مەملەكەت باسىشىسى ناقتىلاعانداي, قازاقستان مەن رەسەي كوپپوليارلى الەم, بەيبىت ديالوگ, بارلىق مەملەكەتتىڭ ەگەمەندىگىن قۇرمەتتەۋ سىندى يدەيالاردى دارىپتەپ, حالىقارالىق ارەنادا ءوزارا تابىستى قارىم-قاتىناس قۇرىپ وتىر.
«ەكى ەلدىڭ جاھاندىق جانە ايماقتىق دەڭگەيدەگى كوپتەگەن ماسەلەگە قاتىستى ۇستانىمى ۇندەس. تاۋەلسىز مەملەكەتتەر دوستاستىعى, ۇجىمدىق قاۋىپسىزدىك تۋرالى شارت ۇيىمى, شانحاي ىنتىماقتاستىق ۇيىمى, ازياداعى ءوزارا ءىس-قيمىل جانە سەنىم شارالارى جونىندەگى كەڭەس جانە باسقا دا ينتەگراتسيالىق بىرلەستىكتەر اياسىنداعى تىعىز ىقپالداستىق – سونىڭ ايقىن دالەلى.
بيىل شىلدە ايىندا استانادا شانحاي ىنتىماقتاستىق ۇيىمىنىڭ ءسامميتى ءوتتى. وندا ء«ادىل الەم, كەلىسىم جانە دامۋ جولىنداعى جاھاندىق بىرلىك» تۋرالى دەكلاراتسيا قابىلداندى. بۇل قۇجات ۇيىمنىڭ ەۋرازيادا جاڭا, ءبىرتۇتاس جانە بولىنبەس قاۋىپسىزدىك ارحيتەكتۋراسىن قۇرۋعا ىقپال ەتە الاتىنىن ايعاقتايدى», دەپ جازدى پرەزيدەنت.
مەملەكەت باسشىسى قازان ايىندا ماسكەۋ قالاسىندا تمد-عا مۇشە ەلدەردىڭ مەملەكەت باسشىلارى كەڭەسى وتىرىسىنىڭ وتكىزىلۋى بيىلعى ماڭىزدى وقيعانىڭ ءبىرى بولعانىن اتاپ ءوتتى.
ايتا كەتەيىك, بيىل قازاقستان ۇجىمدىق قاۋىپسىزدىك تۋرالى شارت ۇيىمىنا توراعالىق ەتىپ وتىر.
«استانادا وتەتىن الداعى سامميت ايماقتاعى قاۋىپسىزدىك پەن تۇراقتىلىقتى نىعايتا تۇسەتىن باستى وقيعا بولماق. ەلىمىز ۇجىمدىق قاۋىپسىزدىكتى بەيبىت جولمەن قامتاماسىز ەتۋ جانە ۇيىمعا مۇشە مەملەكەتتەر اراسىنداعى دوستىق قارىم-قاتىناستى ساقتاۋ جولىندا كۇش بىرىكتىرۋدى بارىنشا قولداپ وتىر. سونداي-اق بريكس ۇيىمىنىڭ قازان قالاسىنداعى تاريحي ءسامميتى وتە ناتيجەلى بولعانىن اتاپ وتكىم كەلەدى. بۇل فورۋم ۆلاديمير ۆلاديميروۆيچ ءپۋتيننىڭ ەرىك-جىگەرى مەن ابىروي بەدەلىنىڭ جانە الەم جۇرتىنىڭ 45 پايىزىنىڭ مۇددەسىن قورعايتىن بىرلەستىككە رەسەيدىڭ ءتيىمدى توراعالىق ەتۋىنىڭ ارقاسىندا ءوتتى», دەپ جازدى مەملەكەت باسشىسى.
