سولتۇستىك قازاقستان پوليتسەيلەرىنە 45 كولىك تابىس ەتىلدى

پەتروپاۆل. 30 ءساۋىر. سولتۇستىك قازاقستان وبلىسىندا ۇلى جەڭىستىڭ 70 جىلدىعىنا ارنالعان ءىس-شارالار اياسىندا ءتارتىپ ساقشىلارىنا قىزمەتتىك كولىكتەردىڭ كىلتتەرى سالتاناتتى جاعدايدا تارتۋ ەتىلدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى. «ىشكى ىستەر سالاسىنىڭ ماتەريالدىق-تەحنيكالىق بازاسىن نىعايتۋدىڭ ارقاسىندا قىلمىستار مەن قۇقىقتىق بۇزۋشىلىقتاردىڭ الدىن الۋ, بولدىرماۋ شارالارى ءوز ناتيجەلەرىن بەرىپ كەلەدى. وزدەرىڭىز كورىپ تۇرعانداي, وبلىستىق جول-پاترۋلدىك پوليتسيا قۇرىلىمى 45 قىزمەتتىك كولىكپەن تولىعىپ وتىر», – دەدى ءوز سوزىندە وبلىس اكىمىنىڭ ورىنباسارى ۆلاديمير بۋبەنكو. Škoda Octavia, Lada Granta, «نيۆا», ۋاز سەكىلدى اۆتوموبيلدەردى ساتىپ الۋعا جەرگىلىكتى قازىنادان 80 ميلليون تەڭگە ءبولىندى. بۇدان بولەك, قورعانىس مينيسترلىگى قىزمەتتىك ماقساتتار ءۇشىن ەكى اۆتوبۋس ءبولدى. ال بۇعان دەيىن قالالىق, وبلىستىق تاس جولداردا پايدالانىلىپ كەلگەن اۆتوموبيلدەر ۋچاسكەلىك پوليتسيا ساقشىلارىنا بەرىلدى. سالتاناتتى جيىن اياقتالعاننان كەيىن قوناقتارعا ارنايى بولىمشە سايىس ۇيىمداستىرىپ, قارۋدى مەڭگەرۋ ادىستەرىن كورسەتتى. شارا ىشكى ىستەر ورگاندارى قىزمەتكەرلەرىنىڭ سالتاناتتى مارشىمەن اياقتالدى. ءومىر ەسقالي. دەرەك: وبلىستىق ىشكى ىستەر دەپارتامەنتىنىڭ ءباسپاسوز قىزمەتى. سۋرەت: inform.kz.