سۋرەت: qaz.ulysmedia.kz
ءوڭىر تۇرعىندارىن گازبەن قامتۋدىڭ قازىرگى كورسەتكىشى 75% بولىپ تۇر. بيىل 30 ملرد تەڭگەدەن اسا قارجىعا 306 شاقىرىم گاز جەلىلەرى تارتىلىپ, وسى كورسەتكىش 78 پايىزعا جەتەدى.
«مەملەكەت باسشىسى اۋىلدى كەشەندى تۇردە جەتىلدىرىپ, زاماناۋي ينفراقۇرىلىمدى دامىتۋ كەرەكتىگىنە باسا ءمان بەرىپ وتىر. وسى مىندەت اياسىندا كەلەر جىلى تاعى وننان اسا ەلدى مەكەندى گازداندىرۋ جوسپاردا بار. بۇل اۋىل تىرشىلىگىنىڭ تامىرىنا قان جۇگىرتىپ, حالىقتىڭ ءال-اۋقاتىن ارتتىرۋعا جول اشادى. بىلتىر عانا سىرداريا اۋدانىنىڭ بيۋدجەتى 12 ملرد تەڭگە بولسا, قازىر 16 ملرد 108 ملن تەڭگەگە جەتىپ, اۋدان حالقى ءۇشىن وزەكتى ماسەلەلەردى شەشۋ مۇمكىندىگى مولايدى», دەدى وبلىس باسشىسى.
ايماق باسشىسىنىڭ تۇرعىندارمەن كەزدەسۋىندە وڭىردە جۇزەگە اسىپ جاتقان ينفراقۇرىلىمدىق جوبالار تۋرالى ايتىلىپ, اۋىل جۇرتشىلىعى اتقارىلعان جۇمىس ءۇشىن العىسىن جەتكىزدى.
قىزىلوردا وبلىسى,
سىرداريا اۋدانى
