استانا. 31 قاڭتار. تەننيستەن اۆستراليا اشىق بىرىنشىلىگىنىڭ قىزدار اراسىنداعى باسەكەسىندە اقش تەننيسشىسى سەرەنا ۋيليامس جەڭىسكە جەتتى. ول فينالدا رەسەيلىك ماريا شاراپوۆادان 6:3, 7:6 (7:5) ەسەبىمەن باسىم ءتۇستى. بۇل تۋرالى egemen.kz حابارلادى.
دوپتى ويىنعا العاش بولىپ ماريا قوستى. باستاپقى سوققىلارىن جاقسى ورىنداعانىمەن, رەسەيلىك تەننيسشى بۇل گەيمدە ۇپايسىز قالدى. قارسىلاسىنىڭ دوبىن ءوز پايداسىنا شەشە بىلگەن سەرەنا ەكىنشى گەيمدە دە شاراپوۆاعا ۇپاي بەرمەدى. ناتيجەسىندە, العاشقى سەتتە اقش تەننيسشىسى 6:3 ەسەبىمەن جەڭىسكە جەتتى.
كەلەسى كەزەڭ سەرەنانىڭ ايقىن باسىمدىعىمەن باستالدى. قاتارىنان ءۇش مارتە ەيس جاساعان ول ەكىنشى سەتتىڭ العاشقى گەيمىندە وڭاي جەڭدى. دەسەك تە, ماريا سەت بارىسىندا لايىقتى قارسىلىق كورسەتە ءبىلدى. ءتىپتى, ەكىنشى گەيمدە ول دا ءۇش رەت قاتارىنان ەيس جاساپ, سەرەنانىڭ جويقىن سوققىلارىنا جاۋاپ بەرگەندەي بولدى. سونداي-اق, ەكى مارتە قارسىلاسىنىڭ دوبىنان ۇپاي الۋ مۇمكىندىگىنە يە بولعانىمەن, ۋيليامس برەيك جاساۋعا شاراپوۆاعا مۇمكىندىك بەرمەدى. ەكىنشى سەتتە ءار تەننيسشى ءوز دوبىنان ۇپاي الىپ, ەسەپ 6:6-عا جەتتى. شەشۋشى سەت بولماسا, مۇنداي ساتتە جەڭىمپاز تاي-برەيك ارقىلى انىقتالاتىنى بەلگىلى. ال بۇل سىندا امەريكالىقتىڭ شەبەرلىگى باسىم بولدى. ەكى سەتكە سوزىلعان بۇل كەزدەسۋدە امەريكالىق 18 ەيس جاساسا, ماريا سونداي 5 جويقىن سوققىمەن جاۋاپ قايتار بىلگەن.
وسىلايشا, ماريا شاراپوۆا سەرەنا ۋيليامسقا قاتارىنان 17-رەت ەسە جىبەرۋگە ءماجبۇر بولدى. بۇل قوس تەننيسشىنىڭ ەكەۋارا 19-ويىنى. العاشقى ەكەۋىندە ماريا جەڭىسكە جەتىپ, ەلدىڭ نازارىنا ىلىككەن بولاتىن. سەبەبى, ول سوناۋ 2004 جىلى بولعان وقيعا. ال ول كەزدە سەرەنانىڭ اتاعى دۇرىلدەپ تۇرسا, ماريا الامانعا ەندى قوسىلعان 17-دەگى قىز ەدى. دەسەك تە, ماريا سول 11 جىل بۇرىنعى جەڭىستەن كەيىن سەرەنانىڭ وسال تۇسىن تابا الماي كەلەدى. «ۇلكەن دۋلىعا» تۋرنيرلەرىنىڭ فينالىندا 4 رەت كەزدەسىپ, سونىڭ بىرەۋىندە ماريا جەڭىسكە جەتتى. جالپى, ەكەۋىنىڭ WTA تۋرنيرلەرىنىڭ شەشۋشى تارتىسىندا 8 مارتە جولدارى تۇيىسكەن ەكەن. سونىڭ ەكەۋى ماريانىڭ العاشقى ەكى جەڭىسى بولسا, قالعانى سەرەنانىڭ پايداسىنا شەشىلگەن. 2012 جىلعى لوندون وليمپياداسىنىڭ فينالىندا دا جانكۇيەرلەر قوس مىقتىنىڭ تارتىسىنا كۋا بولدى. ول جولى وليمپيادانىڭ التىن مەدالىن اقش تەننيسشىسى موينىنا تاققانى ەسىمىزدە.
سەرەنا ءۇشىن بۇل اۆستراليا اشىق بىرىنشىلىگىندەگى 6-جەڭىس. وسىعان دەيىن ول 2001, 2003, 2007, 2009 جانە 2010 جىلدارى مەلبۋرن تورىندە توپ جارعان بولاتىن. جالپى سپورتتىق عۇمىرىندا 19 مارتە «ۇلكەن دۋلىعا» تۋرنيرىندە جەڭىمپاز اتانعان. ال ماريا بۇل ساناتتاعى سايىستاردى 5 مارتە ۇتسا, سونىڭ بىرەۋى اۆستراليا اشىق بىرىنشىلىگى ەدى. رەسەي تەننيسشىسى اتالمىش ءتۋرنيردى 2008 جىلى جەڭدى.
بۇگىندە سەرەنا مەن ماريا سايكەسىنشە الەمنىڭ ءبىرىنشى جانە ەكىنشى راكەتكالارى ەكەنىن ايتا كەتەيىك.
ەلامان قوڭىر.
دەرەك: egemen.kz.
سۋرەت: ausopen.com.
استانا. 31 قاڭتار. تەننيستەن اۆستراليا اشىق بىرىنشىلىگىنىڭ قىزدار اراسىنداعى باسەكەسىندە اقش تەننيسشىسى سەرەنا ۋيليامس جەڭىسكە جەتتى. ول فينالدا رەسەيلىك ماريا شاراپوۆادان 6:3, 7:6 (7:5) ەسەبىمەن باسىم ءتۇستى. بۇل تۋرالى egemen.kz حابارلادى.
دوپتى ويىنعا العاش بولىپ ماريا قوستى. باستاپقى سوققىلارىن جاقسى ورىنداعانىمەن, رەسەيلىك تەننيسشى بۇل گەيمدە ۇپايسىز قالدى. قارسىلاسىنىڭ دوبىن ءوز پايداسىنا شەشە بىلگەن سەرەنا ەكىنشى گەيمدە دە شاراپوۆاعا ۇپاي بەرمەدى. ناتيجەسىندە, العاشقى سەتتە اقش تەننيسشىسى 6:3 ەسەبىمەن جەڭىسكە جەتتى.
كەلەسى كەزەڭ سەرەنانىڭ ايقىن باسىمدىعىمەن باستالدى. قاتارىنان ءۇش مارتە ەيس جاساعان ول ەكىنشى سەتتىڭ العاشقى گەيمىندە وڭاي جەڭدى. دەسەك تە, ماريا سەت بارىسىندا لايىقتى قارسىلىق كورسەتە ءبىلدى. ءتىپتى, ەكىنشى گەيمدە ول دا ءۇش رەت قاتارىنان ەيس جاساپ, سەرەنانىڭ جويقىن سوققىلارىنا جاۋاپ بەرگەندەي بولدى. سونداي-اق, ەكى مارتە قارسىلاسىنىڭ دوبىنان ۇپاي الۋ مۇمكىندىگىنە يە بولعانىمەن, ۋيليامس برەيك جاساۋعا شاراپوۆاعا مۇمكىندىك بەرمەدى. ەكىنشى سەتتە ءار تەننيسشى ءوز دوبىنان ۇپاي الىپ, ەسەپ 6:6-عا جەتتى. شەشۋشى سەت بولماسا, مۇنداي ساتتە جەڭىمپاز تاي-برەيك ارقىلى انىقتالاتىنى بەلگىلى. ال بۇل سىندا امەريكالىقتىڭ شەبەرلىگى باسىم بولدى. ەكى سەتكە سوزىلعان بۇل كەزدەسۋدە امەريكالىق 18 ەيس جاساسا, ماريا سونداي 5 جويقىن سوققىمەن جاۋاپ قايتار بىلگەن.
وسىلايشا, ماريا شاراپوۆا سەرەنا ۋيليامسقا قاتارىنان 17-رەت ەسە جىبەرۋگە ءماجبۇر بولدى. بۇل قوس تەننيسشىنىڭ ەكەۋارا 19-ويىنى. العاشقى ەكەۋىندە ماريا جەڭىسكە جەتىپ, ەلدىڭ نازارىنا ىلىككەن بولاتىن. سەبەبى, ول سوناۋ 2004 جىلى بولعان وقيعا. ال ول كەزدە سەرەنانىڭ اتاعى دۇرىلدەپ تۇرسا, ماريا الامانعا ەندى قوسىلعان 17-دەگى قىز ەدى. دەسەك تە, ماريا سول 11 جىل بۇرىنعى جەڭىستەن كەيىن سەرەنانىڭ وسال تۇسىن تابا الماي كەلەدى. «ۇلكەن دۋلىعا» تۋرنيرلەرىنىڭ فينالىندا 4 رەت كەزدەسىپ, سونىڭ بىرەۋىندە ماريا جەڭىسكە جەتتى. جالپى, ەكەۋىنىڭ WTA تۋرنيرلەرىنىڭ شەشۋشى تارتىسىندا 8 مارتە جولدارى تۇيىسكەن ەكەن. سونىڭ ەكەۋى ماريانىڭ العاشقى ەكى جەڭىسى بولسا, قالعانى سەرەنانىڭ پايداسىنا شەشىلگەن. 2012 جىلعى لوندون وليمپياداسىنىڭ فينالىندا دا جانكۇيەرلەر قوس مىقتىنىڭ تارتىسىنا كۋا بولدى. ول جولى وليمپيادانىڭ التىن مەدالىن اقش تەننيسشىسى موينىنا تاققانى ەسىمىزدە.
سەرەنا ءۇشىن بۇل اۆستراليا اشىق بىرىنشىلىگىندەگى 6-جەڭىس. وسىعان دەيىن ول 2001, 2003, 2007, 2009 جانە 2010 جىلدارى مەلبۋرن تورىندە توپ جارعان بولاتىن. جالپى سپورتتىق عۇمىرىندا 19 مارتە «ۇلكەن دۋلىعا» تۋرنيرىندە جەڭىمپاز اتانعان. ال ماريا بۇل ساناتتاعى سايىستاردى 5 مارتە ۇتسا, سونىڭ بىرەۋى اۆستراليا اشىق بىرىنشىلىگى ەدى. رەسەي تەننيسشىسى اتالمىش ءتۋرنيردى 2008 جىلى جەڭدى.
بۇگىندە سەرەنا مەن ماريا سايكەسىنشە الەمنىڭ ءبىرىنشى جانە ەكىنشى راكەتكالارى ەكەنىن ايتا كەتەيىك.
ەلامان قوڭىر.
دەرەك: egemen.kz.
سۋرەت: ausopen.com.
