فوتو: ixbt.com
كەلىسىمگە سايكەس, دياپازونداردى ءبولۋ كەلەسىدەي انىقتالدى:
- قازاقستان رەسپۋبليكاسى +7 0, +7 6, +7 7 كودتارىن;
- رەسەي فەدەراتسياسى +7 2, +7 3, +7 4, +7 5, +7 9 كودتارىن پايدالانادى.
بۇل پروتسەسس تاتۋ كورشىلىك جانە ءوزارا قۇرمەت قاعيداتتارىنا نەگىزدەلگەن كونسترۋكتيۆتى ديالوگتىڭ ناتيجەسى بولدى. قازاقستان مەن رەسەي بولىنگەن رەسۋرستاردى ازاماتتاردىڭ يگىلىگى ءۇشىن ءتيىمدى جانە اشىق پايدالانۋ ماقساتىندا تىعىز ىنتىماقتاستىقتى جالعاستىرادى.
ايتا كەتەيىك, 2021 جىلى قازاقستانعا جەكە كود الۋ ماقساتىندا حالىقارالىق تەلەفون كودى +997 رەزەرۆكە قويىلدى.
بايلانىس وپەراتورلارىمەن جاڭا كودقا كوشۋ ماسەلەسىن تالقىلاۋ بارىسىندا, جاڭا كودقا كوشۋ مۇمكىن ەكەنى, بىراق بىرقاتار قارجىلىق جانە تەحنولوگيالىق ماسەلەلەر تۋىندايتىنى انىقتالدى.
سونىمەن قاتار وتاندىق بايلانىس وپەراتورلارىنىڭ بارلىق ابونەنتتەرى مەملەكەتتىك جانە بانكتىك قىزمەتتەردى, الەۋمەتتىك جەلىلەر مەن ءتۇرلى قوسىمشالاردى الۋ ءۇشىن ءوز دەرەكتەرىن جاڭارتۋى قاجەت بولادى. وسىعان بايلانىستى كوشۋ كەزەڭىندە اقاۋلار مەن جاعىمسىز تاجىريبەنىڭ ىقتيمالدىعى جوعارى.
وسىعان بايلانىستى, ازاماتتاردىڭ ىڭعايلىلىعى ءۇشىن قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى حالىقارالىق ەلەكتر بايلانىسى وداعىمەن قايتا كەلىسسوزدەر جۇرگىزىپ, +7 حالىقارالىق كودىن وزگەرىسسىز قالدىرۋ تۋرالى شەشىم قابىلداندى.
