فوتو: قما ءباسپاسوز قىزمەتى
ءىس-شاراعا ەات مۇشە-مەملەكەتتەردىڭ, باقىلاۋشى مەملەكەتتەر مەن ۇيىمداردىڭ, شاقىرىلعان مەملەكەتتەر مەن جەكە سەكتوردىڭ دەلەگاتتارى قاتىسىپ جاتىر.
سونىمەن قاتار, قازاقستان دەلەگاتسياسى قارجىلىق بارلاۋ بولىمشەلەرى باسشىلارى كەڭەسىنىڭ وتىرىسىنا قاتىستى (قبببك). ايتا كەتەيىك, قبببك مۇشە ەلدەردىڭ قارجىلىق قىلمىستارعا قارسى كۇرەستەگى ءىس قيمىلىن ۇيلەستىرەدى.
2024 جىلى كەڭەس بىرنەشە ماڭىزدى باستامالاردى جۇزەگە اسىردى:
- ايماقتا اقشانى جىلىستاتۋ جانە تەرروريزمدى قارجىلاندىرۋ تاۋەكەلدەرىن ازايتۋ بويىنشا ۇسىنىستار ازىرلەندى;
- ەلدەر اراسىندا اقپارات الماسۋ راسىمدەرى جاقسارتىلدى;
- تاۋەكەلدەردى باعالاۋ ءۇشىن حالىقارالىق ورتالىق قۇرۋ بويىنشا جۇمىس باستالدى;
- جاستاردى قىلمىسقا تارتۋعا قارسى كۇرەس شارالارى تالقىلاندى.
سونىمەن قاتار, كەڭەس ۇلتتىق جۇيەلەرگە حالىقارالىق ستاندارتتاردى ەنگىزۋگە كومەكتەسەدى جانە ۇيىمعا مۇشە ەلدەردى ءوزارا باعالاۋ كەزىندە رەيتينگتەرىن جاقسارتۋعا قولداۋ كورسەتەدى.
