدە ءشول دالا مەن مەگاپوليستىڭ تىنىس-تىرشىلىگى, ارتتا قالعان كۇندەر مەن جايلىلىققا تولى بولاشاق سۋرەتتەلىپ, قاراما-قايشىلىقتار بەينەلەنگەن.
«بۇل اۋىلداردىڭ تۇرعىندارى كəسىبي اكتەرلەر ەمەس. ولاردىڭ بەت-əلپەتى مەن سويلەۋ مəنەرى تاريحتان سىر شەرتەدى. ونى ويدان شىعارۋ مۇمكىن ەمەس», دەيدى ول.
قىرعىز رەجيسسەرى داستان جاپار رىسكەلدي شىنايى وقيعا نەگىزىندە تۇسىرىلگەن «شەكاراداعى مəمىلە» ءفيلمىن ۇسىندى. ونىڭ تۋىندىسى ورتالىق ازيا جəنە تۇركى ەلدەرى بايقاۋىنا قاتىسۋدا.
«مەنىڭ اعام قۇلدىقتا بولدى. بۇل 2000 جىلدارى بولعان جاعداي, بىراق وسىعان ۇقساس وقيعالار ءəلى دە قايتالانىپ كەلەدى. ءبىز وزدەرىن قورعاي المايتىن ادامدار ءۇشىن وسى تۋرالى ءۇن قاتۋىمىز كەرەك», دەيدى رەجيسسەر.
وسى فيلم ارقىلى داستان جاپار رىسكەلدي بۇكىل ورتالىق ازيا ەلدەرىندە وزەكتىلىگىن جوعالتپاعان قۇلدىق مəسەلەسىنە قاتىستى جانايقايىن جەتكىزبەك.
تاتار رەجيسسەرى سالاۆات يۋزەەۆتىڭ «عاشىقتار تاۋى» ءفيلمى ادام جانىنىڭ اسىل قاسيەتى ماحاببات پەن əسەمدىگىن جوعالتپايتىن تابيعاتتىڭ كيەلى ەكەنىن بەينەلەيدى. فيلم كەيىپكەرى ماحاببات سەرتىمەن بايلانىسى بار تاۋدى بارىنشا قورعاۋعا تىرىسادى.
«بۇل تاۋ تەك تابيعاتتىڭ كوركەم سىيى ەمەس. بۇل كەيىپكەردىڭ ادالدىعى مەن رۋحاني كۇشىنىڭ سيمۆولى», دەدى سالاۆات.
كينوفەستيۆالدە ەرەكشە əسەر قالدىرعان فيلمدەردىڭ ءبىرى – ارۋان انارتايدىڭ «جوقتاۋ» كارتيناسى. اتالمىش تۋىندى ورتالىق ازيا جəنە تۇركى ەلدەرى بايقاۋىندا باق سىناسۋدا. وتاندىق رەجيسسەردىڭ ءفيلمىن تاماشالاۋ ءۇشىن كورەرمەندەر كەزەككە تۇرىپ, زالدىڭ ىشىندە ينە شانشار ورىن تابىلمادى.
«ستسەناري جازۋ بارىسىندا مەن ءəلى دە قايعىدان قان جۇتىپ وتىردىم. جوقتاۋ يگى ادامداردىڭ دۇنيەدەن وتكەنىنە وكىنىپ, ولاردى ەسكە ءتۇسىرۋ ءۇشىن ايتىلاتىن ءسوز عانا ەمەس. بۇل ءبىزدىڭ مəدەنيەتىمىز, مəڭگى مەكەنگە كەتكەندەرمەن سىرلاسۋدىڭ جولى», دەدى رەجيسسەر.
«جوقتاۋ» ءفيلمى جەكە قايعى مەن دالا ءدəستۇرىنىڭ ۇلىلىعىن ۇيلەستىرە وتىرىپ, كورەرمەندەردى تەرەڭ تەبىرەنتتى.
