فوتو: اشىق دەرەككوز
ۇكىمەت ەل ەكونوميكاسىنىڭ ورنىقتىلىعىن قولداۋ ءۇشىن جوسپارلى كەزەڭگە ارنالعان رەسپۋبليكالىق بيۋدجەت تاپشىلىعىنىڭ بەكىتىلگەن مولشەرى شەڭبەرىندە قارىز الۋدى جوسپارلاپ وتىر. ازيا دامۋ بانكىنىڭ قارىزى قازاقستانعا 2027 جىلعى 1 ماۋسىمعا دەيىنگى جەڭىلدىكتى كەزەڭدى قوسا العاندا, 52,3 ملرد يەن سوماسىندا 15 جىل وتەۋ مەرزىمىمەن بەرىلەدى.
تارتىلاتىن قارىزعا قىزمەت كورسەتۋدى جانە ونى وتەۋدى رەسپۋبليكالىق بيۋدجەتتە كوزدەلەتىن قاراجات ەسەبىنەن قارجى مينيسترلىگى جۇزەگە اسىراتىن بولادى.
سونداي-اق ءماجىلىس ازيا ينفراقۇرىلىمدىق ينۆەستيتسيالار بانكىمەن اراداعى قارىز تۋرالى كەلىسىمدى راتيفيكاتسيالادى. قۇجاتقا 2024 جىلدىڭ 21 تامىزىندا قول قويىلعان.
ازيا ينفراقۇرىلىمدىق ينۆەستيتسيالار بانكى قازاقستانعا 52,7 ملرد يەن سوماسىندا قارىز بەرەدى. تارتىلاتىن قارىزعا قىزمەت كورسەتۋدى جانە ونى وتەۋدى رەسپۋبليكالىق بيۋدجەتتە كوزدەلەتىن قاراجات ەسەبىنەن قارجى مينيسترلىگى جۇزەگە اسىرادى.
ايتا كەتەيىك, ازيا دامۋ بانكى مەن ازيا ينفراقۇرىلىمدىق ينۆەستيتسيالار بانكى نەسيەلەرى نەگىزگى بورىش بويىنشا ءۇش جىلدىق جەڭىلدىك كەزەڭىمەن 15 جىل مەرزىمگە بەرىلەدى. بۇل رەسپۋبليكالىق بيۋدجەتتى ايتارلىقتاي جەڭىلدەتىپ, قارجىلىق جۇكتەمەنى ازايتادى. بۇل شارتتار قازاقستانعا ءوزىنىڭ قارجىلىق مىندەتتەمەلەرىن ءتيىمدى جوسپارلاۋعا جانە بيۋدجەت تاپشىلىعىن بىردەن بولدىرماۋعا مۇمكىندىك بەرەدى.
